დინორეშა გინულა

კლაუს კინსკი

ვიკიპედიაშე
კლაუს კინსკი
Klaus Günter Karl Nakszynski

კინსკი 1988 წანაშ კანიშ კინოფესტივალს
ჯოხო დაბადება შვანს

კლაუს გიუნტერ კარლ ნაკშინსკი

მოღალობა

1948–1989

ბიოგრაფიული ჩინებეფი
დაბადებაშ თარიღი

18 გჷმათუთა, 1926

დაბადებაშ აბანი

ზოპოტი, დუდიშულ ნოღა დანციგი (ასე სოპოტი, პოლონეთი)

ღურაშ თარიღი

23 გერგობათუთა, 1991 (65 წანერი)

ღურაშ აბანი

ლაგუნიტასი, კალიფორნია, ააშ

საქვარუა:

არტისტი

მენოღალობა

გერმანიაშ შილა გერმანია

ერუანობა

გერმანალი

ალმასქუ

გისლინდე კიუბეკი (1952–1955)
ბრიჯიტ რუთ ტოკი (1960–1971)
მინჰოი ჟენევიევ ლუანიკი (1971–1979)

სქუალეფი

პოლა, ნასტასია, ნიკოლაი


კლაუს კინსკი (გერმ. Klaus Kinskiⓘ; დაბადებაშ ჯოხო კლაუს გიუნტერ კარლ ნაკშინსკი[1]; დ. 18 გჷმათუთა, 1926 – ღ. 23 გერგობათუთა, 1991)[2] — პოლონურ გოჭყაფაშ გერმანალ არტისტი.[3] თინა ართნერო რდჷ ჩინებულ მუშ ინტენსიურ ლაჸაფიშ სტილით, ექსცენტრიულ დო ხირმიშთ ხასიათით;[4][5][6] თის 130-შე უმოს კინოროლ აფჷ ნალაჸაფინა 40-წანიან კარიერაშ განწეხანს, 1948 წანაშე 1988 წანაშა, თინა არძაშე უმოსო ჩინებულ რე ვენერ ჰერცოგიშ ხუთ ფილმს კათაფათ 1972 წანაშე 1987 წანაშა (აგირე, ღორონთიშ ჭყორა; ნოსფერატუ: სერიშ ფანტომი; ვოიცეკი; ფიცკარალდო დო კობრა ვერდე), ნამუქჷთ უკულ თინეფიშ ატოტებურ ურთიართობა ეჭარჷ დოკუმენტურ ფილმს ჩქიმ საუჯგუშო მაჸალე.

კინსკიშ როლეფ იკათუანდჷ ანდა ჟანრის, ნინას დო ერუანობას, თინეფს შქას სპაგეტი-ვესტერნეფს, საშქურანჯ ფილმეფს, ოურდუმე ფილმეფს, დრამეფს დო ედგარ უოლესიშ ნახანდეფიშ მეჯინათ გინოღალირ კრიმი-ფილმეფს (krimi). თიშ ნეგატიურ რეპუტაცია ხოლო უმოსო გაჸონიერჷ მუსხირენ ექსცენტრიულ ორსანტულ ცადებეფქ, თინეფს შქას იესო ქირსეშ რინაშა გერსხუაფილ მონო-სპექტაკლიქ,[7] მევიოლინე ნიკოლო პაგანინიშ ბიოგრაფიულ ფილმქ, სოდეთ რეჟისორით მუ რდჷ დო თარ როლსჷთ მუ ლაჸაფენდჷ, თაშნეშე ეჩშე უმოს აუდიო-ალბომქ (spoken word).

კინსკი მიკოჭვაჭვუდჷ ემოციურ დო შხირას ნძალებურ ფეთეფშა, ნამუეფჷთ მეწურაფილ რდჷ მუშ რეჟისორეფიშოთ დო მაჸალე არტისტეფიშოთ; თე პრობლემეფს ხოლო უმოსო აუფრაშენდჷ მუშ ფსიქიკურ ლახარეფიშ ისტორია. ჰერცოგი თის ეთმეჭარუნდჷ, მუჭოთ „ოშწანურაშ ართ-ართ უკაბეტაშ არტისტის, მარა თაშნეშე მონსტრის დო კაბეტ ჭირს“.[8][9]

ღურაშ უკული, თის ბრალ წჷმურინეს მუშ ცირასქუალეფიშ, პოლაშ დო ნასტასიაშ ფიზიკურ დო სექსუალურ ნაძალებას.[10] თიშ სკანდალურ რეპუტაციაქ დო ჸოფურ მოღალობაქ ფართას მოდვალირ კულტიშ გემაჸვენჯეფიშ[11][12] დო პოპილარულ სახეშ რეპუტაციაშ ოსხირო გჷნირთუ.[13]

რესურსეფ ინტერნეტის

[რედაქტირაფა | წყუშ რედაქტირაფა]
ვიკიოწკარუეს? რე ხასჷლა თემაშენ:

სქოლიო

[რედაქტირაფა | წყუშ რედაქტირაფა]
  1. ↑ Halliwell, Laurie (1997). Halliwell's filmgoer's companion, 12th, London, UK: HarperCollins. ISBN 9780002557986. 
  2. ↑ IMDb database. Retrieved 21 October 2017
  3. ↑ Kinski, Klaus (1988). All I Need Is Love, 1st, Random House. ISBN 0-394-54916-3. OCLC 18379547. 
  4. ↑ David, Christian (2008). Kinski. Die Biographie. Berlin, Germany: Aufbau-Verlag. ISBN 978-3-7466-2434-1. OCLC 244018538. 
  5. ↑ Geyer, Peter (2006). Klaus Kinski: Leben, Werk, Wirkung (German). Frankfurt am Main: Suhrkamp. ISBN 3-518-18220-X. 
  6. ↑ (2002) International Stars at War. Annapolis, Maryland: Naval Institute Press, 105–107 ხს.. ISBN 1-55750-965-4. 
  7. ↑ Brehm, Reviews (28 April 2014). Jesus Christus Erloser (en-US). კითხირიშ თარიღი: 9 November 2021.
  8. ↑ Murderous feud on the film set (en) (21 May 1999). კითხირიშ თარიღი: 9 November 2021.
  9. ↑ Hideous Kinski (en) (5 March 2000). კითხირიშ თარიღი: 9 November 2021.
  10. ↑ Biss, Malta. “Jetzt spricht Nastassja“, Axel Springer AG, 13 January 2013. კითხირიშ თარიღი: 19 July 2015. (de) 
  11. ↑ “Cult hero: Klaus Kinski“. კითხირიშ თარიღი: 8 November 2021. (en) 
  12. ↑ Perez, Gilberto. “FILM; An Actor and a Director Whose Bond Was, Well, Mad“, The New York Times, 7 November 1999. კითხირიშ თარიღი: 8 November 2021. (en-US) 
  13. ↑ 'I am not your Superstar': Klaus Kinski as Jesus Christ (15 January 2011). კითხირიშ თარიღი: 8 November 2021.
გორილი რე "https://xmf.wikipedia.org/w/index.php?title=კლაუს_კინსკი&oldid=252083"-შე