მაჰარბალი
| მაჰარბალი | |
| პუნ. 𐤌𐤄𐤓𐤁𐤏𐤋 | |
| მოღალობა |
ოურდუმე მოღალე, მანჯღვერთარი |
|---|---|
|
ბიოგრაფიული ჩინებეფი
| |
| დაბადებაშ თარიღი |
უჩინებუე |
| ღურაშ თარიღი |
უჩინებუე |
| მენოღალობა | |
მაჰარბალი (პუნ. 𐤌𐤄𐤓𐤁𐤏𐤋, ჯვ. ბერძ. Μαάρβας) — ნუმიდიარი ოურდუმე მოღალე, მაჟირა პუნიკური ლჷმაშ მიმალობას ჰანიბალიშ კავალერიაშ მანჯღვერთარი. მაჰარბალი, უმოსო შინელი რე თიში გორაგადით ჰანიბალიწკჷმა. ჸათე ამბე მოჩამილი რე ჯვეში რომალი ისტორიკოსიშ ტიტუს ლივიუსიშ ნაჭარეფს. კანეშ ლჷმაშ უკულ, მაჰარბალი ჰანიბალს ელუჩანს ნოღა რომიშ მეხჷ ოურდუმე ექსპედიციაშ დოჭყაფას, მარა ჰანიბალი თის ვადაჸუნუ. მაჰარბალი ჰანიბალს უგამანს: "ღორონთს კოჩიშა არძა ნიჭი ვემუჩამუ. სი გიჩქჷ ლჷმას მუჭო გემორძგვე, მარა ვაიჩქჷ გომორძგუაშ გჷმორინაფა".
მაჰარბალი, ისტორიული წყუეფს, მაართათ იშინუაფუ საგუნტუმიშ ქართაშ (ალყა) (ჯვ. წ. 219) მიმალობას. მაჰარბალი მონაწილენდჷ ტრაზიმენიშ ტობაშ ლჷმას (ჯვ. წ. 217) დო კანეშ ლჷმას (ჯვ. წ. 216). ჸათე ლჷმეფს კართაგენალეფქ კონწარო დამარცხეს რომალეფი. ტიტუს ლივიუსიშ მეჯინათ, კანეს, მაჰარბალი ხემანჯღვერენდჷ კართაგენალეფიშ მარძგვანი ფლანგის (პოლიბიოსი მარძგვანი ფლანგიშ მანჯღვერო ჰანოს შინანს).
კასილინუმიშ ბურჯაფიშ უკულ, მაჰარბალიშ ბედი უჩინებუ რე. თის ისტორიული წყუეფი ვაშინანა. თიქ შელებე ღურუკო კასილინუმიშ ქართაშ მიმალობაშ ბორჯის.