მარგალური ფოლკლორი

ვიკიპედიაშე

მარგალური ფოლკლორიმარგალური ოკათე მუსიკა მიარეხონარამი რე, თიში ზიტყვეფი მარგალურ ნინაშა იბირუაფუ. მარგალურ ბირეფს მელანქოლიური ტემპი დო სერდა ახასიათენს; მარგალეფს მიოჩქჷნა, ნამჷ-და თინეფიშ მუსიკა ირო ლჷმეფით შხაფათელი დო გოღარტაკელი სამარგალოშ ტრაგიკულ ისტორიას ოძირანს. მარგალური რომანტიკული ბირეფი შხირას ჩონგურიშ (ჯაშ ოთხსიმამი ობირაშე მიოგამალი) აკომპანიმენტით ირსულებუ. არძაშე ჩინებული მარგალური ოკათე ბირეფი რე დოუ ნანა ანუ „მარგალური ბრუია“ („მარგალური ნანა“). კანკალე მარკვიალი ფირქენს, ნამჷ-და ლამოსი ზიტყვეფი „ნანა ნანინა“, ნამუეფჷთ ბირაშ ტექსტის რეფრენო გოჸუნსჷნ, წჷმიქიარსიანული ხანიშ ზარხულიშ ოსურღორონთიშ ჯოხოს წჷმარინუანს. „მარგალური ბრუიაშ“ ართ–ართი ჰანგი რუს კომპოზიტორქ, პეტრე ჩაიკოვსკიქ მუშ ჩინებულ ოქირსე ბალეტის – „მუხვატელა“ – გჷმირინუ. ხოლო ართი ჩინებული მარგალური ბირა -„დადიანიშ დოუ“ დადიანეფიშ სარჯულოს ენძღვიებუ.


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.