ნოღა
| ქიანა |  მიანმარიმიანმარი |
| სტატუსი | ადმინისტრაციულ ცენტრი |
| რეგიონი | იანგონიიანგონიშ რეგიონი|იანგონი |
| კოორდ. | 16.795,96.1616°47′42″ ოორ. გ. 96°09′36″ ელ. გ. / |
| მერი | უ მიო მიენტ აუნგი |
| დირსხუ | დხლ. 1028–1043 წწ. |
| ორდოიანი ჯოხოეფი | დაგონი, რანგუნი |
| ფართობი | 598.75 კმ² |
| ცენტრიშ სიმაღალა | 30 მ |
| ოფიციალური ნინა | ბირმული |
| მახორობა | 5 160 512 კოჩი (2014) |
| აგლომერაცია | 7 360 703 |
ერუანული
აკოდგინალუა | ბირმალეფი, ბირმალ ჩინარეფი, ბირმალ ინდოარეფი, ჩინეფი, არაკანეფი, მონეფი, კარენეფი, შანეფი |
ორწუმობური
აკოდგინალუა | ბუდიზმი (91%), ისლამი (4.7%), ქირსიანობა (3.2%), ინდუიზმი (1.0%) |
| ბორჯიშ ორტყაფუ | UTC+06:30 |
| ტელ. კოდი | 01 |
| ოავტომობილე კოდი | YGN |
| ოფიციალური ვებ-ხასჷლა | www.yangon.gov.mm |
|
იანგონი (ბირმ. ရန်ကုန်), თაშნეშე ჩინებულ მუჭოთ რანგუნი (Rangoon)[1] — იანგონიშ რეგიონიშ ნანანოღა დო მიანმარიშ არძაშე უკაბეტაშ ნოღა. იანგონ მიანმარიშ ნანანოღა რდჷ 2005 წანაშახ დო ფაქტიურო ფუნქციონირენდჷ მუჭოთ ნანანოღა 2006 წანაშახ, მუჟანსჷთ ოურდუმე თარობაქ ადმინისტრაციულ ფუნქციეფ გინიღჷ მიანმარიშ ცენტრალურ ნორთიშ სპეციალურო დორსხუაფილ ნანანოღა ნაიფიიდოშა.[2] ხუთ მილიონშე უმოს მახორობათ, იანგონ მიანმარის არძაშე მეჭედელო დოხორელ დო არძაშე შანულამ კომერციულ ცენტრ რე.
იანგონ გიშეგორუაფუ ობჟათე-ბჟაეიოლ აზიას კოლონიურ ბორჯიშ ნოდგჷმეფიშარძაშე უკაბეტაშ მუდანობათ დო უღჷ უნიკალური, წკანტილას ასქილადირ კოლონიურ ბორჯიშ ურბანულ გვირზილი. კოლონიურ კომერციულ ცენტრ იდვალუაფუ სულეშ პაგოდაშ მუკი-მუკი, ნამუთ, ლეგენდაშ გოხ, 2000 წანაშე უმოს ხანიშ რე. ნოღას თაშნეშე იდვალუაფუ მოორქულ შვედაგონიშ პაგოდა — მიანმარიშ არძაშე ჯეგე დო ჩინებულ ბუდისტურ პაგოდა.
იანგონს უღჷ ძალამ უსქვებურ ინფრასტრუქტურა, გიშაკერზაფილო ობჟათე-ბჟაეიოლ აზიაშ თიჯგურა კაბეტ ნოღეფწკჷმა ელაზჷმაფათ, მუჭომეფით რე: ჯაკარტა, ბანგკოკ ვარ-და ჰანოი. გიშაკერზაფილო ორკუ რკინაშარაშ ტრანსპორტი.[6] მარა ცენტრალურ იანგონს ანდა ისტორიულ ოხორუე დო კომერციულ ნოდგჷმქ მიახალჷ, ნოღაშ გოხოლუას მადვალუ სატელიტ ნოღეფიშ უმენტაშობა კჷნ ქრონიკულო დაღარ რე დო ორკუ თარ ინფრასტრუქტურა.[7]
"Rangoon". ენციკლოპედია ბრიტანიკა (11th ed.). 1911.