კაზის გრინიუსი
| კაზის გრინიუსი Kazys Grinius | ||
 გრინიუსი 1926 წანას | ||
| ლიეტუვაშ მა-3 პრეზიდენტი | ||
|---|---|---|
| პოსტის გერინაშ ბორჯი | ||
| 7 მანგი, 1926 – 17 ქირსეთუთა, 1926 | ||
| წიმოხონი | ალექსანდრას სტულგინსკისი | |
| მონძე | იონას სტაუგაიტისი (ობორჯე) | |
| პოსტის გერინაშ ბორჯი | ||
| 19 მანგი, 1920 – 18 ღურთუთა, 1922 | ||
| პრეზიდენტი | ალექსანდრას სტულგინსკისი | |
| წიმოხონი | ერნესტას გალვანაუსკასი | |
| მონძე | ერნესტას გალვანაუსკასი | |
| დუნაბადი | 17 ქირსეთუთა, 1866
სელემა, პოლონეთიშ ომაფე | |
| ნაღურა | მანგი 4,, 1950 (83 წანერი)
ჩიკაგო, ილინოისი, ააშ | |
| პოლიტიკური პარტია | ლიეტუვაშ ოკათე გლეხეფიშ რსხუ | |
| გონათაფა | მოსკოვიშ იმპერიული უნივერსიტეტი | |
| ხეშმოჭარუა |  | |
კაზის გრინიუსი (დ. 17 ქირსეთუთა, 1866 — ღ. 4 მანგი, 1950) — ლიეტუვარი პოლიტიკოსი, ლიეტუვაშ მა-3 პრეზიდენტი 1926 წანას დო მა-6 პრემიერ-მინისტრი 1920-1922 წანეფს.[1]
ბიოგრაფია
[რედაქტირაფა | წყუშ რედაქტირაფა]გურაფულენდჷ მედიცინას მოსკოვიშ იმპერიული უნივერსიტეტის.[2] გურაფაშ თებაშ უკულ მუშენდჷ ექიმო. ახალნორდობაშე დეინტერესჷ პოლიტიკათ დო აქტიურო ქაკათჷ ლიეტუვაშ პოლიტიკური პროცესეფს. ჸათეშ გეშათ გრინიუსის ცარისტული რეჟიმი თხოზუდჷ.[3] 1896 წანას, გრინიუსიქ, მუშ მაჸალეეფწკჷმა ართო დარსხუ ლიეტუვაშ დემოკრატიული პარტია (ლდპ) დო ლიეტუვაშ ოკათე გლეხეფიშ რსხუ (ლოგრ).[4] მაართა მოსოფელიშ ლჷმაშ მიმალობას, გრინიუსი, მუშ ფანიაწკჷმა ართო ცხოვრენდჷ კისლოვოდსკის. 1918 წანას, რუსი ტერორისტეფქ ალმასქუ დო ცირასქუა დუჸვილეს.[5]
ზოხორინელი ლიეტუვაშ გოჭყაფაშ უკულ, ლიეტუვაშა დირთჷ დო გინირთჷ ლიეტუვაშ პარლამენტიშ მაკათურო. 1920-1922 წანეფს უკებუდჷ პრემიერ-მინისტრიშ პოსტი.[6] ჸათე პოსტის გერინას ბორჯის გრინიუსიქ ხე მაჭარჷ ოთინჩალე ხეკულუას სხუნუეთიწკჷმა. 1926 წანაშ ივანობას, ლიეტუვაშ სეიმქ გრინიუსი გეგშაგორჷ ქიანაშ რანწკით მა-3 პრეზიდენტო.[7] მარა ჸათე პოსტი ხვალე ამშვი თუთაშ გოძვენას უკინებუდჷ. 1926 წანაშ ქირსეთუთას ქუმოხვადჷ ოურდუმე გინორთაქ, ნამუსჷთ ხემანჯღვერენდჷ ანტანას სმეტონა. შედეგო გრინიუსიშ მართუალა ქუდახუეს.[8] უკულიან პერიოდის, გრინიუსი მოღალენდჷ ექიმო კაუნასის. 1941 წანას, ნაცისტური გერმანიაქ გემშეჭკირჷ დო ლიეტუვა ქიდეკინჷ. 1944 წანას, ლიეტუვაქ სხუნუეთიშ ჯარეფიშ კონტროლშა გეგნორთჷ. უკულ გრინიუსიქ ლიეტუვა ქიდიტუ დო 1947 წანაშე ამერიკას ცხოვრენდჷ.[9] ღურუ 1950 წანაშ 4 მანგის, 83 წანერქ, ნოღა ჩიკაგოს.[10]
სქოლიო
[რედაქტირაფა | წყუშ რედაქტირაფა]- ↑ Kazys Grinius. კითხირიშ თარიღი: 2026-04-15.
- ↑ Kazys Grinius. კითხირიშ თარიღი: 2026-04-15.
- ↑ Kazys Grinius. კითხირიშ თარიღი: 2026-04-15.
- ↑ Kazys Grinius. კითხირიშ თარიღი: 2026-04-15.
- ↑ Kazys Grinius. კითხირიშ თარიღი: 2026-04-15.
- ↑ Kazys Grinius. კითხირიშ თარიღი: 2026-04-15.
- ↑ Kazys Grinius. კითხირიშ თარიღი: 2026-04-15.
- ↑ Kazys Grinius. კითხირიშ თარიღი: 2026-04-15.
- ↑ Kazys Grinius. კითხირიშ თარიღი: 2026-04-15.
- ↑ Kazys Grinius. კითხირიშ თარიღი: 2026-04-15.