დინორეშა გინულა

მანუელ ავილა კამაჩო

ვიკიპედიაშე
მანუელ ავილა კამაჩო
Manuel Ávila Camacho
მანუელ ავილა კამაჩო Manuel Ávila Camacho
მექსიკაშ პრეზიდენტი
პოსტის გერინაშ ბორჯი
1 ქირსეთუთა, 1940 – 30 გერგობათუთა, 1946
წიმოხონილასარო კარდენასი
მონძემიგელ ალემან ვალდესი

დუნაბადი24 პირელი, 1897
ტესიუტლანი, პუებლა, მექსიკა
ნაღურაგჷმათუთა 13, 1955 (58 წანერი)
უისკილუკანი, მეხიკო, მექსიკა
ნთხორუ აბანიფრანსესიშ პანთეონი
მენოღალობამექსიკაშ შილა მექსიკა
ერუანობამექსიკარი
პოლიტიკური პარტიაინსტიტუციურ-რევოლუციური პარტია
მუმამანუელ ავილა კასტილიო
ნანაეუფროსინა კამაჩო ბელიო
ალმასქუსოლედად ოროსკო
საქვარუაოურდუმე მოღალე, პოლიტიკოსი
რელიგიაკათოლიციზმი

მანუელ ავილა კამაჩო (ესპ. Manuel Ávila Camacho, დ. 24 პირელი, 1897 — ღ. 13 გჷმათუთა, 1955) — მექსიკარი პოლიტიკოსი დო ოურდუმე მოღალე, მექსიკაშ პრეზიდენტი 1940-1946 წანეფს. მონაწილენდჷ მექსიკაშ რევოლუციას. სარგებლენდჷ ლასარო კარდენასიშ პროტექციათ დო თიში პრეტენდენტობაშ ბორჯის უკებუდჷ მექსიკაშ ერუანული დუდთხილუაშ მელამოსეშ პოსტი 1936-1939 წანეფს. 1939 წანას კამაჩო ოთარობე პარტიაქ ქჷმწარინუ პრეზიდენტობაშ კანდიდატო. 1940 წანაშ გიშაგორუეფს კამაჩოქ გემორძგუ დო მექსიკაშ, რანწკით 52-ა პრეზიდენტო გინირთჷ.

კამაჩოშ მართუალაშ ბორჯის არდგილი უღუდჷ შანულამი რეფორმეფს. გეთუ ანტი-რელიგიური პოლიტიკაქ, გეგინძორჷ დიხაშ რეფორმაქ, დიჭყჷ ინდუსტრიალიზაციაქ. კამაჩოშ ადმინისტრაციაქ გაუჯგუშჷ ურთიართალა ამერიკაწკჷმა. მაჟირა მოსოფელიშ ლჷმაშ მიმალობას, მექსიკაქ ლჷმა გეგმუცხადჷ ღერზიშ ქიანეფს დო ამერიკაშ მახვარებელო 300 ჯარიშკოჩი ქაჯღონჷ ლჷმაშ რჩქანი ოკიანეშ თეატრიშა, იაპონარეფიშ სააწმარენჯოთ. მექსიკაშ ინდუსტრია ამერეკას ამარაგენდჷ ნედლეულით. 1942 წანას, დიჭყჷ ბრასეროშ პროგრამაქ, ნამუთ ამერიკაშ თარობაშ დაფინანსებული პროგრამა რდჷ, დო ნამუშ მეშქაშობათ ამერიკას მექსიკაშე მეჸუნდჷ მუშეფი, ნამუეფსჷთ ამერიკა ირინუანდჷ ოფუტეშ მეურნობაშ დო რკინაშარაშ ტრანსპორტიშ სექტორეფს. ამერიკაშ მოხ, კამაჩოშ ადმინისტრაციაქ გაუჯგუშჷ ურთიართალა გოართოიანაფილი ომაფეწკჷმა დო სხუნუეთიწკჷმა. საპრეზიდენტო ვადაშ თებაშ უკულ, კამაჩოქ პოლიტიკაშე მიდართჷ.