იოჰან გუტენბერგი

ვიკიპედიაშე
იოჰან გუტენბერგი
Johannes Gutenberg

XVI ოშწანურაშ გრავიურა
დაბადებაშ თარიღი:

1397 დო 1400 წანეფს შქას

დაბადებაშ აბანი:

მაინცი

ღურაშ თარიღი:

3 ფურთუთა, 1468(1468-02-03)

ღურაშ აბანი:

მაინცი

მენოღალობა:

გერმანიაშ შილა გერმანია

ომენცარე სფერო:

გჷმოგონაფა

იოჰან გუტენბერგი

იოჰან გუტენბერგი (დ. 1394-99 შქას (ვარდა 1406), მაინცი — ღ. 3 ფურთუთა. 1468, კინე თექ ) — გერმანალი გჷმმაგონებელი, ევროპაშ მაართა მესტამბე. გეგმიგონჷ დო დოზადუ ზოხოიან ასოშანეფიშ ლიტერეფი დო თინეფიშ ზჷმაშ ომანგე ოხარვეზე მასალა (მაართა სტანდარტული დეტალეფი ევროპული ტექნიკაშ ისტორიას). აკოქიმინჷ შრიფტიშ გჷმაბუნალი დო ობეშტალი დაზგეფი. შიმუშუ შრიფტიშო ლითონიშ აკოდგინალუაშ დო ობეშტალი ღაფულაშ რეცეპტურა. ოწიუდჷ ინტენსიურ ექსპერიმენტულ ხანდას ბეშტუაშ ტექნოლოგიაშ დარგის. 1438 წანას, სტრასბურგის აკოქიმინჷ ომაჸალობა, ნამუშ ღანკი რდჷ წინგიშ ბეშტუაშ ორგანიზაცია. სტრასბურგიშ საბუთეფიშ მეჯინათ, გუტენბერგის მაართა წინგი 1440 წანას გიშუშქუმალჷ, მუთ ნობეშტი პროდუქციათ ვედასურებუ. თიშ მაართა ნობეშტი პროდუქცია "მოკითხუაშ დღაშ ფრაგმენტი" (1445) ოკო რდას. უკული გიშუშქუმალჷ ელიუს დონატუსიშ (IV ო.) ლათინური ნინაშ გრამატიკა, თურქული კალენდარი (1454); კათოლიკური ეპარქიაშ ოხვამეეფიშ ერკებული, მუსხირენ ინდულგენცია (1456) დო შხვ. თის მიოჭარანა იოანე ბალბას (XIII ს.) ლათინური გოსხუნუაფონი ლექსიკონს (1460), 42-სტრიქონიანი ბიბლიას (ნამუთ პოლიგრაფიულ-ხანტურული სრულებაშჸურე XV ოშწანურაშ 50-იანი წანეფიშ შედევრი რე) დო შხვა გიშაშქუმალეფს.

ლიტერატურა[რედაქტირაფა | წყუშ რედაქტირაფა]