ვოლოგეზ III
| ვოლოგეზ III 𐭅𐭋𐭂𐭔 | |
,_Seleucia_mint.jpg) ვოლოგეზ III-შ მონეტა, სელევკიას მუნაჭკირა | |
| პართიაშ მაფა | |
|---|---|
| პოსტის გერინაშ ბორჯი | |
| 110 – 147 | |
| წიმოხონი | პაკორ II |
| მონძე | ვოლოგეზ IV |
| ნაღურა | 147 |
| მუმა | პაკორ II |
| რელიგია | ზოროასტრიზმი |
ვოლოგეზ III (პართ. 𐭅𐭋𐭂𐭔) — პართიაშ მაფა 110-147 წანეფს, პაკორ II-შ სქუა დო მონძე, არშაკიდეფიშ დინასტიაშ წჷმმარინაფალი. ვოლოგეზ III-შ მართუალა იხასიათებუდჷ ომენოღალე ლჷმეფით დო არეულობეფით. უზურპატორი ოროზიქ ქიდიჸუნუ პართიაშ ბჟადალი ნორთი დო თექ გეჭოფუ ხეშულობა. ვოლოგეზის ხვალე ბჟაეიოლი ნორთიქ ქასქიდჷ. 113 წანას, მუჟამსჷთ ოროზიქ სომხეთიშ ომაფე ხვისტაშა გეშეჸონჷ პართამასირი, რომიშ იმპერატორქ, ტრაიანექ პართიაშა გემშეჭკირჷ დო გეჭოფუ პართიაშ შანულამი ნოღეფი: ქტესიფონი დო სელევკია. ტრაიანექ, მუში ოურდუმე კამპანიათ, მიოჭირინუ სპარსეთიშ ჸუჯიშ წყარპიჯის. მარა ტრაიანეშ ღურაშ უკულ, რომქ მიოდინუ დაკინებული ტერიტორიეფი. რომალეფიშ მიშაჭკირუეფიშ შედეგო ძალამს დედაღარჷ პართიაშ ბჟადალი ნორთიქ, ოროზიშ ხეშულობა ვარდჷ ნძალიერი. ჸათექ ქისარგებლჷ ვოლოგეზ III-ქ დო 129 წანაშო დამარცხჷ ოროზ I. უკულ მალას, ვოლოგეზის გურჩქინდჷ ახალი კონკურენტიქ - მითრიდატე V-ქ, მარა ვოლოგეზიქ თინა ხოლო დამარცხჷ, 140 წანაშო.
134-136 წანეფს ვოლოგეზი ოლიმუდჷ ალანეფს, ნამუეფქჷთ პართიაშ ტერიტორიეფიშა გემშეჭკირეს. ვოლოგეზ III-ქ ღურუ 147 წანას. თიშ უკულ ხვისტაშა ეშართჷ მითრიდატე V-შ სქუაქ, ვოლოგეზ IV-ქ.