ვარაჰაგირი ვენკატა გირი

ვარაჰაგირი ვენკატა გირი
ოფიციალურ პორტრეტი, დოხოლ. 1968 წ.
ინდოეთიშ მა-4 პრეზიდენტი
პოსტის გერინაშ ბორჯი
24 მარაშინათუთა, 1969 – 24 მარაშინათუთა, 1974
ვიცე-პრეზიდენტი	გოპალ სვარუპ პატჰაკი
პრემიერ-მინისტრი	ინდირა განდი
წიმოხონი	მუჰამედ ჰიდაიატულა (ს/მ)
მონძე	ფაჰრუდინ ალი აჰმედი
ინდოეთიშ მა-3 ვიცე-პრეზიდენტი
პოსტის გერინაშ ბორჯი
13 მესი, 1967 – 3 მესი, 1969
პრეზიდენტი	ზაქირ ჰუსეინი
წიმოხონი	ზაქირ ჰუსეინი
მონძე	გოპალ სვარუპ პატჰაკი
კერალაშ გუბერნატორი
პოსტის გერინაშ ბორჯი
1 კვირკვე, 1960 – 2 პირელი, 1965
წიმოხონი	ბურგულა რამაკრიშნა რაო
მონძე	აჯიტ პრასად ჯაინი
დუნაბადი	10 მარაშინათუთა, 1894 ბერჰამპური, მადრასიშ საპრეზიდენტო, ბრიტანეთიშ ინდოეთი
ნაღურა	მანგი 24, 1980 (85 წანერი) მადრასი (ჩენაი), ინდოეთი
ოგიშაგორაშე ოლქი	პატაპატნამი, ანდჰრა-პრადეში
ღურაშ ბაძაძი	გურიშ შეტევა
მენოღალობა	ინდოეთი
ერუანობა	ტელუგუ
პოლიტიკური პარტია	ზოხორინელი
მუმა	ვ. ვ. ჯოგია პანტულუ
ალმასქუ	სარასვატი ბაი (გ. 1926; დოღურჷ 1978)
სქუალეფი	14
გონათაფა	მადრასიშ უნივერსიტეტი, დუბლინიშ უნივერსიტეტიშ კოლეჯი
ომენცარე ხარისხი	იურისტი
პროფესია	იურისტი, აქტივისტი
საქვარუა	პოლიტიკოსი, პროფრსხუეფიშ ლიდერი
რელიგია	ინდუიზმი
ჯილდოეფი	ბჰარატ რატნა (1975)
აკა პრეზიდენტ ზოხორინელ პოლიტიკოსიშ სტატუსით

ვარაჰაგირი ვენკატა გირი (ჰინ. वराहगिरी वेंकट गिरी, ტელუგ. వరాహగిరి వేంకటగిరి; დ. 10 მარაშინათუთა, 1894 – ღ. 24 მანგი, 1980), უჯგუშო ჩინებულ მუჭოთ ვ. ვ. გირი — ინდოარ სახენწჷფო მოღალე, აქტივისტ დო დიპლომატი, ნამუთ 1969 წანაშე 1974 წანაშა ინდოეთიშ პრეზიდენტიშ პოსტის იკენდჷ. თეიშა თინა მოღალენდჷ მუჭოთ ინდოეთიშ ვიცე-პრეზიდენტი (1967–1969) დო ხანდაშ მინისტრი (1952–1954).

ბერჰამპურს, ტელუგუ ბრაჰმანეფიშ ფანიას დჷნაბადუ გირიქ, უმაღალაშ გონათუა ხალიკოტიშ კოლეჯის მიღჷ, სოდეთ სტუდენტურ რსხუშა გიშაგორილქ იჸუ დო აქტიურო ოხოლუდჷ ზოხორინალაშ ყარაფის. 1913 წანას თიქ ირლანდიაშა გეგნორთჷ სამართალიშ დაგურაფალო დუბლინიშ უნივერსიტეტიშ კოლეჯიშ (UCD) დო დუბლინიშ „ქინგს ინსიშ“ (King's Inns) საპატიო ჯარალუაშა. 1916 წანაშ მანგის თინა ირლანდიურ ადვოკატურაშა (Irish Bar) ქიმიჭანუეს, მარა UCD-იშ ბაკალავრიშ (BA) ხარისხიშ მეღებაქ ვამჭიშუ. 1916 წანას ინდოეთშა დორთინაშ უკული, გირიქ მადრასიშ უმაღალაშ სასამართოს დერეგისტრირჷ. თინა ინდოეთიშ ერუანულ კონგრესიშ დო დუდგამაგალაშ ყარაფიშ (Home Rule Movement) მაკათურო გინირთჷ. 1920 წანას, უდუდჸუნალობაშ ყარაფიშ ფარგანეფს, თიქ იურიდიულ კარიერაშენ ვარია თქუ, 1922 წანას — დემონსტრაციეფიშ გეშა ოჭოფეს. გირი მეჭედელო რდჷ მერსხილ ინდოეთიშ მოხანდეეფიშ ყარაფწკჷმა დო 1926 წანას ედომუშამ ინდოეთიშ პროფრსხუეფიშ კონგრესიშ (AITUC) პრეზიდენტო გეგშაგორეს.

1934 წანას გირი იმპერიულ კანონმადვალუ ასამბლეაშ მაკათურო გეგშაგორეს, 1937 წანას — ჩაკრავარტი რაჯაგოპალაჩარიშ თარობას ხანდაშ დო ინდუსტრიაშ მინისტრო გინირთჷ. მასხუნალ (კონგრესიშ) სამინისტროეფქ 1939 წანას პროტესტიშ ნიშნო გეგნოდირთესჷნ (თიშ გეშა, ნამჷ-და ინდოეთიქ მაჟირა მოსოფელიშ ლჷმას ქაკათჷნ). ათეშ უკულ გირქ ხანდაშ ყარაფის ქჷდართუ, ნამუშ გეშათ ოჭოფეს დო 1941 წანაშა 15 თუთა ხვილიშას ხედჷ. თინა კჷნე ოჭოფეს „მეუთ ინდოეთშე“ (Quit India)]] ყარაფიშ დოჭყაფაშ უკული; თიქ 1942-შე 1945 წანაშა, სუმ წანას ხვილუდჷ. 1946 წანაშ ართამ გიშაგორუეფს გირი მადრასიშ კანონმადვალუ ასამბლეაშ მაკათურო გეგშაგორეს დო კჷნე მინისტრო გინირთჷ ტანგუტური პრაკასამიშ ხემანჯღვერალათ, სოდეთ ხანდაშ სფეროს ხემანჯღვერენდჷ. 1947-შე 1951 წანაშა თინა ნინალენდჷ, მუჭოთ ინდოეთიშ პირველ უმაღალაშ კომისარ (ჸენჯი) ცეილონს (ამდღარ შრი-ლანკა).

რესურსეფ ინტერნეტის

ვიკიოწკარუეს^? რე ხასჷლა თემაშენ:

ვარაჰაგირი ვენკატა გირი

• V. V. Giri at Encyclopædia Britannica