იბერიულ ფორცხოლი, ესპანურ ფორცხოლი, პირენეულ ფორცხოლი (ლათ. Lynx pardinus) — მახვამილაფარ ბჟაშუმუ კატუშობურეფიშ ფანიაშე. მანგარო მოგენს ევრაზიულ ფორცხოლს, მარა თის ზჷმათ აკმოსქიდუ, თაშნეშე გინორთ უღჷ კუნტა კუდელიშ რუმე ბოლოთ დო ბჟაკეშობურ ბოწოწით ნიკაპიშ გიმე. ძინათებულ იბერიულ ფორცხოლ იწონუ 10–15 კილოგრამს, სიგჷნძათ 80–130 სანტიმეტრის ონჭუ, სიმაღალათ — 45–70 სანტიმეტრი რე. XIX ოშწანურას იბერიულ ფორცხოლიშ ხვენაშ არან რდჷ ესპანეთი, პორტუგალია დო ობჟათე საფრანგეთიშ კანკალე ნორთის. ასეშო ხე ობჟათე-ბჟადალ ესპანეთიშ მუსხირენ აბანს. ფორცხოლიშ მუდანობაქ შანულამო დირკჷ თარ ოკიბირეშ — ბოცქვერიშ (Oryctolagus cuniculus) — ლახარეფიშ, მიქსომატოზიშ (1950-იან წანეფშე) დო ჰემორაგიულ ლახარაშ (1980-იან წანეფიშ დალიაშე) მოდვალათ. ოხცენე ორენიშ დინაფაქ, სატრანსპორტო მეშქაშობეფიშ ათოჸუნაქ დო ჯონორუაქ თაშნეშე გაულა იღვენუა 1960-იან წანეფშე მუდანობაშ 80%-ით დარკებას. XXI ოშწანურაშ დაჭყაფუშე დოჭყაფილ რე ჭკორალას გამიარებას დო მონიტორინგიშ პროგრამეფი, ნამუქჷთ გოთანჯილ შედეგეფ მიღჷ.[1] 2002 წანაშე ორთაშ თხილუაშ ერეფოშქაშე რსხუშით მერჩქინელქ იჸუ კრიტიკულ ოშქურანჯობაშ გიმე მარენჯო (CR), 2014 წანაშე ოშქურანჯობას მარენ გვარობათ (EN).[2]
,_Almuradiel,_Ciudad_Real,_España,_2021-12-19,_DD_07.jpg)
