მეღვინალა
მეღვინალა — ღვინიშ წარმება, დოჭყაფილ ხილიშ გიშაგორუაშე, თიშ ალკოჰოლშა გინოფუნა დო ზათ ქვანთიშ ბოთილეფშა გინობუნა. მეღვინალაშ ისტორია ვითოშწანურეფს მოკოროცხუნს. რე ბეჭედუა, ნამუთ უზურენს, ნამჷ-და არძაშე ორდოიან ღვინიშ წარმება საქორთუოს დო ირანს მიშჷ დოხოლაფირო ჯვ. წ. 6000 წანაშე 5000 წანაშახ.[1] მენცარობა, ნამუთ დითმიგურუანს ღვინს დო მეღვინალასჷნ ჯოხო ენოლოგია. მეღვინე შილებე თაშნეშე ჯოხოდას მებინეხეს. ჸურზენის მოჸონაფას მებინეხალა ჯოხო, მოსოფელს რე ანდა ჸურზენიშ გვარობა.
მეღვინალაქ შილებე დირთას ჟირ ზოგად კატეგორიათ: უყარუ ღვინიშ წარმება (კარბონაციაშ უმუშო) დო ცხურცხინა ღვინიშ წარმება (კარბონაციათ - ნატურალურ ვარ-და ინექციური). ჭითა ღვინი, ჩე ღვინი დო ვარდიშფერ ღვინი მეღვინალაშ შხვა თარ კატეგორიეფ რენა. თიშ უმკუჯინალო, ნამჷ-და ღვინიშ უმენტაშობა დითმიდგუმუაფუ ჸურზენშენ, შილებე შხვა ჩანარეფშეთ იკეთინასჷნ. (ქძ. ხილიშ ღვინი.) შხვა მოგვენ ქექე ალკოჰოლურ ოშუმალეფშა (ლუდიშ დო ალკოჰოლურ ოშუმალეფშე გინორთ) მიშმურს თოფურშიშ დო წყარიშ ფუნაშ შედეგო მეღებულ ქვანთი — თოფურწყარი, სიდრი („უშქურიშ სიდრი“) — უშქურიშ წვენიშ ფუნაშ შედეგო, პერრი („სხულიშ სიდრი“) — სხულიშ წვენიშ ფუნაშ შედეგო დო კუმისი — ცხენიშ ფერმენტირებულ ბჟაშე.
ლიტერატურა
[რედაქტირაფა | წყუშ რედაქტირაფა]- ბაღათურია ნ., ქართული მეღვინეობა, 2013
- გილაშვილი ნ., მეღვინეობა, ნაწ. 1-2, თბ., 1961;
- ლაშხი ა., ენოქიმია, თბ., 1970;
- სირბილაძე ა., ხარისხოვანი ღვინის დაყენება და მოვლა, თბ., 1964;
- Беридзе Г. И., Вина и коньяки Грузии, Тб., 1965;
- Герасимов М. А., Технология вина, 3 изд., М., 1964;
- სირბილაძე ა., ქსე, ტ. 6, გვ.635-636, თბ., 1983
- R Jackson (2014) Wine Science (4th Edition). Principles and Applications. Academic Press, ISBN :9780123814685