მენგისთუ ჰაილე მარიამი
| მენგისთუ ჰაილე მარიამი ამჰ. መንግሥቱ ኀይለ ማርያም | ||
 ოფიციალური პორტრეტი, 1977-1978 წწ. | ||
| ეთიოპიაშ ხანდაშ პარტიაშ გენერალური მელამოსე | ||
|---|---|---|
| პოსტის გერინაშ ბორჯი | ||
| 12 ეკენია, 1984 – 21 მესი, 1991 | ||
| წიმოხონი | პოსტიქ გიჭყჷ | |
| მონძე | პოსტიქ გეუქვჷ | |
ეთიოპიაშ პრეზიდენტი | ||
| პოსტის გერინაშ ბორჯი | ||
| 10 ეკენია, 1987 – 21 მესი, 1991 | ||
| წიმოხონი | მუ, მუჭოთ დერგიშ დუდმახვენჯი | |
| მონძე | ტესფაიე გებრე კიდანი | |
დერგიშ დუდმახვენჯი დო ეთიოპიაშ სახენწჷფო მადუდე | ||
| პოსტის გერინაშ ბორჯი | ||
| 3 ფურთუთა, 1977 – 10 ეკენია, 1987 | ||
| წიმოხონი | ტეფერი ბენტი | |
| მონძე | მუ, მუჭოთ პრეზიდენტი | |
| პოსტის გერინაშ ბორჯი | ||
| 17 გერგობათუთა, 1974 – 28 გერგობათუთა, 1974 | ||
| წიმოხონი | ამან ანდომი | |
| მონძე | ტეფერი ბენტი | |
| დუნაბადი | 21 მესი, 1937 კაფა-გიმირა, იტალიაშ ბჟაეიოლი აფრიკა | |
| მენოღალობა |  ეთიოპია ზიმბაბვე | |
| პოლიტიკური პარტია | ეთიოპიაშ ხანდაშ პარტია (1984-1991) | |
| ალმასქუ | ვუბანჩი ბიშოუ | |
| სქუალეფი | 3 | |
| საქვარუა | ოურდუმე მოღალე, პოლიტიკოსი | |
| რელიგია | ათეიზმი | |
მენგისთუ ჰაილე მარიამი (ამჰ. መንግሥቱ ኀይለ ማርያም, დ. 21 მესი, 1937) — ეთიოპიარი ოურდუმე მოღალე, რევოლუციონერი, პოლიტიკოსი, ეთიოპიაშ სახენწჷფო მადუდე 1977-1991 წანეფს.[1] 1984-1991 წანეფს რდჷ ეთიოპიაშ ხანდაშ პარტიაშ გენერალური მელამოსე, თაშნეშე რდჷ დუდმახვენჯი დერგიშ - მარქსიზმ-ლენინისტური ოურდუმე ხუნტაშ, 1977-1988 წანეფს.[2] 1987-1991 წანეფს უკინებუდჷ ეთიოპიაშ პრეზიდენტიშ პოსტი.
დერგიქ 1974 წანას ხვისტაშე გეგთარაგუ ეთიოპიაშ იმპერატორი ჰაილე სელასიე I დო ხეშულობა მუქ ქაშეჸოთჷ ხეშა.[2] დერგიშ დინახალე მენგისთუ ჰაილე მარიამიქ დამარცხჷ პოლიტიკური ოპონენტეფი დო მუქ გინირთჷ ეთიოპიაშ დიქტატორო. მართუალაშ ბორჯის თიქ წიმიჭყჷ შხვადოშხვა რეფორმეფი, მაგალთო ინდუსტრიაშ ნაციონალიზაცია, ოფუტეშ მეურნობაშ რეორგანიზაცია მარქსიზმ-ლენინისტურით მეთოდეფით.[3] 1977-1978 წანეფს ეთიოპიას არდგილი უღუდჷ ჭითა ტერორს, ნამუშ ბორჯის კონწარო თხოზუდეს ოპოზიციური ბუნეფს დო მენოღალეეფს.[4] ტერორიშ მიმალობას გოჭყვიდეს ანთასობათ ადამიერი.
მენგისთუ ჰაილე მარიამიშ მართუალა იხასიათებუდჷ დინახალენი დო გალენური კონფლიქტეფით დო ეკონომიკური პრობლემეფით. 1977-1978 წანეფს ეთიოპია ოლიმუდჷ სომალს (ოგადენიშ ლჷმა). ლჷმაშ მიმალობას ეთიოპიაქ შანულამი ოურდუმე ელარჷნა მიღჷ სხუნუეთიშე დო კუბაშე.[3] მენგისთუშ მართუალაშ ბორჯის, დუდიშულობაშო ლჷმენდეს ერიტრეალეფი. 1983-1985 წანეფს ეთიოპიას იბურჯანდჷ შქირენა, ნამუშ გეშათ მენგისთუშ თარობა შანულამი საირქიანო კრიტიკაშ ობიექტი რდჷ.[5] 1991 წანას, მენგისთუშ თარობაშ ოპონენტეფქ ქუდახუეს თიში ხეშულობა. მენგისთუქ ქიანა ქიდიტუ დო ზიმბაბვეშა ინტუ.[1]
სქოლიო
[რედაქტირაფა | წყუშ რედაქტირაფა]- 1 2 Encyclopaedia Britannica. "Mengistu Haile Mariam". https://www.britannica.com/biography/Mengistu-Haile-Mariam
- 1 2 Bahru Zewde. A History of Modern Ethiopia, 1855–1991. Addis Ababa University Press.
- 1 2 Gebru Tareke. The Ethiopian Revolution: War in the Horn of Africa.
- ↑ Ethiopian Red Terror Documentation and Research Center.
- ↑ Alex de Waal. Famine Crimes: Politics & the Disaster Relief Industry in Africa.