იონ ილიესკუ
| იონ ილიესკუ Ion Iliescu | ||
.jpg) ილიესკუ 2004 წანას | ||
| რუმინეთიშ პრეზიდენტი | ||
|---|---|---|
| პოსტის გერინაშ ბორჯი | ||
| 20 ქირსეთუთა, 2000 – 20 ქირსეთუთა, 2004 | ||
| პრემიერ-მინისტრი | მუგურ ისერესკუ ადრიან ნესტასე | |
| წიმოხონი | ემილ კონსტანტინესკუ | |
| მონძე | ტრაიან ბესესკუ | |
| პოსტის გერინაშ ბორჯი | ||
| 20 მანგი, 1990 – 29 გერგობათუთა, 1996 | ||
| პრემიერ-მინისტრი | პეტრე რომანი თეოდორ სტოლოჟანი ნიკოლაე ვეკეროუ | |
| წიმოხონი | ნიკოლაე ჩაუშესკუ | |
| მონძე | ემილ კონსტანტინესკუ | |
| დუნაბადი | 3 მელახი, 1930 ოლტენიცა, რუმინეთი | |
| ნაღურა | 5 მარაშინათუთა, 2025 (95 წანერი) ბუქარესტი, რუმინეთი | |
| პოლიტიკური პარტია | რუმინეთიშ კომუნისტური პარტია (1953-1989) ნაციონალური რსხებაშ ფრონტი (1989-1992) დემოკრატიული ნაციონალური რსხებაშ ფრონტი (1992) რუმინეთიშ სოციალ-დემოკრატიული პარტია (1992-2025) | |
| მუმა | ალექსანდრუ ილიესკუ | |
| ნანა | მარია დუმიტრუ ტომა | |
| ალმასქუ | ნინა ილიესკუ | |
| გონათაფა | ბუქარესტიშ პოლიტექნიკური ინსტიტუტი მოსკოვიშ სახენწჷფო უნივერსიტეტი | |
| რელიგია | ათეიზმი | |
| ხეშმოჭარუა |  | |
იონ ილიესკუ (რუმ. Ion Iliescu; დ. 3 მელახი, 1930 — ღ. 5 მარაშინათუთა, 2025) — რუმინალი პოლიტიკოსი დო ინჟინერი, რუმინეთიშ პრეზიდენტი 1990-1996 დო 2000-2004 წანეფს.
ილიესკუ გურაფულენდჷ ბიზნესის, ბაუქარესტიშ პოლიტექნიკური ინსტიტუტის. უკულ გურაფულენდჷ ინჟინერიას მოსკოვიშ სახენწჷფო უნივერსიტეტის. 1953 წანას ქაკათჷ რუმინეთიშ კომუნისტური პარტიას დო გინირთჷ თიში ცენტრალური კომიტეტიშ მაკათურო. შხვადოშხვა ბორჯის უკინებუდჷ შხვადოშხვა შანულამი პოსტეფი დო სარგებლენდჷ ნიკოლაუ ჩაუშესკუშ პროტექციათ. მარა 1970-იან წანეფიშ დაჭყაფუშე თინეფიშ ურთიართალაქ გეუფრაშჷ. 1984 წანას ილიესკუ პარტიაშ ცენტრალური კომიტეტიშე ხოლო გეგშათეს.
1989 წანას რუმინეთის ქიდიჭყჷ საპროტესტო გიშულეფქ ჩაუშესკუშ მართუალაშ მეხჷ. თე წანაშ ქირსეთუთას, რუმინეთის ქუმოხვადჷ რევოლუციაქ, ნამუშ შედეგო ჩაუშესკუშ რეჟიმი ქუდახუეს. რევოლუციური პროცესეფს ილიესკუქ არსულჷ კაბეტი როლი დო თიქ გინირთჷ ახალი, ობორჯე თარობაშ პრეზიდენტო. 1990 წანაშ 20 მესის, რუმინეთის იმანჯჷ საპრეზიდენტო გიშაგორუეფქ, სოდეთ ხონარეფიშ უმენტაშობა ილიესკუქ მიპალუ. ახალი კონსტიტუციათ, 1992 წანაშ 11 გჷმათუთას, თიქ ახალშო იჸუ გიშაგორილქ პრეზიდენტო. ილიესკუშ თარობა იკათუანდჷ ბრელი ჸოფილი კომუნისტის. თიში თარობას შანულამი ეკონომიკური დო სოციალური რეფორმეფი ვაუტარებჷ. 1996 წანაშ გიშაგორუეფს ილიესკუქ დემარცხჷ. ოთხი წანაშ უკულ, 2000 წანას, ილიესკუქ, მუჭოთ რუმინეთიშ სოციალ-დემოკრატიული პარტიაშ დუდმახვენჯიქ, კინ ართიშა გემორძგუ საპრეზიდენტო გიშაგორუეფს. პოსტის მაჟირა ვადათ გერინაშ ბორჯის, თიქ რუმინეთი ნატოშ ოურდუმე ალიანსიშა გემშეჸონჷ. თიქ თაშნეშე ხუჯი დუკინჷ აქტიური მორაგადაფეფს ევროპაშ რსხუწკჷმა (ნამუშ მაკათურო რუმინეთიქ 2007 წანას გინირთჷ). 2004 წანაშ გიშაგორუეფს, რუმინეთიშ სოციალ-დემოკრატიული პარტიაქ დემარცხჷ დო ილიესკუქ პრეზიდენტიშ პოსტიშე გეგნოდირთჷ. ჟირი წანაშ უკულ, თიქ პარტიაშ დუდმახვენჯიშ პოსტი ხოლო ქიდიტუ.
2018 წანას ილიესკუს ქეკადვეს დანაშურეფი კოჩიშობაშ მეხჷ. თის აბრალუაფუდეს რევოლუციაშ მიმალობას, თიცალი ოურდუმე ზომეფიშ მეღებას ნამუქჷთ ბრელი ადამიერიშ ღურა გიმიჭანუ. ილიესკუქ ღურუ 2025 წანაშ 5 მარაშინათუთას, 95 წანერქ.