იტალიაშ სოციალური რესპუბლიკა
|
იტალიაშ სოციალური რესპუბლიკა | |||||||||
| |||||||||
|---|---|---|---|---|---|---|---|---|---|
| |||||||||
| ჰიმნი ახალნორდობა | |||||||||
 იტალიაშ სოციალური რესპუბლიკა 1943 წანას | |||||||||
| ნანანოღა | სალო, ვერონა დო მილანი (დე ფაქტო), რომი (დე იურე) | ||||||||
| ნინა | იტალიური, ლომბარდული, ვენეციური, ლიგურიული, პიემონტური, გერმანული, ნეაპოლური, ფრანკო-პროვანსული | ||||||||
| რელიგია | კათოლიციზმი | ||||||||
| ფარაშ ართური | იტალიური ლირა | ||||||||
| დუდალაშ ფორმა | უნიტარული რესპუბლიკა ფაშისტური ართპარტიული ტოტალიტარული დიქტატურაშ თუდო | ||||||||
| დუჩე | |||||||||
| - 1943-1945 | ბენიტო მუსოლინი | ||||||||
| ისტორია | |||||||||
| - ოპერაცია "ღერზი" | 8-19 ეკენია, 1943 | ||||||||
| - მუსოლინიშ რესტავრაცია | 23 ეკენია, 1943 | ||||||||
| - პარტიზანეფიშ არყება | 25 პირელი, 1945 | ||||||||
| - მუსოლინიშ ღურა | 28 პირელი, 1945 | ||||||||
| - კაპიტულაცია | 29 პირელი, 1945 | ||||||||
_crowned.svg){kind=small}
იტალიაშ სოციალური რესპუბლიკა (იტალ. Repubblica Sociale Italiana), თაშნეშე შინელი რდჷ მუჭოთ სალოშ რესპუბლიკა (იტალ. Repubblica di Salò) — მასუმა რაიხიშ მარიონეტული სახენწჷფო მაჟირა მოსოფელიშ ლჷმაშ გვიანი პერიოდის, 1943-1945 წანეფს.
1943 წანაშ კვირკვეშო მორსხუეეფს იტალიარეფი უკვე გიშარაჸილი აფუდეს ოორუე აფრიკაშე. 1943 წანაშ 9 კვირკვეს, თინეფქ გემშეჭკირეს სიცილიაშა. ჸათე პოლიტიკური სიტუაციაშ გეშა, 1943 წანაშ 24 კვირკვეს ბენიტო მუსოლინიქ ქიმიჭანუ დიდი ფაშისტური სხუნუ. სხუნუშ მაკათურეფქ, იტალიაშ მაფა ვიტორიო ემანუელე III-შ ალარინათ, გეგნარინეს მუსოლინი დო უკულ ოჭოფეს. ახალი თარობაქ ქიდიჭყჷ ოთინჩალე მორაგადაფეფი მორსხუეეფიწკჷმა. 1943 წანაშ 3 ეკენიას იტალიაქ ხე ქუმაჭარჷ კასიბილეშ ზეს მორსხუეეფიწკჷმა. მალას, ფაშისტური გერმანიაშ ჯარეფქ გემშეჭკირეს, ქიდეკინეს ოორუე დო ცენტრალური იტალია დო მუსოლინი ჯიხაშე გადუდიშულეს. 1943 წანაშ 23 ეკენიას, გერმანიაშ ოკუპირაფილი ტერიტორიეფს გიჭყჷ იტალიაშ სოციალური რესპუბლიკაქ (ისრ), ბენიტო მუსოლინიშ მართუალათ. იტალიაშ სოციალური რესპუბლიკა წჷმარინუანდჷ მასუმა რაიხიშ მარიონეტული სახენწჷფოს. თის ოფიციალურო ხვალე ღერზიშ ქიანეფი ჩინებულენდეს. ფინეთი დო ვიშიშ საფრანგეთი გერმანიაშ გოლინაშ თუდეს რდეს, მარა ვართ თინეფს უჩინებუნა იტალიაშ სოციალური რესპუბლიკა. ისრ-ს ლიმიტირაფილი ურთიართალა უღუდჷ არგენტინაწკჷმა, პორტუგალიაწკჷმა, ესპანეთიწკჷმა დო შვეიცარიაწკჷმა. ისრ-ს ვართ ვატიკანი ჩინებულენდჷ.
ისრ არსებენდჷ ვითოჩხორო თუთაშ გოძვენას. 1945 წანაშ პირელს იტალიარი პარტიზანეფქ, მორსხუეეფიშ ალარინათ, ქუდახუეს მუსოლინიშ ხეშულობა. თინეფქ გერმანული ოკუპაციური ნძალეფი იტალიაშე გეგშარაჸეს, მუსოლინი ოჭოფეს დო 1945 წანაშ 28 პირელს ღურათ დასაჯეს. ისრ-შ დოთნხაფაშ დღა, 25 პირელი მერჩქინელი რე გადუდიშულაფაშ დღათ, იტალიას.