იუნ ბო სონი
| იუნ ბო სონი | ||
.jpg) ოფიციალური პორტრეტი, 1960 წ. | ||
| ობჟათე კორეაშ მა-2 პრეზიდენტი | ||
|---|---|---|
| პოსტის გერინაშ ბორჯი | ||
| 13 მარაშინათუთა, 1960 – 24 მელახი, 1962 | ||
| წიმოხონი | ლი სინ მანი | |
| მონძე | პაკ ჩონ ჰი | |
სეულიშ მერი | ||
| პოსტის გერინაშ ბორჯი | ||
| 15 ქირსეთუთა, 1948 – 5 მანგი, 1949 | ||
| წიმოხონი | კიმ ჰიონ მინი | |
| მონძე | ლი გი ბუნი | |
| დუნაბადი | 26 მარაშინათუთა, 1897 ასანი, ჩოსონი | |
| ნაღურა | 18 კვირკვე, 1990 (92 წანერი) სეული, ობჟათე კორეა | |
| მენოღალობა |  ობჟათე კორეა | |
| პოლიტიკური პარტია | დემოკრატიული პარტია ახალი დემოკრატიული პარტია | |
| ალმასქუ | კონ დოკვი | |
| სქუალეფი | 4 | |
| გონათაფა | ედინბურგიშ უნივერსიტეტი | |
| ხეშმოჭარუა |  | |
იუნ ბო სონი (კორ. 윤보선, დ. 26 მარაშინათუთა, 1897 — ღ. 18 კვირკვე, 1990) — ობჟათე კორეალი პოლიტიკოსი, ობჟათე კორეაშ მა-2 პრეზიდენტი 1960-1962 წანეფს.
გურაფულენდჷ ედინბურგიშ უნივერსიტეტის, სოდეთ 1930 წანას მიპალუ მაგისტრიშ ხარისხი. იაპონიარეფიშით კორეაშ ოკუპაციაშ დათებუშ უკულ, 1945 წანას ქაკათჷ პოლიტიკური პროცესეფს. 1948 წანას, ლი სინ მანი-ქ თინა ქუდარინუ სეულიშ მერო დო ართი წანაშ უკულ ვაჭარუა-ინდუსტრიაშ მინისტრო. მარა უკულიანი პერიოდის, ძალამს გეუფრაშჷ იუნ ბო სონიშ ურთიართალაქ ლი სინ მანიწკჷმა, ნამუშ მართუალა ავტორიტარიზმით იხასიათებუდჷ. 1954 წანას, იუნ ბო სონიქ გიშაგორილქ იჸუ ერუანული ასამბლეაშ მაკათურო. ართი წანაშ უკულ, შხვა ლიდერეფიწკჷმა ართო დარსხუ ოპოზიციური დემოკრატიული პარტია.
1960 წანას, ობჟათე კორეას არდგილი უღუდჷ სტუდენტეფიშ მასობური საპროტესტო დემონსტრაციეფს, ლი სინ მანიშ ხეშულობაშ მეხჷ. შედეგო, თინა გეგნარინეს. ობჟათე კორეაშ ახალი პრეზიდენტო გიშაგორილქ იჸუ იუნ ბო სონიქ. თიში მართუალაქ ეფექტურქ ვეჸუ. ართ წანაშ უკულ, იუნ ბო სონიშ მეხჷ ქუმოხვადჷ ოურდუმე გინორთაქ, ნამუსჷთ გენერალ-მაიორი პაკ ჩონ ჰი ხემანჯღვერენდჷ. იუნ ბო სონიქ, იშენით, ართი წანას ქუდოსქიდჷ ხეშულობას დო 1962 წანაშო გეგნოდირთჷ. უკულიანი ბორჯის, თინა პაკიშ ავტორიტარული რეჟიმიშ კრიტიკოსი რდჷ. ჟირშა, 1963 დო 1967 წანეფს, მონაწილენდჷ საპრეზიდენტო გიშაგორუეფს მარა დემარცხჷ. 1980 წანას პოლიტიკური პროცესეფს დეთხუ.