მანდალაი

მანდალაი
	მანდალაიშ დოხორემანდალაიშ დოხორე
	შილა
ქიანა	მიანმარი
სტატუსი	ადმინისტრაციულ ცენტრი
რეგიონი	მანდალაი
კოორდ.	21°58′59″ ოორ. გ. 96°05′04″ ელ. გ. /
მერი	უ ხინ მაუნგ აი
დირსხუ	1857
ფართობი	163.84 კმ²
ცენტრიშ სიმაღალა	22 მ
მახორობა	1 726 889 კოჩი (2014)
ერუანული; აკოდგინალუა	ბირმალეფი, ბირმალ ჩინარეფი, შანეფი
ორწუმობური; აკოდგინალუა	თერავადულ ბუდიზმი, ქირსიანობა, ინდუიზმი, ისლამი
ბორჯიშ ორტყაფუ	UTC+06:30
ტელ. კოდი	02
ოავტომობილე კოდი	MDY
	მანდალაი

მანდალაი (ბირმ. မန္တလေးမြို့) — მიანმარიშ სიკაბეტაშ მეჯინათ მაჟირა ნოღა იანგონიშ უკული. ნოღა იდვალუაფჷ წყარმალუ ირავადიშ ბჟაეიოლ წყარპიჯის, იანგონიშ ოორუეშე 631 კილომეტრიშ (392 მილი) მეძენას. 2014 წანაშ მუნაჩემეფით, ნოღაშ მახორობა 1 225 553 ადამიერს აკმადგინანდჷ.

მანდალაი 1857 წანას დარსხჷ მაფა მინდონქ დო ნოღა ამარაპურა გოთირუ კონბაუნგიშ დინასტიაშ ომაფეშ ახალ ნანანოღათ. თენა რდჷ ბირმაშ ეკონია ომაფე ნანანოღა ომაფეშ ბრიტანეთიშ იმპერიაშიტ ანექსიაშახ 1885 წანას. ბრიტანულ გამაგალაშ ბორჯის მანდალაიქ ქეისქილიდჷ მუშ კომერციულ დ კულტურულ შანულობა, თიშ უმკუჯინალო, ნამჷ-დამ ბრიტანულ ბირმაშ ახალ ნანანოღათ იანგონქ გჷნირთჷნ. ნოღას ქვერსემ გავალ მიუორინჷ მაჟირა მოსოფელიშ ლჷმაქ, იაპონურ ოკუპაციაშ შედეგო. 1948 წანას მანდალაიქ ზოხორინალა ახალმუნაპალა ბირმაშ რსხუშ ნორთო გჷნირთუ.

ასე, მანდალაი რე ჟიმოლენ მიანმარიშ ეკონომიკურ ცენტრ დო მერჩქინელ რე ბირმულ კულტურაშ ცენტრო. XX ოშწანურაშ დალიაშე მოჸუნაფილი,თარო იუნანშე მოულირ ვალეგალ ჩინარ იმიგრანტეფიშ უმუხარცქუ მიშულეფქ ნოღაშ ეთნიკურ აკოდგინალუა დოთირჷ დო ჩინეთწკჷმა ვაჭრუას მოუძინჷ. ნაიფიიდოშ წუმოძინაშ უმკუჯინალო, მანდალაი სქიდუ ჟიმოლენ მიანმარიშ თარ კომერციული, ოგანათუე დო ოსაქვარე ცენტრო.