მიგელ პრიმო დე რივერა

	მიგელ პრიმო დე რივერა; Miguel Primo de Rivera
	;
ესპანეთიშ პრემიერ-მინისტრი
პოსტის გერინაშ ბორჯი
	15 ეკენია, 1923 – 28 ღურთუთა, 1930
მონარქი	ალფონსო XIII
წიმოხონი	მანუელ გარსია პრიეტო
მონძე	დამასო ბერენგერი
ნაღურა	მელახი 16, 1930 (60 წანერი); პარიზი, საფრანგეთი
მენოღალობა	ესპანეთი
პოლიტიკური პარტია	პატრიოტული რსხუ
ალმასქუ	კასილდა საენს დე ერედია
სქუალეფი	6
საქვარუა	ოურდუმე მოღალე, პოლიტიკოსი
რელიგია	კათოლიციზმი
ხეშმოჭარუა

მიგელ პრიმო დე რივერა ი ორბანეხა (ესპ. Miguel Primo de Rivera y Orbaneja, დ. 8 ღურთუთა, 1870 — ღ. 16 მელახი, 1930) — ესპანარი ოურდუმე მოღალე, დიქტატორი, ესპანეთიშ პრემიერ-მინისტრი 1923-1930 წანეფს. გურაფულენდჷ ტოლედოშ ოურდუმე აკადემიას, ნამუთ გათუ 1888 წანას. უკულ ქაკათჷ ესპანეთიშ აკოანჯარაფილი ნძალეფს დო ნინალენდჷ მაროკოს, კუბას დო ფილიპინეფს. 1911 წანას გინირთჷ ბრიგადაშ გენერალო, 1914 წანას დივიზიაშ გენერალო დო 1919 წანას გენერალ-ლეიტენანტო. პრიმო დე რივერას, უკულ უკინებუდჷ ადმინისტრაციული პოსტეფი ვალენსიას, მადრიდის დო ბარსელონას. 1923 წანაშ 13 ეკენიას, თიქ მანწყუ ოურდუმე გინორთა, ქუდახუ მანუელ გარსია პრიეტოშ თარობა დო ხეშულობა მუქ ქაშეჸოთჷ ხეშა. რივერას ქალუდირთჷ მონარქიქ ალფონსო XIII-ქ, ნამუქჷთ რივერას ქუდავალჷ ახალი თარობაშ ფორმირაფა.

პრიმო დე რივერაქ გაჭყჷ ავტოკრატიული მართუალა, ნამუთ გერსხუდჷ ნაციონალისტური დო პოპულისტური იდეეფს. დუდშე, თიქ პიჯალა ქუდოდვუ, მუჭო 90 დღაშ უკულ თარობაშე მიდეშუ, მარა ვეშურსულებუ დო ხეშულობას ქუდოსკიდჷ. რივერაშ მართუალაშ ბორჯის გეთუ მაროკოშ ლჷმაქ (1927). გამათხოზეს კატალონიური დუდიშულობაშ ჸარაფის. დინახალენი პოლიტიკას, შხვა სერიოზული წჷმაძინეფიშა ვამუჭირინუაფჷ რივერაშ თარობას. გეუფრაშჷ ეკონომიკური ჸოფირალაქ. მენოღალეეფიშ უმენტაშობა უკმაყოფილე რდჷ რივერაშ ავტორიტარული პოლიტიკათ. 1930 წანაშ ღურთუთაშო, რივერაქ მუში მოხუჯე გენერალეფიშ ნდობა მიოდინუ დო ხეშულობაქ დათმებელქ აჸუ. გინორინაშე თუთა დო გვერდიშ უკულ, რივერაქ დოღურჷ.

ქოძირით თაშნეშე

ესპანეთიშ პრემიერ-მინისტრი

ლიტერატურა

ენციკლოპედია ბრიტანიკა

თე სტატია ესპანეთიშ დო ესპანარეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.