ისოროკუ იამამოტო
| ისოროკუ იამამოტო | |
| 山本 五十六 | |
 ადმირალი იამამოტო 1940 წანას | |
| მოღალობა |
ოურდუმე მოღალე |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი | |
| ღურაშ აბანი |
პანგუნაშ გოხოლუას, ბუგენვილი, ახალი გვინეაშ ტერიტორია |
| ნთხორუაშ აბანი | |
| მენოღალობა | |
| ერუანობა | |
| ალმასქუ |
რეიკო მიჰაში |
| სქუალეფი |
4 |
.svg){kind=small}
ისოროკუ იამამოტო (იაპ. 山本 五十六, დ. 4 პირელი, 1884 — ღ. 18 პირელი, 1943) — იაპონარი ოურდუმე მოღალე, იაპონიაშ საიმპერატორო ფლოტიშ მარშალი-ადმირალი დო იაპონიაშ გოართოიანაფილი ფლოტიშ მადუდე, მაჟირა მოსოფელიშ ლჷმაშ მიმალობას. იამამოტო ხემანჯღვერენდჷ იაპონიაშ ფლოტის 1939 წანაშე ღურაშახ (1943). თიში მანჯღვერალათ იაპონარეფქ შანულამი ოურდუმე წჷმოძინეფს მიოჭირინეს.
იამამოტოქ, 1904 წანას, გათუ იაპონიაშ საიმპერატორო ფლოტიშ ოზუღე აკადემია დო 1904-1905 წანეფს მონაწილენდჷ რუსეთ-იაპონიაშ ლჷმას. ცუსიმაშ ბურჯაფის თიქ დიჭკირჷ დო ჟირი კითი მიოდინუ. ლჷმაშ თებაშ უკულ, გურაფულენდჷ ჰარვარდიშ უნივერსიტეტის. იამამოტო მოღალენდჷ ოურდუმე ატაშეთ იაპონიაშ საელჩოს, ამერიკას. იამამოტო სერიოზული შანულობას არძენდჷ ოზუღე ავიაციას დო ფირქენდჷ ნამდა თინა ილაჸაფუდჷ კაბეტი როლს მუმალიშ კონფლიქტეფს. 1936 წანას იამამოტო ქუდარინეს ოზუღე ნძალეფიშ ვიცე-მინისტრო. ჸათე ბორჯიშე თინა ოპონირენდჷ იაპონიაშ ალიანსის ფაშისტური გერმანია დო იტალიაწკჷმა. 1939 წანას, იამამოტო ქუდარინეს გოართოიანაფილი ფლოტიშ თარსარდალო დო ქუდავალეს ოლიმე სტრატეგიაშ ხაზირუა ამერიკაშ მეხჷ. იამამოტო უგჷნალი გენთხაფაშ პროპონენტი რდჷ. ჸათე სტრატეგიათ იმანჯჷ პერლ-ჰარბორიშ ოპერაციაქ, 1941 წანაშ 7 ქირსეთუთას.
ლჷმაშ დაჭყაფური პერიოდის, იაპონარეფქ შანულამი გომორძგუეფი მიპალეს, მარა მიდუეიშ ოზუღე ბურჯაფიშ (1942 წანაშ 4-7 მანგი) უკულ წჷმოძინეფქ გეგნორთჷ ამერიკალეფიშ აკანიშა. 1943 წანაშ 18 პირელს, ამერიკალეფქ გოშიფრეს იამამოტოშ ფურინუაშ მარშრუტი დო გეგთათეს თიში ფურინჯი ბუგენვილიშ კოკიშ გოხოლუას.
ლიტერატურა
[რედაქტირაფა | წყუშ რედაქტირაფა]
|
თე სტატია იაპონიაშ დო იაპონარეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |