მასუდ ფეზეშქიანი

მასუდ ფეზეშქიანი
ფეზეშქიანი 2025 წანას
ირანიშ მა-9 პრეზიდენტი
თეჟამიანი პოსტი
დეკინჷ	28 კვირკვე, 2024
ვიცე-პრეზიდენტი	მოჰამედ რეზა არეფი
დუდმახვენჯი	ალი ხამენეი (2026-შახ) მოჯთაბა ხამენეი (2026-შე)
წიმოხონი	იბრაჰიმ რაისი
ირანიშ ობორჯე მადუდეეფიშ სხუნუაშ მაკათური
პოსტის გერინაშ ბორჯი
1 მელახი, 2026 – 8 მელახი, 2026
წიმოხონი	ალი ხამენეი (მუჭოთ უჟინაშ ლიდერი)
მონძე	მოჯთაბა ხამენეი (მუჭოთ უჟინაშ ლიდერი)
ირანიშ ჭყანთხილუაშ დო სამედიცინო გონათუაშ მინისტრი
პოსტის გერინაშ ბორჯი
22 მარაშინათუთა, 2001 – 24 მარაშინათუთა, 2005
პრეზიდენტი	მოჰამედ ხათამი
წიმოხონი	მოჰამედ ფარჰადი
მონძე	კამრან ბაღერი ლანქარანი
დუნაბადი	29 ეკენია, 1954 (1954-09-29) მაჰაბადი, ირანი
ოგიშაგორაშე ოლქი	თებრიზი, ოსკუ დო აზარშაჰრი
მენოღალობა	ირანი
ერუანობა	აზერბაიჯანალი / ქურთი
პოლიტიკური პარტია	დუდიშული
ალმასქუ	ფატემე მაჯიდი (ღ. 1994)
სქუალეფი	4
გონათაფა	თებრიზიშ სამედიცინო მენცარობეფიშ უნივერსიტეტი ირანიშ სამედიცინო მენცარობეფიშ უნივერსიტეტი
პროფესია	კარდიოქირურგი
საქვარუა	პოლიტიკოსი, ექიმი
რელიგია	შიიტ მუსლიმი
ხეშმოჭარუა
ვებ-საიტი	www.drpezeshkian.ir
ელურე რეფორმისტეფს

მასუდ ფეზეშქიანი (სპარს. مسعود پزشکیان; აზერ. مسعۇد پزکییان; ქურთ. مەسعود بێزیکیان; დ. 29 ეკენია, 1954) — ირანალ პოლიტიკოს დო ჸოფირ კარდიოქირურგი, ნამუთ 2024 წანაშე ირანიშ მაჩხორა პრეზიდენტიშ პოსტის იკნენს. რეფორმისტულ ფრაქციაშ მაკათური, თინა არძაშე ხანერ პიჯ რე, ნამუსჷთ თე პოსტ უკებჷნ — პრეზიდენტო 69 წანერო გინირთჷ.

მაჰაბადის (ბჟადალ აზერბაიჯანი), ირანალ აზერბაიჯანალიშ დო ირანალ ქურთიშ ფანიას დჷნაბადუ ფეზეშქიანქ, თებრიზიშ სამედიცინო მენცარობეფიშ უნივერსიტეტი მედიცინაშ ხარისხით გათუ დო ირან-ერაყიშ ლჷმაშ (1980–1988) ბორჯის ირანალ ჯარიშკოჩეფშო ექიმო მუშენდჷ. ფეზეშქიანი რდჷ პირანშაჰრიშ დო ნაღადეშ ოლქეფიშ გამგებელი, თიშ პოლიტიკურ კარიერაქ 1997 წანას დიჭყჷ, მუჟანსჷთ თიქ მოჰამედ ხათამიშ ადმინისტრაციას ჭყანთხილუაშ მინისტრიშ გამაკოჩო ქაკათჷნ. 2001 წანაშე 2005 წანაშა თინა ჭყანთხილუაშ დო სამედიცინო გონათუაშ მინისტრი რდჷ. მოგვიანეთ, 2008-2024 წანეფს, თინა ხუთშა გიშაგორეს პარლამენტიშ მაკათურო თებრიზიშ, ოსკუშ დო აზარშაჰრიშ ოგიშაგორაშე ოლქიშე. ათე ბორჯის, 2016 წანაშე 2020 წანაშა, ფეზეშქიანითაშნეშე რდჷ პარლამენტიშ სპიკერიშ პირველი გამაკოჩ. 2024 წანაშ საპრეზიდენტო გიშაგორუეფშა, თიქ დუდ ჟირ წოხოლენ გიშაგორუასჷთ წჷმარინუ: 2013 წანას კანდიდატურა ნამუქჷთ მინწყჷ, თაშნეშე 2021 წანას კალიშ რღვაფაშ ნება ვემეჩეს. მუჭოთ ზჷმიერ პოლიტიკოსიქ, თიქ გიშაგორუეფს პრინციპალისტ ნომინანტ საიდ ჯალილი დამარცხჷ.

ფეზეშქიანქ მუშ პრეზიდენტალა „აწორინალაშ ლირეშ“ (Axis of Resistance) ალარინათ ქჷდიჭყუ ირან-ისრაელიშ პროქსი კონფლიქტის. თიში გამაგალაშ ბორჯის მოხვადჷ 2024 წანაშ გჷმათუთაშ ირანიშ გეშქუმალეფქ ისრაელშა, ნამუთ რდჷ ოგამურ ისრაელიშით ჰამასიშ ლიდერიშ, ისმაილ ჰანიეშ, ჰეზბოლაშ ლიდერიშ, ჰასან ნასრალაშ დო ირანალ ოურდუმე ოფიცერიშ, აბას ნილფორუშანიშ ჸვილუეფშენ. ფეზეშქიანს იმენდ უღუდჷ, ააშ-წკჷმა გვირზილურ აპიჯალას (JCPOA) კჷნე აკანწყუნდჷნ, ნამუშ მანგიოროთ ირანს ერეფოშქაშე სანქციეფქ მოუნწყუნდჷნ. მარა, 2025 წანაშ მანგის. ისრაელიშ გერასქუეფიშ უკული, აწორინალაქ „ვითოჟირდღამ ლჷმაშა“ (Twelve-Day War) გეგნორთჷ, ნამუშ ბორჯისჷთ ფეზეშქიანიშ ჸვილუაშ უმწუძინუო ოცადუდეს. 2026 წანაშ 1 მელახის ალი ხამენეიშ ჸვილუაშ უკული, ფეზეშქიან გეგშაგორეს ობორჯე მადუდეეფიშ სხუნუშ (Interim Leadership Council) მაკათურო, ალირეზა არაფი დო უჟინაშ სასამართოშ მადუდე ღოლამ-ჰოსეინ მოჰსენ-ეჟეიწკჷმა ართო.