იბრაჰიმ რაისი

	იბრაჰიმ რაისი
	; რაისი 2024 წანას, ღურაშა მუსხირენი სათით კინოხ
ირანიშ მა-8 პრეზიდენტი
პოსტის გერინაშ ბორჯი
	3 მარაშინათუთა, 2021 – 19 მესი, 2024
ვიცე-პრეზიდენტი	მოჰამედ მოხბერი
დუდმახვენჯი	ალი ხამენეი (უჟინაშ ლიდერი)
წიმოხონი	ჰასან რუჰანი
მონძე	მასუდ ფეზეშქიანი
ირანიშ უჟინაშ სასამართოშ მადუდე
პოსტის გერინაშ ბორჯი
	7 მელახი, 2019 – 1 კვირკვე, 2021
პრეზიდენტი	ჰასან რუჰანი
დუდმახვენჯი	ალი ხამენეი
წიმოხონი	სადეკ ლარიჯანი
მონძე	ღოლამ-ჰოსეინ მოჰსენ-ეჟეი
ირანიშ გენერალურ პროკურორი
პოსტის გერინაშ ბორჯი
	23 მარაშინათუთა, 2014 – 1 პირელი, 2016
წიმოხონი	ღოლამ-ჰოსეინ მოჰსენ-ეჟეი
მონძე	მოჰამედ ჯაფარ მონტაზერი
ნაღურა	მესი 19,, 2024 (63 წანერი) ; ვარზაყანი, ბჟაეიოლ აზერბაიჯანი, ირანი
ოგიშაგორაშე ოლქი	ობჟათე ხორასანი
ღურაშ ბაძაძი	ვერტფურინჯიშ კატასტროფა
ნთხორუ აბანი	იმამ რეზაშ მავზოლეუმი
მენოღალობა	ირანი
ერუანობა	სპარსი
პოლიტიკური პარტია	მალიმორ შურიელეფიშ ასოციაცია
მუმა	იბრაჰიმ რაისოლსადატი
ალმასქუ	ჯამილე ალამოლჰოდა
სქუალეფი	2
გონათაფა	შაჰიდ მოტაჰარიშ უნივერსიტეტი, ყუმიშ სემინარია
პროფესია	იურისტი, შურიელ პირი
საქვარუა	პოლიტიკოსი
რელიგია	შიიტ მუსლიმი
ხეშმოჭარუა
ვებ-საიტი	https://www.raisi.ir/
	მეტჯოხო: „თეირანალ კასაბი“

იბრაჰიმ რაისოლსადათი (სპარს. ابراهیم رئیس‌الساداتی; დ. 14 ქირსეთუთა, 1960 — ღ. 19 მესი, 2024), უმოსო ჩინებულ მუჭოთ იბრაჰიმ რაისი (სპარს. ابراهیم رئیسی)) — ირანალ შურიელ პიჯ დო პოლიტიკოსი, ნამუსჷთ ირანიშ მაბრუო პრეზიდენტიშ პოსტ უკებუდჷ 2021-2024 წანეფს, ვერტფურინჯიშ კატასტროფას ღურაშა. უჟინაშ ლიდერ ალი ხამენეიშ პროტეჟე დო პრინციპალისტი, რაისი რდჷ მაჟირა ირანიშ პრეზიდენტი, ნამუქჷთ პოსტის გერინაშის ღურჷ მოჰამედ ალი რაჯაიშ უკული.

რაისი რდჷ მეშჰედიშ ობიშხაშ ხვამაშ ლიდერიშ დო იმამ რეზაშ მავზოლეუმიშ კაბეტ იმამიშ, აჰმად ალამოლჰოდაშ სინჯა. თიქ მუშ შურიელ გონათაფა 15 წანერო დიჭყჷ. 1979 წანაშ ირანიშ რევოლუციაქ უკულიან ბორჯის, რაისი ირანიშ სასამართო სისტემას შხვადოშხვა პოსტის იკენდჷ, თინეფს შქას რდჷ ქარაჯიშ პროკურორი, ჰამადანიშ პროკურორი, თეშნეშე თეირანიშ პროკურორიშ გამაკოჩ დო პროკურორი. რაისი რდჷ თეირანიშ ფილიალს თი ორგანოშ მაკათური, ნამუშათ „1988 წანაშ ირანალ პოლიტჭოფილეფიშ ღურაშ კომისია“ უჯოხოდესჷნ. დიდი აიათოლა ხომეინიშ დირექტივათ, თე კომისიეფქ ათასობით ირანალი პოლიტიკური პატიმარი დასაჯეს ღურათ,^[1]^[2]^:15 ნამუშ შედეგო რაისიქ მიღჷ მეტჯოხო „თეირანალ კასაბი“ დო გოეროშ სპეციალურ მუმაშინალეფიშ დო შხვა ორგანიზაციეფიშით ბრალეკოდვალირ იჸუ კოჩიშობაშ აწმარენჯ დჷნაშებუეფს. თინა რდჷ უჟინაშ სასამართოშ მადუდეშ გამაკოჩი (2004–2014), ირანიშ გენერალურ პროკურორი (2014–2016) დო უჟინაშ სასამართოშ მადუდე (2019–2021). რაისიქ პირველო ექსპერტეფიშ ასამბლეას ქაკათჷ 2006 წანაშ გიშაგორუეფს, ობჟათე ხორასანიშ ოსტანშე გეგშაგორეს. 2016 წანაშე 2019 წანაშა თინა რდჷ ოჩეჟქიმინჯე ფონდიშ — ასტან-ქუდს-რეზავიშ მადუდე.

რაისი 2017 წანაშ საპრეზიდენტო გიშაგორუეფს კალს ირღვანდჷ, მუჭოთ კონსერვატიულ „ისლამურ რევოლუციაშ ნძალეფიშ ოკათე ფრონტიშ“ კანდიდატი, მარა ზჷმიერ მოქიმინჯე პრეზიდენტ ჰასან რუჰანიწკჷმა დემარცხჷ (38% 57%-იშ მეხჷ). რაისიქ მაჟირაშა 2021 წანას ქოცადჷ ჭარა დო წჷმოძინათ გიშაგორილქ იჸუ ხონარეფიშ 63%-ით, ნამუშ შედეგო რუჰანი დოთირუ. ირანიშ პოლიტიკას „ჸონიერ კურსიშ“ (hardliner) მალობათ მერჩქინელ რაისიშ პრეზიდენტალაშ ბორჯის, ააშ-წკჷმა გვირზილურ აპიჯალაშე (JCPOA) მორაგადაფეფქ უშულაშა გენშაღთჷ. 2022 წანაშ დალიას, ქიანას ფართომასშტაბამ ოპროტესტო აქციეფქ დიჭყჷ, ნამუსჷთ ბიჯგ მეჩჷ 16 ეკენიას მაჰსა ამინიშ ღურაქ. რაისიშ გამაგალაშ ბორჯის ირანქ ურანიშ გადინდარებას გუძინჷ, ეცილჷ ერეფოშქაშე ინსპექტირებას, ქაკათჷ შანხაიშ წოროხანდაშ ორგანიზაციას (SCO) დო BRICS-ის, თეშნეშე ქელუდირთჷ რუსეთის უკრაინაშა მინოკათუაშის. ღაზაშ ლჷმაშ მიმალობაშის, ირანქ მანჯჷ ისრაელიშ მეხჷ მუსხირენ სარაკეტო დო დრონეფიშ გერასქუა დო აგინძორენდჷ თიჯგურა მარიონეტულ (პროქსი) ბუნეფიშ აკონაჯარებას, მუნერით რე ჰეზბოლა დო ჰუსიტეფიშ ყარაფი.

რესურსეფ ინტერნეტის

სქოლიო

↑ Ebrahim Raisi obituary (20 May 2024).
↑ Blood-soaked secrets: Why Iran's 1998 Prison Massacres are ongoing crimes against humanity. Amnesty International (4 December 2018). კითხირიშ თარიღი: 14 December 2018.

[1] Ebrahim Raisi obituary (20 May 2024).

[2] Blood-soaked secrets: Why Iran's 1998 Prison Massacres are ongoing crimes against humanity. Amnesty International (4 December 2018). კითხირიშ თარიღი: 14 December 2018.

[1]

[2]