კიფი

ვიკიპედიაშე
კიფი
Cannabis sativa
მენცარული კლასიფიკაცია
ომაფე: ჩანარეფი
ფანია: კიფიშობურეფი
გვარი: კიფი
ლათინური ჯოხო
Cannabis
თხილუაშ სტატუსი

კიფი (Cannabis), ართწანიანი ნოჭკილი ჩანარიშ გვარი კიფიშობურეფიშ ფანიაშე. ჩინებული რე 3 გვარობა: რჩქვანელობური კიფი (Cannabis sativa), ინდური კიფი (Cannabis indica) დო ტყარი კიფი (Cannabis ruderalis). რჩქვანელობური კიფი ჟირჸუდეამი რე (მუმული დო დადული კიფი), ღერი თინი რე 0,5-4 მ სიმაღალაშ. ფოსვი თარღერძამი რე, ფურცელი — მინაკვათა, წვანე რე. მუმული კიფიშ პიოლეფი ფენჯგირე ბიბლა რე, დადული კიფი — დუდელაშნერი. გჷმნაღელი ართთასამი ჭკალამია რე. კიფი ლამე დიხას ირდუ, კიფი მოჸუნა ინჭკიშო. მუმული კიფიშე დო ტექნიკური სიმონდარეშ პერიოდიშ დადული კიფიშე ღებულენა ინჭკის (ქერელს), ნამუშე რშვილს ორთჷნა. კიფიშ ოდავადე რე ცენტრალური აზია, კიფი მიარე ქიანას მოჸუნა; რუსეთიშ ცენტრალურ უჩადიხა ზონას, ობჟათე უკრაინას, ბელარუსის, ვოლგაშპიჯეთის, ოორუე კავკაციას დო ბჟადალ ცჷნდჷრს.

კიფი მოსოფელს არძაშე შხირას გჷმორინაფონი ნარკოტიკული საშუალება რე; 2009 წანაშ მუნაჩემეფით, 15-შე 64 წანაშახ მოსოფელიშ მახორუეფიშ დოხოლაფირო 3—5 %-ის კიფი ართშა იშენით აფუ უკანონეთ გჷმორინაფილი[1].

ბარსელონას მანჯაფილჷ გჷმორკვიალეფიშ შედეგო გჷმორჩქინჷ, ნამჷ-და 16 წანაშ მარდუეფს შქას 3-შე 1 რეგულარულო გჷმირინუანდჷ კიფის „ვანგუარდია“ (ესპანეთი).

ჰარვარდიშ უნივერსიტეტის იმანჯჷ ცადეფქ; ალაზჷმაფილქ იჸუ ადამიერიშ ბუნეფქ, ნამუეფშე ართჸურე ირდღას გჷმირინუანდჷ მარიხუანას, მაჟირა ბუნა — ალაზჷმაფათ ოშა-გოშათ. თინეფიშ გონებაშა მანჯაფლი სტანდარტული გჷმორკვიალაშ შედეგო, თე ჟირ ბუნაშ ადამიერეფს მორჩილი მუდანობაშ გინორთიქ მიაჩჷ. მარა მერგეშუაშე მანჯაფილჷ გჷმორკვიალაქ ოძირუ, ნამჷ-და მარიხუანაშ დიდი მუდანობათ გჷმმარინაფალეფს თე რჩინა ძალამ დაბალი უღუდ.

ლიტერატურა[რედაქტირაფა | წყუშ რედაქტირაფა]

რესურსები ინტერნეტში[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. GloboMeter, Die Welt in Zahlen (გერმანული)