დინორეშა გინულა
თარგი:დღაშ მოლინეფი:08-16
საპატიო ლეგიონიშ ორდენი
1777 : ამერიკაშ რევოლუციური ლჷმა - ბენინგტონიშ ბურჯაფის ნიუ-ჰემპშირიშ მილიციაქ ჯონ სტარკიშ დუდალათ ბრიტანეთიშ დო გერმანიაშ ჯარეფი მოგალაგჷ.
1804 : ბულონიშ ტყას, პარიზწკჷმა, საპატიო ლეგიონიშ ორდენიშ (სურათის) პირველი დოჯილდაფაქ მოხვადჷ.
1819 : პეტერლოოშ ჸვილუა-ჟილიტუა - მასობურ არულობას ართამი ოგიშაგორუე ნებაშო მანჯებულ მიტინგის მანჩესტერს (ინგლისი) ანდაადამიერი ქეიკიბირჷ.
1896 : ნოღა დოუსონწკჷმა, იუკონი, ორქოს ქემიოგორუეს კლონდაიკიშ ორქოშ ჩხე დო ჩხურუ გიმიჭანჷ.
1930 : პირველი ფერადი ხონარამი ანიმაციური ფილმი ჯოხოდვალათ „ფიდლსტიკი“ გაჭყჷ უბ ივერკსიქ.
1962 : The Beatles-შა პიტ ბესტიშ მანგიორო რინგო სტარქ მორთჷ.
1981 : ააშ-იშ აკოანჯარაფას ქეგიაძინჷ პირველი ბომმემანტე B52G-ქ, ნამუსჷთ სუამი რაკეტეფიშ გინოღალა შეულებჷნ.
