ვონონ I

‎ვონონ I
ვონონ I-შ ტეტრადრაქმა, სელევკიას მუნაჭკირა
პართიაშ მაფა
პოსტის გერინაშ ბორჯი
8 – 12
წიმოხონი	ოროდ III
მონძე	არტაბან II
სომხეთიშ მაფა
პოსტის გერინაშ ბორჯი
12 – 18
წიმოხონი	ტიგრან V დო ერატო
მონძე	არტაშეს III
ნაღურა	19 კილიკია
მუმა	ფრაატ IV
სქუალეფი	მეჰერდატე
რელიგია	ზოროასტრიზმი

ვონონ I — პართიაშ მაფა 8-12 წანეფს დო სომხეთიშ მაფა 12-18 წანეფს, არშაკიდეფიშ დინასტიაშ წჷმმარინაფალი. რდჷ ფრაატ IV-შ უნჩაში ქომოლსქუა. ჯვ. წ. 10/9 წანაშე ვონონი რომს რდჷ მუჭოთ მძევალი. თექ ირდუდჷ დო გონათაფა ხოლო თექ მიღჷ.

ოროდ III-შ ღურაშ უკულ, რომიშ იმპერატორქ, ავგუსტუსიქ ვონონი პართიაშა გოუტუ მაფობაშ მიოღებელო. ვონონიშ მართუალაქ წჷმოძინელქ ვეჸუ. ბრელი პართიალი დიდებუანს თინა რომიშ მარიონეტო მიოჩქუდჷ. მალას არშაკიდეფიშ დინასტიაშ შხვა წჷმმარინაფალქ, არტაბან II-ქ, ნამუთ ატროპატენაშ მამართალი რდჷ, ეარჸჷ ვორონიშ მეხჷ. ომენოღალე ლჷმას არტაბანქ დამარცხჷ ვონონი, ნამუქჷთ 12 წანას სომხეთიშა ინტუ დო თექ ქიგედირთჷ მაფათ.

არტაბანქ ვონონიშ სომხეთიშ ხვისტაშე გინორაგვაფა ხოლო მინდომუ. მარა პართიაშ ჸათე ცადებეფს ქაწუდირთჷ რომქ. მარა უკულ, რომიშ იმპერატორიშ ტიბერიუსიშ სქუალაფირქ დო წჷმმარინაფალქ გერმანიკუსიქ ქუდოდვჷ აპიჯალა პართიაწკჷმა. აპიჯალათ, სომხეთიშ ახალი მაფათ გინირთჷ არტაშეს III-ქ. რომალეფქ არტაბანი პართიაშ ლეგიტიმური მაფათ ქიჩინეს დო ვონონი სირიაშა მიდეჸონეს. უკულ ვონონქ გინოჸონაფილქ იჸუ კილიკიაშა, სოვრეშე ნტებას თინა ოცადუდჷ, მარა ჸვილირქ იჸუ, 19 წანას. ვონონს დასქიდჷ სქუაქ, მეჰერდატექ, ნამუთ 49-51 წანეფს ოცადუდჷ პართიაშ ომაფე ხვისტაშ დორთინაფას.

რესურსეფი ინტერნეტის

• ენციკლოპედია ბრიტანიკა