კოჩერილ რამან ნარაიანანი

	კოჩერილ რამან ნარაიანანი
	; ოფიციალურ პორტრეტი, 1997 წ.
ინდოეთიშ 10-ა პრეზიდენტი
პოსტის გერინაშ ბორჯი
	25 კვირკვე, 1997 – 25 კვირკვე, 2002
ვიცე-პრეზიდენტი	კრიშან კანტი
პრემიერ-მინისტრი	ინდერ კუმარ გუჯრალი, ატალ ბიჰარი ვაჯპაი
წიმოხონი	შანკარ დაიალ შარმა
მონძე	აბდულ ქალამი
ინდოეთიშ ვიცე-პრეზიდენტი
პოსტის გერინაშ ბორჯი
	21 მარაშინათუთა, 1992 – 24 კვირკვე, 1997
პრეზიდენტი	შანკარ დაიალ შარმა
პრემიერ-მინისტრი	პ. ვ. ნარასიმჰა რაო, ატალ ბიჰარი ვაჯპაი, ჰ. დ. დევე გოუდა
წიმოხონი	შანკარ დაიალ შარმა
მონძე	კრიშან კანტი
ნაღურა	9 გერგობათუთა, 2005 (85 წანერი) ; ნიუ-დელი, ინდოეთი
ოგიშაგორაშე ოლქი	ოტაპალამი, კერალა
ღურაშ ბაძაძი	პნევმონია
ნთხორუ აბანი	კარმა ბჰუმი, ნიუ-დელი
მენოღალობა	ინდოეთი
ერუანობა	მალაიალი (დალიტი)
პოლიტიკური პარტია	ინდოეთიშ ერუანული კონგრესი
მუმა	კოჩერილ რამან ვაიდიარი
ნანა	პაპიამა
ალმასქუ	უშა ნარაიანანი (გ. 1951)
სქუალეფი	2 (თინეფს შქას ჩიტრა ნარაიანანი)
გონათაფა	კერალაშ უნივერსიტეტი, ლონდონიშ ეკონომიკაშ სკოლა
ომენცარე ხარისხი	მაგისტრი (M.A.), ბაკალავრი (B.Sc)
პროფესია	დიპლომატი
საქვარუა	პოლიტიკოსი, დიპლომატი
რელიგია	ინდუიზმი
ხეშმოჭარუა
	პირველ დალიტ პრეზიდენტი

კოჩერილ რამან ნარაიანანი (ჰინ. कोच्चेरील रामन नारायणन, მალაიალამი. കോച്ചേരിൽ രാമൻ നാരായണൻ; დ. 27 გჷმათუთა, 1920 – ღ. 9 გერგობათუთა, 2005)^[1]^[2] — ინდოარ დიპლომატი, აკადემიკოს დო სახენწჷფო მოღალე, ნამუსჷთ 1997-2002 წანეფს ინდოეთიშ პრეზიდენტიშ დო 1992-1997 წანეფს ინდოეთიშ ვიცე-პრეზიდენტიშ პოსტ უკებუდჷ.

ნარაიანანქ დებადჷ პერუმთანამს, ოფუტე უჟავურს, ტრავანკორიშ სათაროშ (ამდღარ კოტაიამიშ ოლქი, კერალა) ინდუისტურ ფანიას. ჟურნალისტიკას კუნტა ხანით მუშობაშ დო სტიპენდიაშ მოხვარათ ლონდონიშ ეკონომიკაშ სკოლას გურაფაშ უკული, ნარაიანანქ მუშ კარიერა ინდოეთის, ნერუშ ადმინისტრაციას, ინდოეთიშ დიპლომატიურ ნინალაშ (IFS) მაკათურობათ ქუდუჭყჷ. თინა ჸენჯო ნინალენდჷ ანდა ქიანას, თარო ააშ-ს დო ჩინეთის; ნერუქ თის „ქიანაშ საუჯგუშო დიპლომატი“ გიოდჷ.^[3] თიქ პოლიტიკაშა ინდირა განდიშ მოთხირით მიშართჷ, გეწ-გეწას სუმ ართამ გიშაგორუეფს გიმორძგჷ ლოკ საბჰაშა დო პრემიერ-მინისტრ რაჯივ განდიშ კაბინეტის სახენწჷფო მინისტრო მუშენდჷ. 1992 წანას ვიცე-პრეზიდენტო გიშაგორილქ იჸუ, 1997 წანას — პრეზიდენტო; თინა რდჷ პირველ დალიტი (უკუნჭაფუეფიშ კასტაშე), ნამუქჷთ ჟირხოლო პოსტ დეკინჷნ.

ნარაიანანი მირჩქინუაფუ ზოხორინელ დო კანდ პრეზიდენტო, ნამუქჷთ მუსხირენ პრეცედენტ გაჭყჷ დო პრეზიდენტიშ გაულაშ ფარგანეფ გოუძინჷ. თინა მუშ დუდის ახასიათენდჷ, მუჭოთ „მოხანდე პრეზიდენტის“, ნამუთ მუშენდჷ „კონსტიტუციაშ ოთხოლოგანშე“; თენა რდჷ შქაფონ ვარიანტ „ემაჸონაფალ პრეზიდენტიშ“ (ნამუსჷთ ბონ ნძალა უღჷ) დო „რეზინიშ მარწკინდიშ“ პრეზიდენტიშ შქას, ნამუთ თარობაშ გინოჭყვიდირეფს კითხირიშ დო სხუნუაშ უმუშო ადასურენდჷ. თიქ გიმირინუ მუშ დისკრეციულ ხემანჭუაფეფ დო ანდა სიტუაციას გინურთუ მეღებულ წესეფს დო პრეცედენტეფს, თინეფს შქას: პრემიერ-მინისტრიშ დორინაფა „უმენტაშობაშ უღვენ პარლამენტის“ (hung Parliament); შტატიშ თარობაშ დათხინებაშ შვანს თექ „პრეზიდენტიშ გამაგალაშ“ მიშაღალაშა მინისტრეფიშ კაბინეტიშ გინოჭყვიდირთ; თაშენშე აქტიურ როლ ილაჸაფჷ კარგილიშ კონფლიქტიშ მალობაშის. თინა ხემანჯღვერენდჷ ინდოეთიშ ზოხორინალშ ორქოშ იუბილეს. 1998 წანაშ ართამ გიშაგორუეფს თინა რდჷ პირველ ინდოარ პრეზიდენტი, ნამუქჷთ პოსტის მოღალობაშის ხონარ მეჩჷნ, ნამუშით ხოლო ართ ახალ პრეცედენტ გაჭყჷ. 2025 წანაშ მუნაცემეფით, თინა სქიდუ ეკონია ინდოარო, ნამუქჷთ პრეზიდენტო გიშაგორილქ იჸუ თი ბორჯის, მუჟანსჷთ ვიცე-პრეზიდენტიშ პოსტის იკენდჷნ.

თე სტატია პიჯიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.

სქოლიო

↑ Burns, John F.. “Lowest-Caste Hindu Takes Office as India's President“, The New York Times, 1997-07-26. კითხირიშ თარიღი: 2020-09-09. (en-US)
↑ Kocheril Raman Narayanan | president of India (en). კითხირიშ თარიღი: 2020-09-09.
↑ Manmohan Singh: Condolence message Archived 27 September 2007 ვებ-ხასჷლას Wayback Machine. . Retrieved 24 February 2006.

[1] Burns, John F.. “Lowest-Caste Hindu Takes Office as India's President“, The New York Times, 1997-07-26. კითხირიშ თარიღი: 2020-09-09. (en-US)

[2] Kocheril Raman Narayanan | president of India (en). კითხირიშ თარიღი: 2020-09-09.

[3] Manmohan Singh: Condolence message Archived 27 September 2007 ვებ-ხასჷლას Wayback Machine. . Retrieved 24 February 2006.

[1]

[2]

[3]