კონსტანტინ პიატსი
| კონსტანტინ პიატსი Konstantin Päts | ||
 პიატსი 1923 წანას | ||
| ესტონეთიშ მა-1 პრეზიდენტი | ||
|---|---|---|
| პოსტის გერინაშ ბორჯი | ||
| 24 პირელი, 1938 – 23 კვირკვე, 1940 | ||
| წიმოხონი | პოსტიქ გიჭყჷ | |
| მონძე | პოსტიქ გეუქვჷ; ლენარტ მერი (1992) | |
| დუნაბადი | 23 ფურთუთა, 1874 ტაჰკურანა, ლივონიაშ გუბერნია, რუსეთიშ იმპერია | |
| ნაღურა | 18 ღურთუთა, 1956 (81 წანერი) ბურაშევო, კალინინიშ რაიონი, სსრრ | |
| ერუანობა | ესტონარი | |
| ალმასქუ | ჰელმა პეედი | |
| სქუალეფი | 2 | |
| გონათაფა | ტარტუშ უნივერსიტეტი | |
| საქვარუა | იურისტი, ჟურნალისტი, პოლიტიკოსი | |
| ხეშმოჭარუა |  | |
კონსტანტინ პიატსი (ესტ. Konstantin Päts, დ. 23 ფურთუთა [ჯვ.სტ. 11 ფურთუთა], 1874 — ღ. 18 ღურთუთა, 1956) — ესტონარი პოლიტიკოსი დო სახენწჷფო მოღალე, ესტონეთიშ მაართა პრეზიდენტი 1938-1940 წანეფს. პიატსი მერჩქინელი რე დუდიშული ესტონეთიშ ართ-ართი უშანულამაში პოლიტიკური ფიგურათ.
პიატსიქ, 1901 წანას დარსხუ გაზეთი Teataja, ნამუთ პოლიტიკურო მეკვარჩხანე (სოციალ-დემოკრატიული) იდეეფს მეთხოზუდჷ. 1905 წანაშ რუსეთიშ რევოლუციაშ მიმალობას, პიატსის ღურაშ განჩინება გეგშუღეს. თიქ დიო შვეიცარიაშა ინტუ დო უკულ ფინეთშა, სოდეთ თიქ გაგინძორჷ ლიტერატურული დო ჟურნალისტური კარიერა. უკულიანი პერიოდის პიატსიქ ესტონეთიშა დირთჷ, სოდეთ ოჭოფეს დო ჯიხას ქუდახუნეს (1910-1911). 1917 წანაშ ფურთუთაშ რევოლუციაშ უკულ თინა დუდენდჷ ახალდუნარსხუა ესტონეთიშ ავტონომიური გუბერნიას. 1918 წანას პიატსი რდჷ ესტონეთიშ რსხებაშ კომიტეტიშ ართ-ართი მაკათური. ჸათე კომიტეტიქ, 1918 წანაშ 24 ფურთუთას გიშაშქჷ ესტონეთიშ დუდიშულობაშ დეკლარაცია. 1918-1919 წანეფს პიატსი ხემანჯღვერენდჷ ესტონეთიშ ობორჯე თარობას. მაართა მოსოფელიშ ლჷმაშ მიმალობას, გერმანალეფიშით ესტონეთიშ ოკუპაციაშ ბორჯის, 1918 წანას პიატსი ოჭოფეს დო ჯიხას ქუდახუნეს. ჯიხაშე გადუდიშულაფაშ უკულ, ესტონეთიშ ობორჯე თარობას პიატსიქ უკებუდჷ შხვადოშხვა შანულამი პოსტეფი. რდჷ დინახალენი საქვარეფიშ მინისტრი (1918), ოურდუმე მინისტრი (1918-1919). ესტონეთიშ გჷმადუდიშალაფარი ლჷმაშ მიმალობას პიატსი ხემანჯღვერენდჷ ესტონეთიშ ოურდუმე ნძალეფს. ესტონეთიქ წჷმოძინელო დოთხილუ მუში სუვერენიტეტი რსფსრ-შ საოკუპაციო ჯარეფიშე. 1920-1930-იან წანეფს პიატსის ხუთშა უკინებუდჷ ესტონეთიშ სახენწჷფო ურჩინუაშიშ პოსტი. 1938-1940 წანეფს რდჷ ესტონეთიშ პრეზიდენტი. 1940 წანას სხუნუეთიშ ჯარეფქ ესტონეთშა გემშეჭკირეს. პიატსი ოჭოფეს დო სხუნუეთიშა გეგნახორეს.