ზაქირ ჰუსეინი

ზაქირ ჰუსეინი
ჰუსეინი 1998 წანაშ ინდურ საფოსტო მარკას
ინდოეთიშ მა-3 პრეზიდენტი
პოსტის გერინაშ ბორჯი
13 მესი, 1967 – 3 მესი, 1969
ვიცე-პრეზიდენტი	ვ. ვ. გირი
პრემიერ-მინისტრი	ინდირა განდი
წიმოხონი	სარვეპალი რადჰაკრიშნანი
მონძე	ვ. ვ. გირი (ს/მ)
ინდოეთიშ მა-2 ვიცე-პრეზიდენტი
პოსტის გერინაშ ბორჯი
13 მესი, 1962 – 13 მესი, 1967
პრეზიდენტი	სარვეპალი რადჰაკრიშნანი
პრემიერ-მინისტრი	ჯავაჰარლალ ნერუ, ლალ ბაჰადურ შასტრი, ინდირა განდი
წიმოხონი	სარვეპალი რადჰაკრიშნანი
მონძე	ვ. ვ. გირი
ბიჰარიშ გუბერნატორი
პოსტის გერინაშ ბორჯი
6 კვირკვე, 1957 – 11 მესი, 1962
წიმოხონი	რ. რ. დივაკარი
მონძე	მ. ა. აიანგარი
დუნაბადი	8 ფურთუთა, 1897 ჰაიდერაბადი, ბრიტანეთიშ ინდოეთი
ნაღურა	მესი 3, 1969 (72 წანერი) ნიუ-დელი, ინდოეთი
ღურაშ ბაძაძი	გურიშ აკონჭირა
ნთხორუ აბანი	ჯამია მილია ისლამია, ნიუ-დელი
მენოღალობა	ინდოეთი
ერუანობა	პუშტუნი
პოლიტიკური პარტია	ზოხორინელი
მუმა	ფიდა ჰუსეინ ხანი
ნანა	ნაზნინ ბეგუმი
ალმასქუ	შაჰ ჯაჰან ბეგუმი (გ. 1915)
სქუალეფი	2
გონათაფა	ლაქნაუშ უნივერსიტეტი, ალაჰაბადიშ უნივერსიტეტი, ბერლინიშ უნივერსიტეტი
ომენცარე ხარისხი	ეკონომიკაშ დოქტორი (PhD)
პროფესია	ეკონომისტი, გჷმონათებელი
საქვარუა	პოლიტიკოსი
რელიგია	ისლამი
ჯილდოეფი	ბჰარატ რატნა (1963)
პირველ მუსლიმ პრეზიდენტი

ზაქირ ჰუსეინ ხანი (ჰინ. ज़ाकिर हुसैन, პუშტუ: ذاکر حسین‎‎; დ. 8 ფურთუთა, 1897 – ღ. 3 მესი, 1969) — ინდოარ გონათურ მოღალე დო პოლიტიკოსი, ნამუსჷთ 19621967 წანეფს ინდოეთიშ ვიცე-პრეზიდენტიშ დო 1967 წანაშ 13 მესიშე 1969 წანაშ 3 მესიშა, მუშ ღურაშა, ინდოეთიშ პრეზიდენტიშ პოსტ უკებუდჷ.

ჰაიდერაბადის, აფრიდი პუშტუნეფიშ ფანიას დჷნაბადუ ჰუსეინქ სკოლა ეტავას გათუ, უკული გურაფა ალიგარჰიშ მუსლიმურ ანგლო-ორიენტალურ კოლეჯის დო ბერლინიშ უნივერსიტეტის გაგჷნძორჷ, სოდეთ ეკონომიკაშ დოქტორიშ ხარისხი მიღჷ. მაჰათმა განდიშ არხო ალამაჩამალი, ჰუსეინი რდჷ ჯამია მილია ისლამიაშ ართ-ართ დჷმარსხუაფალი, ნამუთ ზოხორინელ ერუანულ უნივერსიტეტო უდუჸუნალობაშ ყარაფიშ ოგამეთ გიჭყჷ. თინა 1926 წანაშე 1948 წანაშა უნივერსიტეტიშ ვიცე-კანცლერო მუშენდჷ. 1937 წანას ჰუსეინ ხემანჯღვერენდჷ ერუანულ გონათუაშ თარ კომიტეტის, ნამუქჷთ ახალ ოგონათუე პოლიტიკა ნაი თალიმი (ურდუ ნინაშა „ახალი გონათა“) აკადგინჷ; თენა შანენდჷ უფასო დო უციო გონათუას პირველ (ოდაბადურ) ნინაშა. თინა აწურედჷ მუსლიმეფშო ზოხოიან ოგიშაგორაშე ოლქეფიშ პოლიტიკას, ათეშ გეშა 1946 წანას მუსლიმურ ლიგაქ მუჰამედ ალი ჯინაშ ხემანჯღვერალათ ვეტო ქეგედჷ ინდოეთიშ ერუანულ კონგრესიშ ზიტყვასქვილს, ნამჷდა ჰუსეინი ინდოეთიშ ობორჯე თარობაშა მიშაჸუნაფუდესკონ.

ზოხორინალაშ დო ინდოეთიშ გორთუალაშ უკული, ჰუსეინქ ინდოეთის ქჷდოსქიდუ დო 1948 წანას ალიგარჰიშ მუსლიმურ უნივერსიტეტიშ ვიცე-კანცლერო ქჷდარინეს; თიქ ქვერსემ თია მიშეღჷ თე ოგურაფალიშ, მუჭოთ უმაღალაშ გონათუაშ ერუანულ ინსტიტუციაშ თხილუაშ საქმეს. გონათუაშ სფეროს მუშ ნინალაშენ, 1954 წანას თის პადმა ვიბჰუშან გეგნოჩეს, 1952-შე 1957 წანაშა ინდოეთიშ პარლამენტიშ ნომინირაფილ მაკათური რდჷ. ჰუსეინი 1957-შე 1962 წანაშა ბიჰარიშ გუბერნატორო მოღალენდჷ, 1962 წანას — ინდოეთიშ ვიცე-პრეზიდენტო გიშაგორეს. გეჸვენჯ წანას თის ინდოეთიშ უმაღალაში ჯილდო, ბჰარატ რატნა მიაჩჷ. 1967 წანას თიქ პრეზიდენტო გიშაგორილქ იჸუ (სარვეპალი რადჰაკრიშნანიშ უკული) დო პირველ მუსლიმო გინირთჷ, ნამუქჷთ ინდოეთიშ უმაღალაშ საკონსტიტუციო პოსტ დეკინჷნ. თინა თაშნეშე რდჷ პირველ პრეზიდენტი, ნამუქჷთ პოსტის რინაშ ბორჯის დოღურჷნ დო თიშ გამაგალაშ ხანი არძაშე კუნტა რდჷ ინდოეთიშ პრეზიდენტეფს შქას. თიშ მაზარ დელიშ „ჯამია მილია ისლამიაშ“ კამპუსის იდვალუაფჷ.

ურდუ ნინაშა მუსხირენ წინგიშ ავტორ დო მათარგმნალი, თაშნეშე ბაღანეფიშ წინგეფიშ ნოყოფურ ჭარუ, ჰუსეინიშ ჯოხო ინდოეთის ანდა საფოსტო მარკათ, ოგონათუე ინსტიტუციათ, ბიბლიოთეკათ, რზათ დო აზიაშ არძაშე კაბეტ „ზაქირ ჰუსეინიშ ვარდეფიშ ბაღით“ (Zakir Hussain Rose Garden) რე უღურალე, ნამუსჷთ თიშ ჯოხო გეძჷ.

რესურსეფ ინტერნეტის

ვიკიოწკარუეს^? რე ხასჷლა თემაშენ:

ზაქირ ჰუსეინი

• "A Rose Called Zakir Hussain – A Life of Dedication", by Films Division, India, 1969 (Hindi)
• Basic National Education: Report of the Zakir Husain Committee and the detailed syllabus with a foreword by Mahatma Gandhi.