მეტროპოლიტენი
მეტროპოლიტენი, კუნტას მეტრო — რელსეფამი ონოღე ტრანსპორტიშ ნერგვარობა, ნამუშ რელსეფი იდვალუაფუ შოშეეფშე გიშაკერძაფილო, მუჭოთ წესი, დიხაშგიმე. მახინწალეფიშ ყარაფი მეტროპოლიტენს ირეგულირებუ, გარიგაშ მეჯინათ. ტრანსპორტიშ თე გვარობა გიშეგორუაფუ მაღალი წარმუობათ. თის ოშქაშეთ სათის 50-60 ვითოშ ადამიერიშ გინოჸონაფა შეულებჷ. ნოღეფს გჷმოქიმინელი შოშეეფიშ სისტემათ, მეტროპოლიტენი მუჭთ წესი, დიხაშგიმე იდვალუაფუ დო ხვალე მუსხირენ დგჷმილი ეშმურს დიხაშ ჟილეშე. ირი მახინწალს 4-8 ვაგონი გილაჸუნს. გვირაბიშ დიამეტრი 5-6 მეტრის აკმადგინანს. დგჷმილეფიშ პლატფორმეფი სიგჷნძას 160 მეტრიშახ ანჭუ, სიგანას — 16 მ-ს. მეტროპოლიტენიშ ღაზიშ ართი კილომეტრიშ გოჸუნაფა ოშქაშეთ 50 მილიონ ააშ-იშ დოლარშახ დოდოხოდუ. მეტროპოლიტენიშ სიდიდა იძანძჷ 2-კმ-იანი ღაზით ისრაელიშ ნოღა ხაიფას დო ნიუ-იორკიშ დიხაშგიმენი მეტროშ სისტემათ, ნამუშ ედომუშამი სიგჷნძა 1300 კილომეტრიშ უმოსი რე.
თაშნეშე ქოძირით
[რედაქტირაფა | წყუშ რედაქტირაფა]ლიტერატურა
[რედაქტირაფა | წყუშ რედაქტირაფა]- (ინგლისური) Mark Ovenden: Metro Maps of the world. Capital Transport, London 2005, ISBN 1-85414-272-0
- (ინგლისური) Paul Garbutt: World metro systems. Capital Transport, London 1997, ISBN 1-85414-191-0
- (გერმანული) W. J. Hinkel, K. Treiber, G. Valenta und H. Liebsch: gestern-heute-morgen – U-Bahnen von 1863 bis 2010. Schmid Verlag, Wien 2004, ISBN 3-900607-44-3.
- (გერმანული) Straßenbahn Magazin: U-Bahnen. Geramond Verlag, München 2004, 1, ISBN 3-89724-201-X.