ისმაილ კადარე
| ისმაილ კადარე ალბ. Ismail Kadare | |
.jpg) კადარე 1990-იან წანეფს | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 1, 2024 (88 წანერი) |
| ღურაშ აბანი: | |
| ერუანობა: | |
| საქვარუა: | |
| პერიოდი : |
1954–2020 |
| Magnum opus: |
დინაფილი არმიაშ გენერალი (1963) |
| ჟანრი: | |
| ნინა: | |
| ჯილდოეფი: |
ჩინო დელ დუკაშ პრემია (1992) |
|
| |
.svg){kind=small}
ისმაილ კადარე (ალბ. Ismail Kadare; დ. 28 ღურთუთა, 1938 — ღ. 1 კვირკვე, 2024) — ალბანარი ნოველისტი, ჭარუ, პოეტი, ესეისტი, სცენარისტი დო დრამატურგი. მერჩქინელი რე XX-XXI ოშწანურეფიშ ართ-ართი უდიდაში ინტელექტუალო დო ლიტერატურული ფიგურათ.
გურაფულენდჷ ტირანაშ უნივერსიტეტის. უკულ გურაფა გაგინძორჷ მაქსიმ გორკიშ სალიტერატურო ინსტიტუტის, მოსკოვს. ალბანეთიშა დორთაშ უკულ მუშენდჷ ჟურნალისტო. 1960-იან წანეფიშე დიჭყჷ ლიტერატურული კარიერა. ენვერ ხოჯაშ მართუალაშ ბორჯის, კადარეშ ნაწარმებეფი იხასიათებუდჷ რეჟიმიშ კრიტიკათ. კადარეს ოშკურუდჷ რეპრესიეფიშა დო ჸათეშ გეშა ოცხოვრებშა საფრანგეთშა გეგნორთჷ, 1990 წანას. კადარე, ალბანეთის შინელი რდჷ მუჭოთ პოეტი, მარა თიქ საირქიანო პოპულარობა მიპალუ პროზაული ნაჭარეფით. 1963 წანას გიშართჷ რომანქ დინაფილი არმიაშ გენერალი, ნამუქჷთ ავტორს უდიდაში პოპულარობა მოუღჷ. კადარეშ შხვა ნაწარმებეფიშე ეიოშანალი რე: ქართა (1970), ქრონიკა ქუას (1971), ორცებაშ დოხორე (1981), პირამიდა (1992), ქუაშ ნოღაშ დონთხაფა (2008) დო შხვეფი. კადარეშ ნაჭარეფიშ შანულამი თემეფი რე: ალბანეთიშ ისტორია, პოლიტიკა, ფოლკლორი დო შხვა. თიში ნაწარმებეფი ორხველჷ რომანტიზმიშ, რეალიზმიშ დო სიურეალიზმიშ ჟანრეფს. კადარეს ფშხირას ადარენა ნიკოლაი გოგოლს, ჯორჯ ორუელს, გაბრიელ გარსია მარკესის, მილან კუნდერას დო ონორე დე ბალზაკის. კადარეშ ნაჭარეფი თანგილიე მოსოფელიშ 45 ნინაშა
ისმაილ კადარე რდჷ შხვადოშხვა პრესტიჟული პრემიეფიშ დო ჯილდოეფიშ ლაურეატი. კადარე ნომინირაფილი რდჷ ნობელიშ პრემიაშა 15-შა, მარა პრემია დღას ვემუღებჷ.