კარლის ულმანისი
| კარლის ულმანისი Kārlis Ulmanis | ||
.jpg) | ||
| ლატვიაშ მა-4 პრეზიდენტი | ||
|---|---|---|
| პოსტის გერინაშ ბორჯი | ||
| 11 პირელი, 1936 – 21 კვირკვე, 1940 | ||
| წიმოხონი | ალბერტს კვიესისი | |
| მონძე | აუგუსტს კირხენშტეინსი (სხუნუეთიშ ოკუპაციაშ თუდო) | |
| პოსტის გერინაშ ბორჯი | ||
| 19 გერგობათუთა, 1918 – 18 მანგი, 1921 | ||
| პრეზიდენტი | იანის ჩაკსტე | |
| წიმოხონი | პოსტიქ გიჭყჷ | |
| მონძე | ზიგფრიდ ანნა მეიეროვიცი | |
| პოსტის გერინაშ ბორჯი | ||
| 24 ქირსეთუთა, 1925 – 6 მესი, 1926 | ||
| პრეზიდენტი | იანის ჩაკსტე | |
| წიმოხონი | ჰუგო ცელმინში | |
| მონძე | არტურს ალბერინგსი | |
| პოსტის გერინაშ ბორჯი | ||
| 27 მელახი, 1931 – 5 ქირსეთუთა, 1931 | ||
| პრეზიდენტი | ალბერტს კვიესისი | |
| წიმოხონი | ჰუგო ცელმინში | |
| მონძე | მარგერს სკუენიეკსი | |
| პოსტის გერინაშ ბორჯი | ||
| 17 მელახი, 1934 – 17 მანგი, 1940 | ||
| პრეზიდენტი | ალბერტს კვიესისი მუ | |
| წიმოხონი | ადოლფს ბლოდნიეკსი | |
| მონძე | აუგუსტს კირხენშტეინსი (სხუნუეთიშ ოკუპაციაშ თუდო) | |
| დუნაბადი | 4 ეკენია, 1877 ბერზე, კურლანდიაშ გუბერნია, რუსეთიშ იმპერია | |
| ნაღურა | 20 ეკენია, 1942 (65 წანერი) კრასნოვოდსკი, თურქმენეთიშ სსრ, სსრრ | |
| პოლიტიკური პარტია | ლატვიაშ ფერმერეფიშ რსხუ (1917-1934) | |
| ხეშმოჭარუა |  | |
კარლის აუგუსტს ვილჰელმს ულმანისი (ლატვ. Kārlis Augusts Vilhelms Ulmanis, დ. 4 ეკენია, 1877 — ღ. 20 ეკენია, 1942) — ლატვიარი პოლიტიკოსი დო დიქტატორი, ლატვიაშ პრეზიდენტი 1936-1940 წანეფს, პრემიერ-მინისტრი 1918-1921, 1925-1926, 1931 დო 1934-1940 წანეფს.
ულმანისი გურაფულენდჷ აგრონომიას, გერმანიას. გურაფაშ თებაშ უკულ ლატვიაშა დირთჷ დო მუშობა ქიდიჭყჷ აგრარული სექტორს. ულმანისი ლჷმენდჷ ლატვიაშ დუდიშულობაშო, ნამუთ რუსეთიშ იმპერიაშ აკოდგინალუაშა მიშმეშჷ. რუსეთიშ 1905 წანაშ რევოლუციაშ უკულ, ამერიკაშა მიდართჷ დო ლექციეფს კითხულენდჷ ნებრასკაშ უნივერსიტეტიშ აგრარული ფაკულტეტის.
1913 წანას რუსეთიშ იმპერიაქ ამნისტია გეგშაშქჷ დო ულმანისიქ ლატვიაშა დირთჷ. 1917 წანაშ რუსეთიშ რევოლუციაშ მიმალობას, თიქ ქუდარსხუ პარტია ლატვიარი ფერმერეფიშ რსხუ, ნამუშ ღანკი ლატვიაშ ზოხორინელობაშო ლჷმა რდჷ. ულმანისიქ დეხოლჷ შხვა ნაციონალისტეფს დო თინეფიწკჷმა ართო გაჭყჷ ლატვიაშ ერუანული სხუნუ, ნამუქჷთ 1918 წანაშ 18 გერგობათუთას, რუსეთიშე დუდიშულობა გეგმაცხადჷ. ულმანისიქ გინირთჷ ლატვიაშ ობორჯე თარობაშ მადუდეთ. მაართა მოსოფელიშ ლჷმაშ უკულიანი პერიოდის, ლატვიაშო სერიოზული საფრთხეს წჷმარინუანდეს რუსეთი, გერმანია დო ქიანაშ დინახალე - ლატვიარი კომუნისტეფი. ლატვიაქ, საფრანგეთიშ, ბრიტანეთიშ დო პოლონეთიშ ალარინათ წჷმოძინელო დოთხილუ სუვერენიტეტი. ულმანისიშ ორგანიზაფათ, 1920 წანას იმანჯჷ პარლამენტიშ გიშაგორუეფქ. თე წანაშ მარაშინათუთას, ლატვიაქ ქუდოდვუ ოთინჩალე ხეკულუა სხუნუეთიწკჷმა.
1934 წანას ულმანისიქ დეთხინუ პარლამენტი დო აკრძალჷ პოლიტიკური პარტიეფი დო ქიმწიჭყჷ ავტორიტარული მართუალა. 1940 წანას, სხუნუეთიშ ჯარეფქ გემშეჭკირეს, ლატვია ქიდეკინეს დო ულმანისი ოჭოფეს. ულმანისი რუსეთიშა გეგნახორეს.