მარკუს პორციუს კატონი (უნჩაში)
| მარკუს პორციუს კატონი | |
| ლათ. Marcus Porcius Cato | |
 კატონიშ ბიუსტი | |
| მოღალობა |
ოურდუმე მოღალე, პოლიტიკოსი, ისტორიკოსი |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი |
ჯვ. წ. 149 (85 წანერი) |
| ღურაშ აბანი |
რომი, რომიშ რესპუბლიკა |
| მენოღალობა | |
| ერუანობა |
რომალი |
| ალმასქუ |
1. ლიცინია |
| სქუალეფი |
2 |
მარკუს პორციუს კატონი (ლათ. Marcus Porcius Cato; დ. ჯვ. წ. 234 — ღ. ჯვ. წ. 149) — რომალი ოურდუმე მოღალე, პოლიტიკოსი, სენატორი, ორატორი, ისტორიკოსი. შინელი რდჷ კონსერვატორული იდეეფით დო ოპონირენდჷ ელინიზაციას. რდჷ მაართა ადამიერი ნამუქჷთ ჭარჷ ისტორიული ხასიათიშ ნახანდეფი ლათინურ ნინაშა. კატონიშ ნახანდი "Origines" ორხველუდჷ რომიშ დო იტალიაშ ისტორიას. ჸათე ნახანდი დინაფილი რე დო ჩქინი ბორჯიშა ვამუჭირინუაფჷ. მაჟირა ნახანდი "De agri cultura" ორხველჷ რომიშ ოფუტეშ მეურნობას.
დებადჷ პლებეეფიშ ფანიას. ლუციუს ვალერიუს ფლაკუსიშ პატრონაჟით დიჭყჷ პოლიტიკური კარიერა. შხვადოშხვა ბორჯის მოღალენდჷ ოურდუმე ტრიბუნო (ჯვ. წ. 214), კვესტორო (ჯვ. წ. 204), ედილო (ჯვ. წ. 199), პრეტორო (ჯვ. წ. 198), კონსულო (ჯვ. წ. 195), ცენზორო (ჯვ. წ. 184). პრეტორიშ პოსტის გერინაშ ბორჯის ოლიმუდჷ მევახშეეფს დო თინეფი სარდინიაშე გეგშარაჸუ. ცენზორიშ პოსტი უკებუდუნჷ თი ბორჯის, თხილანდჷ რომიშ ჯვეში ტრადიციეფს, რჯებეფს დო ოლიმუდჷ ელინისტური გოლინას. კატონი რდჷ კონწარი დო უბადო ნტერი მაჟირა პუნიკური ლჷმაშ გერგეზიშ სციპიონ აფრიკალიშ, ნამუთ ბერძენული ნინაშ დო კულტურაშ მოჸოროფე რდჷ.
ჯვ. წ. 153 წანას, კატონქ მიდართჷ კართაგენშა, მუჭოთ რომიშ ოფიციალური წჷმმარინაფალქ. ჸათაქ თიქ მუში თოლით ქოძირით ნოღა კართაგენიშ სიდინდარე დო გრანდიოზულობა, ნამუთ თიქ რომიშ ინტერესეფიშო საფრთხეთ მირჩქინჷ. რომიშა დორთაშ უკულ, რომიშ სენატიშ გიშულაშ ბორჯის, მუში ზიტყვას ჸათე ფრაზათ ათენდჷ: "კართაგენქ ოკო მიჯალაგუას". კატონი რდჷ კართაგენიშ მეხჷ ლჷმაშ გოახალაფაშ მოხუჯე. თიქ მასუმა პუნიკური ლჷმაშ დოჭყაფას ქუმაჭიშუ. ღურუ ჯვ. წ. 149 წანას, 85 წანერქ.