ლუკრეციუსი
| ლუკრეციუსი Lucretius | |
 | |
| დაბადებაშ თარიღი: |
დოხ. ჯვ. წ. 99 |
|---|---|
| ღურაშ თარიღი: |
დოხ. ჯვ. წ. 55 (44 წანერი) |
| ერუანობა: | |
| საქვარუა: |
პოეტი, ჭარუ, ფილოსოფოსი |
| Magnum opus: |
De rerum natura |
| ნინა: | |
ტიტუს ლუკრეციუს კარუსი (ლათ. Titus Lucretius Carus, დ. დოხოლაფირო ჯვ. წ. 99 — ღ. დოხოლაფირო ჯვ. წ. 55) — რომალი პოეტი, ჭარუ დო ფილოსოფოსი, შინელი რე დიდაქტიკური ნახანდით De rerum natura (საგანეფიშ ორთა), ნამუთ ორხველჷ ეპიკურეიზმიშ ფილოსოფიური მიმალობას. ლუკრეციუსიშ ჸათე ნახანდიქ შანულამი გოლინა იღვენუ უკულიანი პერიოდიშ პოეტეფიშა, გიშაკერზაფილო ვირგილიუსიშა დო ჰორაციუსიშა. ლუკრეციუსიშ ნაწარმები საგანეფიშ ორთა დინაფილო რდჷ მერჩქინელი შქა ოშწანურეფიშ ბორჯის, მარა თის ქიმიოგორეს გერმანიაშ ართ-ართი მონასტერს 1417 წანას. ლუკრეციუსიშ ბიოგრაფიაშე ბრელ მუთუნი ვარე რქინელი.
ლუკრეციუსიშ ნახანდიშ საგანეფიშ ორთა-შ თარი თემა ეპიკურეიზმი რე დო თექ მოჩამილი რე იდეეფი, ნამუეფით ორხველჷ ატომიზმიშ დო კოსმოლოგიაშ ოკითხეფს. საგანეფიშ ორთა წჷმარინუანს ლერსის ნამუთ ირთუ ამშვი ნორთო. ნახანდის ეჭარილიე ატომიზმიშ პრინციპეფი, გაღაშ დო შურიშ ორთა, შხვადოშხვა ორთაშობური ფენომენეფი. ლუკრეციუსიშ აზრით ოქიანუ იმართუ ორთაშობური პრინციპეფით დო ვართ ღორონთიშით.