მითრიდატე IV (პართია)
| მითრიდატე IV 𐭌𐭄𐭓𐭃𐭕 | |
.jpg) მითრიდატე IV-შ მონეტა | |
| პართიაშ მაფა | |
|---|---|
| პოსტის გერინაშ ბორჯი | |
| ჯვ. წ. 57 – ჯვ. წ. 54 | |
| წიმოხონი | ფრაატ III |
| მონძე | ოროდ II |
| ნაღურა | ჯვ. წ. 54 |
| მუმა | ფრაატ III |
| რელიგია | ზოროასტრიზმი |
მითრიდატე IV (პართ. 𐭌𐭄𐭓𐭃𐭕) — პართიაშ მაფა ჯვ. წ. 57-54 წანეფს, ფრაატ III-შ სქუა, არშაკიდეფიშ დინასტიაშ წჷმმარინაფალი. თიში მართუალა იხასიათებუდჷ დინასტიური ლჷმათ უკულაში ჯიმა ოროდ IIწკჷმა, ნამუქჷთ მითრიდატე დამარცხჷ დო დაჸვილაფუ.
მუამუშიშ, ფრაატ III-შ მაფობაშ ბორჯის, მითრიდატე რდჷ მიდიაშ მამართალი. ჯვ. წ. 57 წანას, უკულაში ჯიმაშ ოროდიშ ალარინათ, მითრიდატექ დოჸვილჷ ფრაატი დო ხეშულობა მუქ ქაშეჸოთჷ ხეშა. მარა მალას ჯიმალეფქ ვემირიგეს დო ოროდიქ ეარჸჷ მეთრიდატეშ მეხჷ. მითრიდატექ დემარცხჷ დო სირიაშა ინტუ. მითრიდატეს ოჸურჩე ქიმეჩჷ სირიაშ რომალი მამართალქ დო პროკონსულქ აულუს გაბინიუსიქ. უკულიანი პერიოდის, გაბინიუსიშ ალარინათ მითრიდატექ პართიაშა გემშეჭკირჷ. მითრიდატექ დუდშე შანულამი წჷმოძინეფს მიოჭირინუ დო ქიდეკინჷ შქაწყარმალონა დო ბაბილონეთი. მითრიდატექ ოროდი ქუდახუ დო ხეშულობა დირთინუ. მარა უკულ, ოროდიშ მოხუჯე მაჯვღვერთარქ, სურენაქ ქართას ქინახუნუ სელევკია. მითრიდატექ დემარცხჷ დო ოროდიშ ზოჯალათ ჸვილირქ იჸუ.