ვიქტორიანო უერტა

	ვიქტორიანო უერტა; Victoriano Huerta
	; უერტა 1912 წანას
მექსიკაშ პრეზიდენტი
პოსტის გერინაშ ბორჯი
	19 ფურთუთა, 1913 – 15 კვირკვე, 1914
წიმოხონი	პედრო ლასკურაინი
მონძე	ფრანსისკო კარვახალი
ნაღურა	ღურთუთა 13, 1916 (65 წანერი); ელ-პასო, ტეხასი, ააშ
ღურაშ ბაძაძი	ჩხონჩხიშ ციროზი
ნთხორუ აბანი	ევერგრინიშ სასაფლა, ელ-პასო
მენოღალობა	მექსიკა
პოლიტიკური პარტია	უპარტიე
ალმასქუ	ემილია აგილა
გონათაფა	გერგეზული ოურდუმე აკადემია
საქვარუა	ოურდუმე მოღალე, პოლიტიკოსი
რელიგია	კათოლიციზმი

ხოსე ვიქტორიანო უერტა მარკესი (ესპ. José Victoriano Huerta Márquez, დ. 23 ქირსეთუთა, 1850 — ღ. 13 ღურთუთა, 1916) — მექსიკარი ოურდუმე მოღალე, პოლიტიკოსი, მექსიკაშ პრეზიდენტი 1913-1914 წანეფს, მექსიკაშ რევოლუციაშ მიმალობას.

დებადჷ ინდიარეფიშ ფანიას. გურაფულენდჷ ოურდუმე აკადემიას. გურაფაშ თებაშ უკულ ქაკათჷ მექსიკაშ აკოანჯარაფილი ნძალეფს. დიქტატორი პორფირიო დიასიშ მართუალაშ ბორჯის მიოჭირინუ გენერალობას. უერტა რდჷ დიასიშ ალმარენჯი, მარა თიში გინოთამაშ უკულ ქალუდირთჷ ახალი პრეზიდენტის ფრანსისკო იგნასიო მადეროს. მადეროშ პრეზიდენტობაშ ბორჯის, უკინებუდჷ არმიაშ გენერალური შტაბიშ უნჩაშიშ პოსტი. 1913 წანაშ ფურთუთაშო, მუჟამსჷთ მეხიკოს დისლოცირაფილი არმიაქ ეარყჷ მადეროშ მართუალაშ მეხჷნჷ, უერტაქ ქაკათჷ არჸებულეფს, ქუდახუ მადეროშ თარობა დო ხეშულობა მუქ ქაშეჸოთჷ ხეშა. უერტაშ ზოჯალათ დოჸვილეს ფრანსისკო მადერო. უერტაქ დეთხინუ კანონმადვალუ ორგანო დო გაჭყჷ ოურდუმე დიქტატურა. მალას, უერტას გურჩქინდჷ ნძალიერი ოპონენტეფქ, კონსტიტუციონალისტური ნძალეფქ: ვენუსტიანო კარანსაშ, ალვარო ობრეგონიშ, პანჩო ვილიაშ დო ემილიანო საპატაშ მანჯღვერალათ. თინეფს ხუჯი დუკინჷ ამერიკაშ პრეზიდენტიქ ვუდრო უილსონქ, ნამუსჷთ უერტაშ თარობა ვაუჩინებუ. უილსონი უერტაშ ოპონენტეფს ანჯარით ხოლო ოხვარუდჷ. თაშნეშე, ამერიკაშ ჯარეფქ ქიდეკინეს ონიშოლი ვერაკრუსი. უერტა კონსტიტუციონალისტური ნძალეფქ დამარცხეს დო მექსიკაშე ონტინეს. დიო თიქ ოცხოვრებშა ესპანეთიშა მიდართჷ დო უკულ, 1915 წანას, ამერიკაშა, სოდეთ თინა ოჭოფეს დო ჯიხას ქუდახუნეს. მალას, უერტაქ დოღურჷ ჩხონჩხიშ ციროზით, 65 წანერქ. დასაფულებური რე ელ-პასოშ ევერგრინიშ სასაფლას.

ქოძირით თაშნეშე

მექსიკაშ რევოლუცია

ლიტერატურა

ენციკლოპედია ბრიტანიკა

თე სტატია მექსიკაშ დო მექსიკარეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.