ლი სინ მანი
| ლი სინ მანი | ||
 ოფიციალური პორტრეტი, 1948 წ. | ||
| ობჟათე კორეაშ მა-1 პრეზიდენტი | ||
|---|---|---|
| პოსტის გერინაშ ბორჯი | ||
| 24 კვირკვე, 1948 – 27 პირელი, 1960 | ||
| წიმოხონი | პოსტიქ გიჭყჷ | |
| მონძე | იუნ ბო სონი | |
ერუანული ასამბლეაშ მა-1 სპიკერი | ||
| პოსტის გერინაშ ბორჯი | ||
| 31 მესი, 1948 – 24 კვირკვე, 1948 | ||
| წიმოხონი | პოსტიქ გიჭყჷ | |
| მონძე | სინ იკ ჰი | |
კორეაშ ობორჯე თარობაშ სახენწჷფო სხუნუშ დუდმახვენჯი | ||
| პოსტის გერინაშ ბორჯი | ||
| 3 მელახი, 1947 – 15 მარაშინათუთა, 1948 | ||
| წიმოხონი | კიმ გუ | |
| მონძე | პოსტიქ გეუქვჷ | |
კორეაშ ოკათე რესპუბლიკაშ პრეზიდენტი | ||
| პოსტის გერინაშ ბორჯი | ||
| 6 ეკენია, 1945 – 19 ფურთუთა, 1946 | ||
| წიმოხონი | პოსტიქ გიჭყჷ | |
| მონძე | პოსტიქ გეუქვჷ | |
კორეაშ ობორჯე თარობაშ პრეზიდენტი | ||
| პოსტის გერინაშ ბორჯი | ||
| 11 ეკენია, 1919 – 23 მელახი, 1925 | ||
| წიმოხონი | პოსტიქ გიჭყჷ | |
| მონძე | პაკ ინ სიკი | |
| დუნაბადი | 26 მელახი, 1875 ხვანხედო, ჩოსონი | |
| ნაღურა | 19 კვირკვე, 1967 (90 წანერი) ჰონოლულუ, ააშ | |
| ნთხორუ აბანი | სეულიშ ერუანული სასაფლა | |
| მენოღალობა |  ობჟათე კორეა | |
| პოლიტიკური პარტია | ლიბერალური პარტია | |
| ალმასქუ | ფრანცისკა დონერი | |
| გონათაფა | ჯორჯ ვაშინგტონიშ უნივერსიტეტი ჰარვარდიშ უნივერსიტეტი პრინსტონიშ უნივერსიტეტი | |
| ხეშმოჭარუა |  | |
ლი სინ მანი (კორ. 이승만, ჰან. 李承晚, დ. 26 მელახი, 1875 — ღ. 19 კვირკვე, 1965) — ობჟათე კორეალი პოლიტიკოსი, ობჟათე კორეაშ მა-1 პრეზიდენტი 1948-1960 წანეფს. თაშნეშე, ლი სინ მანი რდჷ კორეაშ ობორჯე თარობაშ მაართა დო ეკონია პრეზიდენტი 1919-1925 წანეფს.
ბიოგრაფია
[რედაქტირაფა | წყუშ რედაქტირაფა]დებადჷ 1875 წანაშ 26 მელახის, ხვანხედოშ პროვინციას. გურაფულენდჷ ამერიკული მეთოდისტური სკოლას, სოდეთ ქირსიანობა მიღჷ. ახალნორდობაშე აქტიურო ოკათუდჷ ჸარაფის კორეაშ დუდიშულობაშო. ჸათე აქტივიზმიშ გეშათ თინა ოჭოფეს 1899 წანას დო ჯიხას ქუდახუნეს. ჯიხაშე 1904 წანას გითილჷ დო ემიგრაციაშა ამერიკაშა მიდართჷ. ამერიკას ლი სინ მანი გურაფულენდჷ პრესტიჟული ამერიკული უნივერსიტეტეფს. 1910 წანას კორეაშა დირთჷ. 1913 წანაშე ჰავაის ცხოვრენდჷ. 1919 წანას, ქაკათჷ კორეაშ ობორჯე თარობას, ნამუქჷთ 1919 წანას შანხაის დირსხუ. 1918-1925 წანეფს ნინალენდჷ თე თარობაშ პრეზიდენტო. 1925 წანას ლი სინ მანის იმპიჩმენტი მუნწყის დო გეგნარინეს. უკულ, თიქ კინ ამერიკაშა მიდართჷ, სოდეთ თინა აქტიურო მოღალენდჷ კორეაშ ზოხორინელობაშო. 1945 წანას, ამერიკალეფქ ლი სინ მანი გეგნიჸონეს მუნეფიშ კონტროლირებად კორეაშა, სოდეთ თინა, 1948 წანაშ 20 კვირკვეს, კორეაშ ერუანული ასამბლეაქ გეგშაგორჷ კორეაშ რესპუბლიკაშ მაართა პრეზიდენტო.
ლი სინ მანიშ მართუალა იხასიათებუდჷ ანტი-კომუნისტური დო პრო-ამერიკული პოლიტიკათ, თაშნეშე ავტორიტარიზმით დო პოლიტიკური ვასტაბილურობათ. ქიანას სერიოზული ეკონომიკური პრობლემეფი უღუდჷ. თიშ მართუალაშ ბორჯის, ოორუე კორეაქ ქიგიანთხჷ ობჟათე კორეას. ლჷმა 1950-1953 წანეფიშ გოძვენას იგინძარებუდჷ. ლი სინ მანიქ ხე ვამაჭარჷ ოთინჩალე ხეკულუას, მუშენდა თინა კორეაშ ჩქონიშ ნძალაშ გჷმორინაფათ გოართოიანაფაშ მოხუჯე რდჷ. ლჷმაშ თებაშ უკულ, ობჟათე კორეა შანულამი პრობლემეფიშ წოხოლო გერდჷ. ეკონომიკურო ობჟათე კორეა ოორუეს ეკმასკიდუდჷ. 1956 წანას, ლი სინ მანიქ კინ ახალშო იჸუ გიშაგორილქ პრეზიდენტო. 1960 წანაშ მელახის, ხოლო ართიშა იჸუ გიშაგორილქ პრეზიდენტო. ოპოზიციური პარტიეფქ ვეჩინეს ლეგიტიმურო გიშაგორუეფი. მალას სტუდენტფქ დიჭყეს მასობური საპროტესტო დემონსტრაციეფი. პირელიშ რევოლუციაშ შედეგო, 1960 წანაშ 26 პირელს, ლი სინ მანიქ პოსტიშე გეგნოდირთჷ. ლი სინ მანიქ, 29 მესის, ჰავაიშა მიდართჷ, სოდეთ ღურაშახ ცხოვრენდჷ.
ქოძირით თაშნეშე
[რედაქტირაფა | წყუშ რედაქტირაფა]ლიტერატურა
[რედაქტირაფა | წყუშ რედაქტირაფა]- Fields, David. Foreign Friends: Syngman Rhee, American Exceptionalism, and the Division of Korea. University Press of Kentucky, 2019.
- Lew, Yong Ick. The Making of the First Korean President: Syngman Rhee's Quest for Independence. University of Hawai'i Press; 2013.