ლევ კამენევი
ლევ კამენევი Лев Каменев | ||
![]() ლევ კამენევი 1920-იან წანეფს | ||
სსრრ-შ ოკათე კომისარეფიშ სხუნუშ დუდმახვენჯიშ გამაკოჩი | ||
---|---|---|
პოსტის გერინაშ ბორჯი | ||
6 კვირკვე, 1923 – 16 ღურთუთა, 1926 | ||
სრკპ ცკ-შ ლენინიშ ინსტიტუტიშ დირექტორი | ||
პოსტის გერინაშ ბორჯი | ||
31 მელახი, 1923 – 1926 | ||
წიმოხონი | პოსტიქ გიჭყჷ | |
მონძე | ივანე სკვორცოვ-სტეფანოვი | |
პოსტის გერინაშ ბორჯი | ||
9 გერგობათუთა, 1917 – 21 გერგობათუთა, 1917 | ||
წიმოხონი | ნიკოლოზ ჩხეიძე | |
მონძე | იაკობ სვერდლოვი | |
მა-8, მა-9, მა-10, მა-11, მა-12, მა-13 პოლიტბიუროშ რსული მაკათური | ||
პოსტის გერინაშ ბორჯი | ||
8 მელახი, 1919 – 1 ღურთუთა, 1926 | ||
პოსტის გერინაშ ბორჯი | ||
10 გჷმათუთა, 1917 – 29 გერგობათუთა, 1917 | ||
მა-6, მა-7, მა-8, მა-9, მა-10, მა-11, მა-12, მა-13, მა-14 ცენტრალური კომიტეტიშ რსული მაკათური | ||
პოსტის გერინაშ ბორჯი | ||
17 ღურთუთა, 1912 – 14 გერგობათუთა, 1927 | ||
დუნაბადი | 18 კვირკვე [ჯვ.სტ. 6 კვირკვე], 1883 მოსკოვი, რუსეთიშ იმპერია | |
ნაღურა | 25 მარაშინათუთა, 1936 (54 წანერი) მოსკოვი, რუსეთიშ სფსრ, სსრრ | |
ღურაშ ბაძაძი | რხუალა | |
მენოღალობა | ![]() | |
პოლიტიკური პარტია | რსდმპ (1901-1903) რსდმპ (ბოლშევიკეფი) (1903-1918) რუსეთიშ კომუნისტური პარტია (ბოლშევიკეფი) (1918–1927, 1928–1932, 1933–1934) | |
ალმასქუ | 1. ოლგა კამენევა 2. ტატიანა გლებოვა | |
სქუალეფი | 3 | |
გონათაფა | მოსკოვიშ სახენწჷფო უნივერსიტეტი |
ლევ ბორისიშ სქი კამენევი (რუს. Лев Бори́сович Ка́менев, დაბადებაშ გვარი როზენფელდი, დ. 18 კვირკვე [ჯვ.სტ. 6 კვირკვე], 1883 — ღ. 25 მარაშინათუთა, 1936) — სხუნუეთიშ პოლიტიკური დო სახენწჷფო მოღალე, რევოლუციონერი, ჯვეში ბოლშევიკი. კამენევქ 1901 წანას ქაკათჷ რუსეთიშ სოციალ-დემოკრატიული მუშეფიშ პარტიას (რსდმპ). პარტიაშ გორთუალაშ უკულ, ბოლშევიკეფს ქალუდირთჷ დო ხუჯი ვლადიმერ ლენინს დუკინჷ. პოლიტიკური აქტივიზმიშ გეშა კამენევი ბრელშა რდჷ ჭოფილი. მონაწილენდჷ 1905 წანაშ რუსეთიშ რევოლუციას, ნამუქჷთ დემარცხჷ. უკულ, კამენევი ურცხოეთის ცხოვრენდჷ. 1914 წანას რუსეთიშა დირთჷ, მარა მალას ოჭოფეს დო ცჷნდჷრშა გეგნახორეს.
ფურთუთაშ რევოლუციაშ უკულ აქტიურო ქაკათჷ პოლიტიკური საქვარეფს. კამენევი, გრიგორი ზინოვიევიწკჷმა ართო ოპონირენდჷ ლენინიშ პირელიშ თეზისეფს დო ხეშულობაშ ხეშა ეშაჸოთამას ნძალაშ გიმორინაფათ. გჷმათუთაშ რევოლუციაშ გომორძგუაშ უკულ, 1919 წანას კამენევქ გიშაგორილქ იჸუ პოლიტბიუროშ რსული მაკათურო. ლენინიშ რინაშ ეკონია წანეფს, კამენევქ, ზინოვიევიწკჷმა დო იოსებ სტალინიწკჷმა ართო აკოქიმინჷ მამართალი ტრიუმვირატი. ხეშულობაშო ლჷმაშ მიმალობას, ტრიუმვირატიქ დამარცხჷ ლევ ტროცკი. უკულ სტალინქ ქიდიჭყჷ მოქმენდალა კამენევიშ მეხჷ. კამენევქ ნძალეფი აკაართიანჷ ზინოვიევიწკჷმა დო ტროცკიწკჷმა. 1926 წანას კამენევს დაკინებული პოსტეფი ქუდატებაფეს დო პარტიაშე ხოლო გეგშაჸათეს. ართი წანაშ უკულ კამენევი კინ მიღეს პარტიაშა. 1932 წანას ზინოვიევი დო კამენევი პარტიაშე კინ გეგშაჸათეს მარა ართი წანაშ უკულ კინ დართინეს.
1934 წანაშ 1 ქირსეთუთას დოჸვილეს სერგეი კიროვი. ჸათე ფაქტი სტალინქ ოპონენტეფიშ პოლიტიკური რეპრესიეფიშ სამანჯელო გეგმირინუ. მალას კამენევი ოჭოფეს, კიროვიშ ჸვილუა ქეკადვეს დო ქიმუსაჯეს ვითი წანათ ჯიხას დოხუნა. 1936 წანაშ მარაშინათუთას მოსკოვიშ სასამართალოქ კამენევი ზინოვიევიწკჷმა ართო გასამართჷ. კამენევს დო ზინოვიევს გითოჩამა ქეკადვეს დო გორხვეს 1936 წანაშ 25 მარაშინათუთას.