ვაუბჟიხი (პოლ. Wałbrzychⓘ [ˈvawbʐɨx]; გერმ. Waldenburg; სილ.-გერ. Walmbrig ვარ-და Walmbrich; ჩეხ. Valbřich თაშნეშე ჩეხ. Valdenburk) — ნოღა პოვიატიშ ნებეფით პოლონეთიშ ობჟათე-ბჟადალშე, თუდოლენი სილეზიაშ სავოევოდეს. ვაუბჟიხიშ პოვიატიშ ადმინისტრაციული ცენტრი. ნოღა იდვალუაფუ სავოევოდეშ ნანანოღა ვროცლავიშ ობჟათე-ბჟადალშე 70 კილომეტრიშ მეძენას დო ჩეხეთიშ რესპუბლიკაშ ხურგიშე — მეხოლაფირო 30 კილომეტრიშ მეძენას, წყარმალუ პეუჩნიცაშ წყარპიჯის. ნოღაშ ადმინისტრაციული ტერიტორიაშ ფართობი რე 85 კმ2, მახორობაშ მუდანობა — 110 000, ნამუშით სავოევოდეს მაჟირა უკაბეტაში ნოღა დო ქიანაშ 33-ა ნოღა რე.
ნამდგარდია ბორჯის ვაუბჟიხი რდჷ ქუანოშქერიშ მოპალუაშ დო ხერეჭუაშ კაბეტი ცენტრი სილეზიაშ უმენტაში ნორთწკჷმა ართო. მაჟირა მოსოფელიშ ლჷმაშე ნოღაქ უდუკილებუო ქუდოსკიდჷ დო უღჷ დინდარი ისტორიული არქიტექტურა; არძაშე ჩინებული ოქინაფუეფს შქას რე ქშონჟიშ ჯიხაზურგა, თუდოლენი სილეზიაშ უკაბეტაში ჯოხაზურგა დო სიკაბეტაშ მეჯინათ პოლონეთის მასუმა.
2015 წანას, ვაუბჟიხიქ ჩინებულო გჷნირთუ ორჩანიეთ ნთხორილი ნაცისტური ორქოშ მახინწალიშ გორუაშენ, ნამუშათ ვეგიგორჷნ.
- ↑ Local Data Bank. Statistics Poland. კითხირიშ თარიღი: 7 August 2022. Data for territorial unit 0265000.
