კოსმოსური აპარატი
კოსმოსური აპარატი (ინგლ. Spacecraft) — მანქანა ვარ და მონწყილობა ნამუთ მეფურინუნს უქიანოშა, ადამიერეფით დო ვარ და ადამიერეფიშ უმუშო. კოსმოსური აპარატეფი გიმირინუაფჷ ტელეკომუნიკაციეფიშო, დიხაუჩაშ ორკვიებელო, მეტეოროლოგიაშო, ნავიგაციაშო, უქიანოშ კოლონიზაციაშო, პლანეტეფიშ დო შხვა ასტრონომიული ობიექტეფიშ დაგურაფალო, ადამიერეფიშ ტრანსპორტირებაშო დო შხვა. კოსმოსური აპარატეფი შილებე რდას პილოტირებული დო უპილოტო. კოსმოსურ აპარატეფს ოსაჭირჷ მონწყილობეფიშ სისტემა, ნამუთ გიშეჸონანს თინეფს უქიანოშა. კოსმოსური აპარატეფიშ შხვადოშხვა ტიპეფი არსებენს. სუბ-ორბიტალური აპარატეფი გიშმურს უქიანოშა, მარა ვეთმეჭოფუნს თიზმა ენერგიას დიხაუჩაშ რსული ორბიტაშა გიშელასი. ორბიტალური აპარატეფი დიხაუჩაშ დო ვარ და შხვა ასტრონომიული ობიექტეფიშ ორბიტაშა გიშმურს. თაშნეშე არსებენს რობოტული კოსმოსური აპარატეფი, ნამუეფი ტელე-რობოტეფიშ კონტროლიშ მექანიზმით იმართუ. რობოტული აპარატეფი დიხაუჩაშა ვერთუ დო თინეფი უმოსო ორბიტას დუთმოსკიდუ. ორბიტას დოსკილადირ რობოტულ აპარატეფს ხელუანური ალმაშარეეფს უძახჷნა.