იცხაკ ნავონი
| იცხაკ ნავონი יצחק נבון | ||
 ნავონი 1965 წანას | ||
| ისრაელიშ მა-5 პრეზიდენტი | ||
|---|---|---|
| პოსტის გერინაშ ბორჯი | ||
| 29 მესი, 1978 – 5 მესი, 1983 | ||
| პრემიერ-მინისტრი | მენახემ ბეგინი | |
| წიმოხონი | ეფრაიმ კაცირი | |
| მონძე | ხაიმ ჰერცოგი | |
| დუნაბადი | 9 პირელი, 1921 იერუსალიმი, პალესტინა | |
| ნაღურა | 6 გერგობათუთა, 2015 (94 წანერი) იერუსალიმი, ისრაელი | |
| მენოღალობა |  ისრაელი | |
| ერუანობა | ურია | |
| პოლიტიკური პარტია | მაარახი | |
| ალმასქუ | 1. ოფირა რეზნიკოვი 2. მირი შაფირი | |
| სქუალეფი | 2 | |
| გონათაფა | იერუსალიმიშ უნივერსიტეტი | |
| საქვარუა | ჭარუ, დრამატურგი, დიპლომატი, პოლიტიკოსი | |
| რელიგია | იუდაიზმი | |
| ხეშმოჭარუა |  | |
იცხაკ ნავონი (ურ. יצחק נבון, დ. 9 პირელი, 1921 — ღ. 6 გერგობათუთა, 2015) — ისრაელარი პოლიტიკოსი, დიპლომატი, ჭარუ დო დრამატურგი, ისრაელიშ პრეზიდენტი 1978-1983 წანეფს.
ნავონი გურაფულენდჷ არაბული დო ისლამური ლიტერატურას იერუსალიმიშ უნივერსიტეტის. გურაფაშ თებაშ უკულ, მუშენდჷ მაგურაფალო. ჯგირო უჩქუდჷ ურიული, არაბული, ლადინო, ფრანგული დო ინგლისური ნინეფი. რდჷ ურიული ოურდუმე ორგანიზაცია ჰაგანაშ მაკათური.
ნავონიქ, 1951 წანას, გინირთჷ ისრაელიშ პრემიერ-მინისტრიშ დავიდ ბენ-გურიონიშ პოლიტიკური მელამოსეთ. ართ წანაშ უკულ ქუდარინეს ბენ-გურიონიშ ბიუროშ მადუდეთ. 1963 წანაშე მოღალენდჷ გონათაფაშ სამინისტროს. 1965-1978 დო 1984-1992 წანეფს რდჷ ქნესეთიშ მაკათური. 1978 წანაშ 19 პირელს, ნავონიქ გიშაგორილქ იჸუ ისრაელიშ, რანწკით მახუთა პრეზიდენტო. პრეზიდენტიშ პოსტის გერინაშ ბორჯის, თიქ შეხვადჷ ეგვიპტეშ პრეზიდენტის, ანვარ სადათის. ისრაელიშ დო ეგვიპტეშ პრეზიდენტეფიშ ჸათე აკოხვამილაფა შანულამი მომენტი რდჷ ჟირი ქიანაშ შქას ოთინჩალე პროცესიშო. პრეზიდენტიშ პოსტიშე ულაშ უკულ, 1984-1990 წანეფს ნავონი ნინალენდჷ გონათაფაშ დო კულტურაშ მინისტრო. იცხაკ ნავონიქ ღურუ 2015 წანაშ 6 გერგობათუთას, 94 წანერქ.
ქოძირით თაშნეშე
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა] |
თე სტატია ისრაელიშ დო ურიეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |