კავკაციაშ ალბანეთი

	კავკაციაშ ალბანეთი ;
	; კავკაციაშ ალბანეთი V-VI ოშწანურეფს
ნანანოღა	კაბალაკი; ბარდავი
ნინა	კავკაციური ალბანური, პართიული, სპარსული, სომეხური
რელიგია	პაგანიზმი, ქირსიანობა, ზოროასტრიზმი
დუდალაშ ფორმა	აბსოლუტური მონარქია
დინასტია	არშაკიდეფი; მიჰრანიდეფი
	ისტორია
- გოჭყაფა	ჯვ. წ. II ოშწანურა
- ჸოფა გასურჷ	ახ. წ. VIII ოშწანურა

კავკაციაშ ალბანეთი — ჸოფილი სახენწჷფო, ნამუთ იდვალუაფუდჷ კავკაციას, თეხანური აზერბაიჯანიშ ტერიტორიას. კავკაციარი ალბანარეფიშ ენდონიმი უჩინებუე. ჯვეში ბერძენეფი დო რომალეფი თინეფიშ ქიანას ალბანეთის უძახჷდეს. სახენწჷფოშ ნანანოღა რდჷ კაბალაკი (ასეიანი ქაბალა). მახუთა ოშწანურას ნანანოღაქ ბარდავიშა (ბარდა) გეგნორთჷ.

ჯვეში ბერძენი გეოგრაფიშ სტრაბონიშ მეჯინათ, ალბანარეფი ირთუდეს 26 ტომო დო თინეფს, არძოს მუში მაფა ჸუნდჷ. მარა უკულ, ბორჯიშ გოძვენას ალბანური ტომეფქ აკიართიანეს ართი ხეშულობაშ თუდო. ქირსიანობა ალბანარეფს მახუთა ოშწანურაშ დაჭყაფუს მეუღებუნა. ალბანეთიშ სპარსალეფიშით უკუპაციაშ უკულ, 510 წანას გეუქვჷ მონარქიაქ. ჸათეშ უკულ, ალბანეთის შხვადოშხვა გოლინიანი დიდებუანეფი მართუნდეს. ხეშულობა ცენტრალიზაფილი ვარდჷ. 624 წანას, ბიზანტიაშ იმპერატორქ ჰერაკლექ ალბანეთიშ მართუალა მიჰრანიდეფიშ დინასტიაშ წჷმმარინაფალეფს გეგნოჩჷ. მაშკვითა ოშწანურას ალბანეთი არაბებქ ქიდეკინეს. ჸათე ბორჯიშე ალბანეთიქ ძალამს დედაღარჷ, ტერიტორიეფი მიოდინუ დო უკულ ჸოფა ხოლო გასურჷ. ალბანეთიშ ჸოფილი ტერიტორიეფიშ უმენტაშობა თეხანური აზერბაიჯანიშ ტერიტორიაშა მიშმურს. ალბანეთიშ ტერიტორია რდჷ ასეიანი კახეთიშ ბჟაეიოლი ნორთი, ნამუთ ასე საქორთუოშ აკოდგინალუას რე. კავკაციარი ალბანარეფიშ კინოხონეფო მირჩინუაფუ უდინეფი, ნამუეფიშ მუდანობა დოხოლაფირო ვითი ანთასი კოჩის აკმადგინანს. იჩიებუნა უდიური ნინაშა.

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.