დინორეშა გინულა

მიფუნე ტოსირო

ვიკიპედიაშე
მიფუნე ტოსირო
三船 敏郎 (Toshiro Mifune)

მიფუნე 1954 წანას
მოღალობა

1947–1995

ბიოგრაფიული ჩინებეფი
დაბადებაშ თარიღი

1 პირელი, 1920

დაბადებაშ აბანი

ცინდაო, შანდუნი, ჩინეთი

ღურაშ თარიღი

ქირსეთუთა 24, 1997 (77 წანერი)

ღურაშ აბანი

მიტაკა, ტოკიო, იაპონია

ნთხორუაშ აბანი

კავასაკი, იაპონია

საქვარუა:

არტისტი, კინოპროდიუსერი, კინორეჟისორი

მენოღალობა

იაპონიაშ შილა იაპონია

ერუანობა

იაპონარი

ალმასქუ

საჩიკო იოსიმინე (1950–1995)

სქუალეფი

3


[mifuneproductions.co.jp ოფიციალური ვებ-ხასჷლა]

მიფუნე ტოსირო (იაპონ. 三船 敏郎, Mifune Toshirō; დ. 1 პირელი, 1920 — ღ. 24 ქირსეთუთა, 1997) — იაპონალ არტისტ დო პროდიუსერ რდჷ. ანდა ჯილდოშ დო აღიარებაშ მაპალუ რდჷ მუშ ხანგჷნძე კარიერაშ განწეხანს,[1] თინა ფართოთ იკოროცხუდჷ არძა ბორჯიშ უკაბეტაშ არტისტო.[2] თინა შხირას არსულენდჷ გერგეზულ პერსონაჟეფს დო გიშაკერზაფილ ჩინებულ რდჷ იაპონურ კინოინდუსტრიას ეკრანს მუშ ინმახანტე მოღალობათ.[3]

თიშ უმკუჯინალო, ნამჷ-და თიქ 180-შე უმოს როლი ილაჸაფუნჷ, მიფუნე არძაშე უმოსო ჩინებულ რე რეჟისორ აკირა კუროსავაწკჷმა მუშ 16 კოლაბორაციათ (წორომოხანდალათ). ათე კოლაბორაციეფ იკათუანდჷ კუროსავაშ კრიტიკოსეფიშით მაღალო აღიარებულ ძიდაიგეკიშ ჟანრიშ ფილმეფს, მუნერით რე „რასიომონი“ (1950), ნამუშოთ მიფუნექ ვენეციაშ კინოფესტივალს ჯგ. მარკოზიშ ორქოშ ნჯილო მიპალუ,[4] „შქვითი სამურაი“ (1954), „ზისხირამი ხვისტა“ (1957), „ფულირი ჯიხაზურა“ (1958) დო „იოძიმბო“ (1961). ეკონიას ნარსულებუ როლიშო მიფუნექ ვენეციაშ კინოფესტივალს ვოლპიშ თასი საუჯგუშო ქომოლკოჩ არტისტიშო მიღჷ დო Blue Ribbon-იშ პრემიას საუჯგუშო არტისტო იჸუ აღიარებულქ.[5] თიქ თაშნეშე ილაჸაფჷ მიამოტო მუსასიშ როლი ჰიროში ინაგაკიშ „სამურაიშ ტრილოგიას“ (1954–1956), ლორდი ტორანაგა — NBC-იშ ოტელევიზიე მინი-სერიალს „შოგუნი“ დო ადმირალ ისოროკუ იამამოტო — სუმ შხვადოშხვა ფილმის.[6]

1962 წანას თიქ ქჷდარსხუ Mifune Productions, ნამუქჷთ წჷმოძინას მიოჭირინუ მასშტაბურინახანდეფით, თინეფს შქას რე „კურობეშ ქვიშეფი“ (1968) დო „სამურაიშ შილეფი“ (1969). თიქ თაშნეშე თარ როლ არსულჷ მუშ სარეჟისორო დებიუტის — ფილმის „500,000-იშ მონძალა“ (1963). 1965 წანაშ ფილმის „ჭითა ბჟაკე“ (Red Beard) რსუელბურ როლიშ უკული, ნამუშოთ მაჟირაშა მიღჷ ვენეციაშ კინოფესტივალიშ პრემია საუჯგუშო ქომოლკოჩი არტისტიშო, მიფუნექ როლეფიშ ორსულებერო გალენურ ქიანეფშა გეგნორთჷ. თიქ თარ როლეფი ილაჸაფჷ თიჯგურა ფილმეფს, მუნერით რე „ანიმას ტრუხანო“ (1962), ნამუშოთ ხოლო ართ Blue Ribbon-იშ პრემია მიპალუ საუჯგუშო არტისტიშო; „კაბეტ პრიზი“ (1966), ნამუთ თიშ ჰოლივუდურ დებიუტ რდჷ; „ჯოჯოხეთ რჩქალ ოკიანეს“ (1968), „ჭითა ბჟა“ (1971), „ქაღარდიშ ჸილო“ (1975), „მიდუეი“ (1976) დო სტივენ სპილბერგიშ „1941“ (1979).[5][7][4][3]

მიფუნექ 1997 წანაშ 24 ქირსეთუთას ორგანოეფიშ დისფუნქციათ დოღურჷ. 1999 წანას თინა ოურდუმე ხელუანობაშ ისტორიაშ მუზეუმიშ ვარადებაშ მაქდორშა მიშეჸონეს.[8] თიშ რინაშ დო ფილმეფიშ გეშა გინიღეს რსულმეტრაჟამ დოკუმენტურ ფილმ „მიფუნე: ეკონია სამურაი“ (2015). 2016 წანას თიშ ჯოხო ჰოლივუდიშ ვარადებაშ ჯალონას გეშაჭკირეს (მურიცხ გუნწყეს).[4]

Eრესურსეფ ინტერნეტის

[რედაქტირაფა | წყუშ რედაქტირაფა]
ვიკიოწკარუეს? რე ხასჷლა თემაშენ:

ინგლისურო

იაპონურო

სქოლიო

[რედაქტირაფა | წყუშ რედაქტირაფა]
  1. ↑ Toshiro Mifune: The Honorary Samurai – Black Belt Magazine. კითხირიშ თარიღი: 24 April 2023.
  2. ↑ “Empire's 50 Greatest Actors Of All Time List, Revealed“, Empire, 20 December 2022. კითხირიშ თარიღი: 31 January 2023. 
  3. 1 2 Toshiro Mifune Kept it Classy with Casual Style (August 2023).
  4. 1 2 3 Learning by Drinking: Mifune Toshiro (8 January 2024).
  5. 1 2 Toshiro Mifune, the Japanese Actor who Conquered Mexico (19 July 2023).
  6. ↑ Hunter, stephen. “Toshiro Mifune: a World-Class Talent Appreciation: Japanese star, who had a great actor's gift, made an indelible mark on international cinema“, Los Angeles Times, 27 December 1997. 
  7. ↑ The Films of Toshiro Mifune (15 April 2021).
  8. ↑ Hall of Fame.
გორილი რე "https://xmf.wikipedia.org/w/index.php?title=მიფუნე_ტოსირო&oldid=247822"-შე