ლალ ბაჰადურ შასტრი

ლალ ბაჰადურ შასტრი लालबहादुर शास्त्री
ოფიციალური პორტრეტი, 1966 წ.
ინდოეთიშ პრემიერ-მინისტრი
პოსტის გერინაშ ბორჯი
9 მანგი, 1964 – 11 ღურთუთა, 1966
პრეზიდენტი	სარვეპალი რადჰაკრიშნანი
წიმოხონი	ჯავაჰარლალ ნერუ
მონძე	ინდირა განდი
დუნაბადი	2 გჷმათუთა, 1904 მუგჰალსარაი, ბრიტანეთიშ ინდოეთი
ნაღურა	ღურთუთა 11, 1966 (61 წანერი) ტაშკენტი, უზბეკეთიშ სსრ, სსრრ
ღურაშ ბაძაძი	მიოკარდიუმიშ ინფარქტი
მენოღალობა	ინდოეთი
პოლიტიკური პარტია	ინდოეთიშ ერუანული კონგრესი
ალმასქუ	ლალიტა შასტრი
სქუალეფი	6
საქვარუა	პოლიტიკოსი, სახენწჷფო მოღალე
რელიგია	ინდუიზმი
ჯილდოეფი	ბჰარატ რატნა (1966)

ლალ ბაჰადურ შასტრი (ჰინდი. लालबहादुर शास्त्री; დ. 2 გჷმათუთა, 1904 — ღ. 11 ღურთუთა, 1966), დაბადებაშ ჯოხო ლალ ბაჰადურ სრივასტავა — ინდოარი პოლიტიკოსი დო სახენწჷფო მოღალე, ინდოეთიშ პრემიერ-მინისტრი 1964-1966 წანეფს. შხვადოშხვა ბორჯის უკებუდჷ შხვადოშხვა პოსტეფი: 1952 წანას რდჷ ინდოეთიშ რკინაშარეფიშ მინისტრი, 1961-1963 წანეფს დინახალენი საქვარეფიშ მინისტრი, 1964 წანას გალენური საქვარეფიშ მინისტრი.

შასტრი გურაფულენდჷ ბჟაეიოლი-ცენტრალი რკინაშარაშ კოლეჯის დო უკულ ჰარიშ ჩანდრაშ უმაღალაში სკოლას. ახალნორდობაშე პოლიტიკური ჸარაფის ქაკათჷ. თიში პოლიტიკური არზუანობაშა კაბეტი გოლინა იღვენუ მაჰათმა განდიქ. 1920-იანი წანეფიშე შასტრი აქტიურო მონაწილენდჷ ინდოეთიშ ერუანულ-გჷმადუდიშულაფარი ჸარაფის. შასტრიქ მალას შანულამი პოპულარობა მიპალუ ინდოეთიშ ერუანული კონგრესიშ დინახალე. ინდოეთიშ გადუდიშულაფაშ უკულ, შასტრი ჯავაჰარლალ ნერუშ კაბინეტიშ ართ-ართი ცენტრალური ფიგურა რდჷ.

პრემიერ-მინისტრობაშ ბორჯის შასტრიქ ხუჯი დუკინჷ ჩე რევოლუციას, ნამუშ ღანკი ბჟაშ წარმებაშ გადიდება რდჷ. 1965 წანაშე, შასტრიქ წიმიჭყჷ წვანე რევოლუცია, ნამუშ შედეგო ინდოეთის ქიმიძინჷ ქობალიშ კაკალიშ წარმებაქ, გიშაკერზაფილო პენჯაბიშ, ჰარიანაშ დო უტარ-პრადეშიშ შტატეფს. 1965 წანაშ მარაშინათუთას ქიდიჭყჷ ინდოეთ-პაკისტანიშ მაჟირა ლჷმაქ, ნამუთ 23 ეკენიაშახ იბურჯანდჷ. ლჷმაშ ბაძაძო გინირთჷ პაკისტანიშით დოჭყაფილი ოპერაციაქ "გიბრალტარქ", ნამუშ ღანკი რდჷ არყებაშ გჷმოჭანაფა ქაშმირიშ რეგიონს. ლჷმაქ ოფიციალური ითუ ტაშკენტიშ დეკლარაციათ, 1966 წანაშ 10 ღურთუთას. შასტრიქ ღურუ ართი დღაშ უკულ. ოფიციალური ვერსიათ ღურაშ ბაძაძი რდჷ მიოკარდიუმიშ ინფარქტი.

ქოძირით თაშნეშე

• ინდოეთიშ პრემიერ-მინისტრი

რესურსეფი ინტერნეტის

• ენციკლოპედია ბრიტანიკა