ლედი გაგა
| ლედი გაგა | |
|---|---|
 | |
| ბიოგრაფია | |
| თახმი ჯოხო | სტეფანი ჯოან ენჯელინა ჯერმანოტა |
| დებადჷ | 28 მელახი, 1986 ასაკი (33) |
| ბადებაშ აბანი |  ნიუ იორკი, ააშ |
| ჟანრი/ეფი | პოპი, ოსხაპური მუსიკა, ელექტრონიკა |
| საქვარუა/ეფი | მობირე, მუსიკოსი, სიმღერების ავტორი |
| ინსტრუმენტი/ეფი | ვოკალი, ფორტეპიანო, სინთეზატორი |
| აქტიური | 2006 - ამდღარშახ |
| ლეიბლი/ეფი | Interscope, Streamline, Kon Live, Cherrytree, Def Jam |
| ვებხასჷლა | www.ladygaga.com Archived 2011-12-15 ვებ-ხასჷლას Wayback Machine.  |
ლედი გაგა (თახმი ჯოხო - სტეფანი ჯოან ენჯელინა ჯერმანოტა, დ. 1986 წანაშ 28 მელახი) — ამერიკალი მასრულებერი. მუშ კარიერაქ დიჭყჷ ნიუ-იორკიშ როკ-ანდერგრაუნდის. ლეიბლიწკჷმა Streamline Records კონტრაქტით (2007 წანას) დიჭყჷ მუშ მუსიკალურ კარიერაქ დიდ სცენას. დუდშე თინა ჭარჷნდჷ ობირეშეფს შხვა მობირეეფშო, მარა რეპერი ეიკონიშ მოხვარათ დო ინიციატივათ, ლედი გაგაქ გინორთჷ თიშ ლეიბლიშა Kon Live Distribution.
ბიოგრაფია
[რედაქტირაფა | წყუშ რედაქტირაფა]ამერიკალი მობირე, მასხაპალი, ობირეშეფიშ ავტორი დო დიჯეი ლედი გაგა, ანუ სტეფანი ჯოანა ანჯელინა ჯერმანოტაქ 1986 წანაშ 28 მელახის მანჰეტენს ქჷდებადჷ.
მუსიკათ ბაღანობაშე ქჷდეინტერეს. 4 წანაშო ზოროხინელო მიოგანდჷ ფორტეპიანოს. დო მალას, ბაღანაშ მაგნიტოფონშა მაიკლ ჯექსონიშ დო სინდი ლაუპერიშ ობირეშეფს ენიჭარანდჷ.
სტეფანი მანჰეტენიშ სკოლას „Convent Of The Sacred Heart“, დალეფი - ჰილტონ დო ქეროლაინ კენედეფწკუმა ართო გურაფულენდუ. მორჩილ განათლებაშ მეღებაშ უკული, გურაფა ოხანტუე სკოლას „Tisch School of the Arts“ გაგინძორუ. 14 წანაშო თინა ნიუ-იორკიშ კლუბის „Bitter End“ დო სკოლაშ თეატრიშ სცენას „Regis High School Repertory“, ანსამბლის - „Regis Jazz Band“ იბირდჷ.
2006 წანას, სტეფანი მუსიკალურ პროდიუსერი, რობ ფუზარისწკუმა იჭყანს მუშობას, ნამუწკუმათ მუდგაზმარენი პოპულარული ობირეში - „Beautiful, Dirty, Rich“, „Dirty Ice Cream“, „Disco Heaven“ დინაჭარუ. წორეთ თე ჟამს, თინა მაართათ ირინუანს ფსევდონიმს „ლედი გაგა“-ს (ბუნა „Queen“_იშ ობირეშეფიშე „Radio Ga Ga“).
მაართა კონტრაქტი ლედიქ „Def Jam“-წკჷმა გაფორმუ დო 2008 წანას, კონტრაქტის ლეიბლიწკჷმა „Interscope Records“, ობირეშეფიშ ავტორიშ სტატუსით აფორმენს. ლედი გაგა-შ მასალას თიცალი მასრულებერეფი ირინუანდეს, მუჭომეფით რენა: „Fergie“, „Pussycat Dolls“, ბრიტნი სპირსი და „New Kids on the Block“.
სტეფანიშ ვოკალური დო თეატრალურ შელებეფიშა დიდი გოლინა რეპერი ეიკონქ მახვამილუ. 2008 წანას სტეფანი ლოს-ანჯელესშა , ოდებიუტე ალბომეფიშო „The Fame“ იჭყანს მუშობას, ნამუქუთ კანადას, ავსტრალიას დო მუზმარენი ევროპული ქიანეფს არგუსოს გამშართჷ.
2009 წანაშ 18 ფურთუთას, გაგაქ ბრენდონ ფლაუერსწკჷმა („Killers“ დო „Pet Shop Boys“) ართო, „Brit Awards“-შ დაჯილდოებაშ ცერემონიალს გჷშართჷ. სტეფანიშ მაართა ტურნექ 2009 წანაშ 12 მელახის ქჷდიჭყჷ დო კრიტიკოსეფიშ დიდი გჷმოხონარაფა გჷშეჭანუ.
დისკოგრაფია
[რედაქტირაფა | წყუშ რედაქტირაფა]
- The Fame (2008)
- The Fame Monster (2009)
- Born This Way (2011)
- Artpop (2013)
- Joanne (2016)
- Chromatica (2020)
- Harlequin (2024)
ოკონცერტე ტურეფი
[რედაქტირაფა | წყუშ რედაქტირაფა]- The Fame Ball Tour (2009)
- Fame Kills: Starring Kanye West and Lady Gaga (2009–10) (გეუქვუ)
- The Monster Ball Tour (2009–2011)
რცხუეფი
[რედაქტირაფა | წყუშ რედაქტირაფა]- ოფიციალური ვებ-ხასჷლა
- ქორთული ფან-კლუბი Archived 2011-11-19 ვებ-ხასჷლას Wayback Machine.