იოსისუკე აიკავა

	იოსისუკე აიკავა; 鮎川義介
	; აიკავა 1937 წანას
ელმაჩამალეფიშ პალატაშ მაკათური
პოსტის გერინაშ ბორჯი
	1953 წანაშ 3 მესი – 1959 წანაშ 29 ქირსეთუთა
პერეფიშ პალატაშ მაკათური
პოსტის გერინაშ ბორჯი
	1943 წანაშ 14 ღურთუთა – 1945 წანაშ 15 ქირსეთუთა
ნაღურა	ფურთუთა 13,, 1967 (86 წანერი) ; ჩიოდა, ტოკიო, იაპონია
ოგიშაგორაშე ოლქი	ერუანულ ოლქი
ნთხორუ აბანი	ტამაშ საფულა
მენოღალობა	იაპონია
ერუანობა	იაპონარი
პოლიტიკური პარტია	ზოხორინელი
გონათაფა	ტოკიოშ იმპერიულ უნივერსიტეტი
პროფესია	ბიზნესმენი
საქვარუა	მეწარმე, პოლიტიკოსი

იოსისუკე აიკავა (ვარ-და გისუკე აიუკავა; იაპონ. 鮎川義介; დ. 6 გერგობათუთა, 1880 — ღ. 13 ფურთუთა, 1967) — იაპონარი მეწარმე, ბიზნესმენ დო პოლიტიკოსი. თინა რდჷ „Nissan“ (Nissan Group) ძაიბაცუშ დჷმარსხუაფალ დო პირველ პრეზიდენტი, ნამუთ მაჟირა მოსოფელიშ ლჷმაშ ბორჯის იაპონიაშ ართ-ართ არძაშე ჸონიერ ბიზნეს კონგლომერატ რდჷ.

ორდოიან რინა დო გონათუა

აიკავაქ დებადჷ ნოღა იამაგუჩიშ (იამაგუჩიშ პრეფექტურა) ართ-ართ რაიონს. დიამუშ მეიძიშ ბორჯიშ „გენროშ“ (უნჩაშ სახენწჷფო მოღალე) ინოუე კაორუშ დასქუა რდჷ. 1903 წანას თიქ გათუ ტოკიოშ იმპერიულ უნივერსიტეტიშ ოინჟინერე ფაკულტეტ დო მუშობა ქჷდიჭყუ კომპანია „შიბაურა სეისაკუშო“-ს (Shibaura Seisakusho), ნამუთ თეხანურ „ტოშიბაშ“ წიმოხონ რდჷ.^[1]

თიშ უმკუჯინალო, ნამჷ-და ძალამ დაბალ ხეშქირა უღუდჷნ, აიკავაქ მიხუჯუ ფარაშ შაყარუა დო ააშ-შა მიდართჷ, სოდეთ დიგურუ ჭკადურ თუნჯიშ ტექნოლოგია. იაპონიაშა დორთინაშ უკული, ინოუე კაორუშ დო ჩოშიუშ ჸოფირ პოლიტიკოსეფიშ ალარინათ, 1909 წანას კიტაკიუშუს ქჷდარსუ „ტობატაშ გინმაფუნალ ქარხანა“ (Tobata Foundry). თე კომპანია ასე ჩინებულ რე მუჭოთ Hitachi Kinzoku (Hitachi Metals Company Ltd).

კარიერა

1928 წანას, აიკავაქ „კუჰარაშ გვალამოპალუაშ კომპანიაშ“ (Kuhara Mining Company, ასეიან Nippon Mining & Metals Company) პრეზიდენტო გინირთჷ. თიქ თე პოსტის მუშ ალმასქუშ ჯიმა, ფუსანოსუკე კუჰარა დოთირუ დო ქჷდარსჷ ჰოლდინგურ კომპანია ჯოხოდვალათ „Nihon Sangyo“, ვარ-და კუნტას — ნისანი (Nissan). კუჰარაქ პოლიტიკას ქჷდიჭყუ მოღალობა დო მეჭედელ რსხუეფ გაჭყჷ მუმალ პრემიერ-მინისტრ გიიჩი ტანაკაწკჷმა დო შხვა ოურდუმე ლიდერეფწკჷმა, ნამუთ აიკავაქ მოგვიანეთ მუშ საჯგიროთ გჷმირინუ.^[2]

1931 წანაშ მუკდენიშ ინციდენტიშ უკულიან საფონდო ბირჟაშ ბუმით აიკავაქ ირგებჷ დო „ნისანიშ“ 132 სკუალაფირ კომპანიაშ საკონტროლო პაკეტეფ ქიჸიდჷ. თეშნერო თიქ აკოქიმინჷ ახალ ძაიბაცუ — ნისანიშ ბუნა (Nissan Group). თე ბუნაშა მიშმეშეს თიჯგურა ტექნოლოგიურო წჷმოძინელ კომპანიეფი, მუჭომეფით რე: Nissan Motors, Isuzu, NEC, Nippon Mining Holdings Company, Nissan Chemicals, Hitachi, Nichiyu, Nichirei, Nissan Marine Insurance დო შხვეფი.^[2]

1937 წანას, მუშ მოჯგირე ნობუსუკე კიშიშ მეპატჷჟებათ, აიკავაქ მანჯოუ-გოშა (მანჯურია) გეგნორთჷ. თიქ ხუჯ დუკინჷ კვანტუნიშ არმიაშ მეჯინას ცენტრალიზაფილ ინდუსტრიულ წჷმოძინაშ გეშა. „ნისანიშ“ შტაბ-ორენით მანჯურიაშა გეგნიღჷ, სოდეთ თინა „მანჯურიაშ ოინდუსტრიე წჷმოძინაშ კომპანიაშ“ (Manchurian Industrial Development Company) ლირეთ გინირთჷ.

აიკავა მანჯურიას არძა ინდუსტრიულ პროცესის დუდენდჷ დო 1930-იან წანეფს ჟირ ხუთწანურ გეგმა მანჯჷ, ნამუეფჷთ ოურდუმე იდეოლოგ ნაოკი ჰოშინოშ მეჯინას გეპონუდჷ. მორო, აიკავა ჰოშინოშე გინორთ მონოპოლიურ მერინას უკინანდჷ ხუჯის. თინა ანტკიცენდჷ, ნამჷ-და მანჯოუ-გოშ ეკონომიკურ დგომარობა დიო ხოლო პრიმიტიულ რდჷ დუდიშულ ბაზარიშ კაპიტალიზმიშო.^[3] აიკავაქ ამერიკალ ბულათიშ მაგნატეფშე საბანკო სესხეფით მიღჷ, მუდგაქჷთ ააშ-ს კაბეტ ნირზ გჷმიჭანუ.

თიშ უმკუჯინალო, ნამჷ-და თიშ ეკონომიკურ მეჯინეფ არმიაშ პოლიტიკას უხუჯანდჷნ, პოლიტიკურო თინეფს ვადოჸუნდჷ. აიკავა სუმჸურენ პაქტიშ აწმარენჯ რდჷ დო უწმეხრაგადანდჷ, ნამჷ-და ბრიტანეთ დო საფრანგეთ საბოლათ გიმორძგუანდეს ნაცისტურ გერმანიაშან. თინა ხუჯის უკინანდჷ „ფუგუშ გეგმას“, ნამუთ მანჯურიას ურია ლტოლვილეფიშ დოხორინას ითოლწონენდჷ. 1942 წანას, კვანტუნიშ არმიაშ გაულათ, აიკავაქ პოსტ ქჷდიტუ დო იაპონიაშა დირთჷ.^[4]

იაპონიაშ კაპიტულაციაშ უკული, ამერიკულ საოკუპაციო ხეშუულებაქ აიკავა ოჭოფჷ დო სუგამოშ ხვილიშას 20 თუთათ ქჷდახუნუ, მუჭოთ „A კლასიშ“ ოურდუმე ლჷმაშ დჷმაშებეშ ნაჩორთეფუ. თინა სასამართალოშახ გოუტეს, მარა თე ბორჯიშო „ნისანიშ“ ძაიბაცუ უკვე აკოცჷმილ რდჷ.

გადუდიშულებაშ უკული, აიკავაქ შანულამ როლ ილაჸაფჷ იაპონიაშ ლჷმაშ უკულიან ეკონომიკურ ეშაჸონაფას. თიქ ქიჸიდჷ კომერციულ ბანკ მორჩილ კომპანიეფშო სესხეფიშ ორგანიზებაშო. რდჷ კომპანიეფიშ — „Teikoku Oil“ დო „Japan Petroleum Exploration“ პრეზიდენტი. 1953 წანას იაპონიაშ პარლამენტიშ ელმაჩამალეფიშ პალატაშ მაკათურო გეგშაგორეს. მუშ მოჯგირეშ, ნობუსუკე კიშიშ პრემიერობაშის, თიქ მიხუჯჷ ეკონომიკურ კონტროლიშ პოლიტიკაშ მანჯება მორჩილ დო ოშქაშე ბიზნესეფიშ ინტერესეფშო.

იოშიშუკე აიკავაქ 1967 წანას ნაღმელიშ ბუშტიშ კონწარ ანთებათ (ქოლეცისტიტით) დოღურჷ. თინა ნთხორილ რე ტოკიოშ გოხოლუას, ტამაშ საფულას.

რესურსეფ ინტერნეტის

სქოლიო

↑ Van Wolferen, The Enigma of Japanese Power, pp.268
1 2 Samuels, Rich Nation, Strong Army. pp.102
↑ Samuels, Rich Nation, Strong Army. pp.103
↑ Young, Japan's Total Empire, pp.218

[1] Van Wolferen, The Enigma of Japanese Power, pp.268

[Samuels,_pp.102-2] 1 2 Samuels, Rich Nation, Strong Army. pp.102

[3] Samuels, Rich Nation, Strong Army. pp.103

[4] Young, Japan's Total Empire, pp.218

[1]

[2]

[3]

[4]