თამაზ II

თამაზ II شاه تهماسب دوم
ირანიშ შაჰიშ კარი. ცენტრის თამაზ II დო კვარჩხანშე ნადირ-შაჰი.
ირანიშ შაჰი
პოსტის გერინაშ ბორჯი
10 გერგობათუთა, 1722 – 16 პირელი, 1732
წიმოხონი	სულთან ჰუსეინი
მონძე	აბას III
დუნაბადი	1704 ისპაანი
ნაღურა	11 ფურთუთა, 1740 (35-36 წანერი) სებზევარი
მუმა	სულთან ჰუსეინი
ალმასქუ	შაჰპარი ბეგუმი
სქუალეფი	აბას III
რელიგია	ისლამი

თამაზ II (სპარს. شاه تهماسب دوم, დ. 1704 (?) — ღ. 11 ფურთუთა, 1740) — ირანიშ შაჰი 1722-1732 წანეფს, სეფიანეფიშ დინასტიაშ წჷმმარინაფალი.

ბიოგრაფია

თამაზი ირანიშ შაჰიშ სულთან ჰუსეინიშ მასუმა ქომოლსქუა რდჷ. 1722 წანას ავღანარეფქ ირანშა გემშეჭკირეს დო ნანანოღა ისპაანი ქართას ქინახუნეს. სულთან ჰუსეინქ ხვისტაშე გეგნოდირთჷ. თამაზიქ ისპაანიშე ინტუ, ყაზვინიშა ქიმერთჷ დო 1722 წანაშ 10 გერგობათუთას დუდი შაჰო გეგმაცხადჷ თამაზ II-შ ჯოხოდვალათ. თის ხუჯი დუკინეს კავკაციაშ სუნიტეფქ დო ყიზილბაშეფიშ ტომეფქ (თინეფს შქას აფშარეფქ, ნამუეფიშ ხემანჯღვერი ირანიშ მუმალი შაჰი ნადირი რდჷ).

რუსეთ-სპარსეთიშ ლჷმა (1722-1723)

1722 წანაშ ივანობას, რუსეთიშ მაფა პეტრე I-ქ სეფიანეფიშ იმპერიას ლჷმა გეგმუცხადჷ. პეტრეშ ღანკი რდჷ რუსეთიშ ტერიტორიაშ გოფართინაფა კავკაციას დო კასპიაშ ზუღაშ პიჯის. პეტრეს, თაშნეშე ვაკოდჷ სპარსეთიშ დოდაღარაფა ოსმალეთიქ მუში სასარგებელოთ გიმირინუკო. ლჷმას რუსეთიქ გემორძგუ დო სანქტ-პეტერბურგიშ ზეთ რუსეთის გეგნაჩჷ დერბენტიქ, ბაქოქ, შირვანიშ, გილანიშ, მაზანდარანიშ დო ასტარაბადიშ პროვინციეფქ.

რუსეთიშ დო ოსმალეთიშ იმპერიეფქ თამაზ II ირანიშ შაჰო ქიჩინეს. 1729 წანაშო თინა აკონტროლენდჷ ირანიშ ტერიტორიაშ უმენტაშობას. 1731 წანას, თამაზიქ წიმიჭყჷ ოურდუმე კამპანია კავკაციას, ოსმალეფიშ მეხჷ. მარა კონწარო დემარცხჷ. 1732 წანას ნადირ-შაჰიქ თამაზი ქუდახუ, შაჰო გეგმაცხადჷ თიში ქომოლსქუა აბას III დო რეგენტო მუქ ქუდოდირთჷ. 1740 წანაშ ფურთუთას, ნადირ-შაჰიშ უნჩაში სკუაშ რეზა ყული-მირზაშ ზოჯალათ დოჸვილეს თამაზ II დო აბას III.

ლიტერატურა

• თამაზ II Archived 2025-02-21 ვებ-ხასჷლას Wayback Machine. history-maps.com-ის