იგორ მატოვიჩი
| იგორ მატოვიჩი სლოვაკ. Igor Matovič | ||
 სლოვაკეთიშ პრემიერ-მინისტრი  | ||
|---|---|---|
| თეჟამიანი პოსტი | ||
| დეკინჷ | 21 მელახი, 2020 | |
| პრეზიდენტი | ზუზანა ჩაპუტოვა | |
| წიმოხონი | პეტერ პელეგრინი | |
| დუნაბადი | 11 მესი, 1973 ტრნავა, ჩეხოსლოვაკია | |
| ალმასქუ | პავლინა მატოვიჩოვა | |
| სქუალეფი | 2 | |
| გონათაფა | კომენსკიშ უნივერსიტეტი | |
იგორ მატოვიჩი (სლოვაკ. Igor Matovič, დ. 11 მესი, 1973, ტრნავა, ჩეხოსლოვაკია) — სლოვაკი პოლიტიკოსი, სლოვაკეთიშ პრემიერ-მინისტრი 2020 წანაშ 21 მელახშე. მემარძგვანე-კონსერვატიული პარტიაშ რჩქვანელონური კათაშ დჷმარსხუაფალი დო ლიდერი. სლოვაკეთიშ ერუანული სხუნუშ დეპუტატი 2010 წანაშ 12 მანგიშე.
ბიოგრაფია
[რედაქტირაფა | წყუშ რედაქტირაფა]იგორ მატოვიჩიქ დებადჷ ტრნავას, 1973 წანაშ 11 მესის. 1993 წანას გურაფა დიჭყჷ კომენსკიშ უნივერსიტეტიშ მენეჯმენტიშ ფაკულტეტის, ნამუთ 1997 წანას გათუ. 2002-2010 წანეფს მუშენდჷ ტრნავაშ ოგიშაშქუმალე ჸუდეს[1][2].
2010 წანას, ქჷრადსხჷ პარტია „რჩქვანელობური კათა“. თიმ წანას გიმორძგჷ ოპარლამენტე გიშაგორუეფს დო სლოვაკეთიშ ერუანული სხუნუშ დეპუტატო გჷნირთჷ. 2020 წანაშ 29 ფურთუთაშ ოპარლამენტე გიშაგორუეფს თიში ოგიშაგორუე ბლოკიქ გიმორძგჷ ოპარლამენტე გიშაგორუეფს დო პრეზიდენტ ზუზანა ჩაპუტოვაქ თარობაშ აკოქიმინუაშ ალობა მეჩჷ[3]. იგორ მატოვიჩიშ თარობა კოალიციური რე დო თის ოთხი პარტია ოკათჷ: რჩქვანელობური კათა, პარტია კათაშო, პარტია დუდიშულა დო სოლიდარობა დო პარტია ჩქი — ოდაბადე[4].
სქოლიო
[რედაქტირაფა | წყუშ რედაქტირაფა]- ↑ (2013) Historical Dictionary of Slovakia (en). Scarecrow Press, ხს. 213. ISBN 978-0-8108-8030-6.
- ↑ “Igor Matovič“, Webnoviny.sk. კითხირიშ თარიღი: 20 March 2020.
- ↑ “Slovakia election: seismic shift as public anger ousts dominant Smer-SD party“, The Guardian, 1 March 2020. კითხირიშ თარიღი: 20 March 2020.
- ↑ “'Let's go to battle': New Slovak government takes office amid coronavirus fight“, 21 March 2020. კითხირიშ თარიღი: 22 March 2020. (English)
| |||||