ეფრაიმ კაცირი

	ეფრაიმ კაცირი; אפרים קציר
	; კაცირი 1978 წანას
ისრაელიშ მა-4 პრეზიდენტი
პოსტის გერინაშ ბორჯი
	24 მესი, 1973 – 29 მესი, 1978
პრემიერ-მინისტრი	გოლდა მეირი; იცხაკ რაბინი; მენახემ ბეგინი
წიმოხონი	ზალმან შაზარი
მონძე	იცხაკ ნავონი
ნაღურა	30 მესი, 2009 (93 წანერი); რეჰოვოტი, ისრაელი
მენოღალობა	ისრაელი
ერუანობა	ურია
პოლიტიკური პარტია	ავოდა
ალმასქუ	ნინა გოტლიები
სქუალეფი	3
გონათაფა	იერუსალიმიშ უნივერსიტეტი
საქვარუა	მენცარი, პოლიტიკოსი
რელიგია	იუდაიზმი
ჯილდოეფი	ისრაელიშ პრემია (1959); ჰანს კრებსიშ მენდალი (1972); იაპონიაშ პრემია (1985); მენცარობეფიშ ერუანული აკადემიაშ მაკათური (1966); ომაფე ჯარალუაშ ურცხოალი მაკათური (1977)
ხეშმოჭარუა

ეფრაიმ კაცირი (ურ. אפרים קציר, დ. 16 მესი [ჯვ.სტ. 3 მესი], 1916 — ღ. 30 მესი, 2009), დაბადებაშ გვარი კაჩალსკი — ისრაელარი ბიოფიზიკოსი დო პოლიტიკოსი, ისრაელიშ პრეზიდენტი 1973-1978 წანეფს.

1925 წანაშე პალესტინას ცხოვრენდჷ. ახალნორდობაშე დაინტერესებული რდჷ მენცარობეფით. გურაფულენდჷ ბოტანიკას, ზოოლოგიას დო ქიმიას იერუსალიმიშ უნივერსიტეტის, სოდეთ 1941 წანას თხილუ ოდოქტორე დისერტაცია. 1940-იან წანეფს მუშენდჷ კოლუმბიაშ უნივერსიტეტის. 1949 წანას ქუდარინეს ვაიცმანიშ ინსტიტუტიშ ბიოფიზიკაშ დეპარტამენტიშ მადუდეთ. უკულიანი პერიოდის გინირთჷ თე ინსტიტუტიშ დირექტორო. 1966 წანას, კაცირიქ გინირთჷ მაართა ისრაელარი მენცარო, ნამუქჷთ გიშაგორილქ იჸუ ამერიკაშ მენცარობეფიშ ერუანული აკადემიაშ მაკათურო. 1966-1968 წანეფს, კაცირი რდჷ ისრაელიშ დუდთხილუაშ სამინისტროშ ომენცარე ელმაჩამალი.

ეფრაიმ კაცირი რდჷ ისრაელიშ მამართალი პარტია ავოდაშ მაკათური. პრემიერ-მინისტრი გოლდა მეირიშ ინიციატივათ, 1973 წანას, ისრაელიშ პარლამენტიქ - ქნესეთიქ, კაცირი გეგშაგორჷ ისრაელიშ პრეზიდენტო. პრეზიდენტიშ პოსტის გერინაშ ბორჯის, კაცირი რდჷ არაბული სახენწჷფოეფიწკჷმა ოთინჩალე პოლიტიკაშ პროპონენტი. პოსტიშ დოტებაშ უკულ, კაცირიქ ომენცარე კარიერას დართჷ. 2008 წანას გიმიბჟინუ თიში მემუარეფქ "რინაშ თხობელუა".

ქოძირით თაშნეშე

ისრაელიშ პრეზიდენტი

ლიტერატურა

ენციკლოპედია ბრიტანიკა