მიშელ მიჩომბერო
| მიშელ მიჩომბერო Michel Micombero | ||
.png) მიჩომბერო 1966 წანას | ||
| ბურუნდიშ მა-1 პრეზიდენტი | ||
|---|---|---|
| პოსტის გერინაშ ბორჯი | ||
| 28 გერგობათუთა, 1966 – 1 გერგობათუთა, 1976 | ||
| პრემიერ-მინისტრი | ალბინ ნიამოია (1972-1973) | |
| წიმოხონი | ნტარე V (მუჭოთ მაფა) | |
| მონძე | ჟან-ბატისტ ბაგაზა | |
| პოსტის გერინაშ ბორჯი | ||
| 11 კვირკვე, 1966 – 28 გერგობათუთა, 1966 | ||
| მონარქი | ნტარე V | |
| წიმოხონი | ლეოპოლდ ბიჰა | |
| მონძე | პოსტიქ გეუქვჷ | |
| დუნაბადი | 26 მარაშინათუთა, 1940
რუტოვუ, რუანდა-ურუნდი | |
| ნაღურა | კვირკვე 16,, 1983 (42 წანერი)
მოგადიშო, სომალი | |
| მენოღალობა |  ბურუნდი | |
| პოლიტიკური პარტია | რსხუ ნაციონალური პროგრესიშო | |
| გონათაფა | ომაფე ოურდუმე აკადემია სომალიშ ერუანული უნივერსიტეტი | |
| საქვარუა | ოურდუმე მოღალე, პოლიტიკოსი | |
| რელიგია | კათოლიციზმი | |
მიშელ მიჩომბერო (დ. 26 მარაშინათუთა, 1940 — ღ. 16 კვირკვე, 1983) — ბურუნდალი ოურდუმე მოღალე დო პოლიტიკოსი, ნამუთ ქიანას მართუნდჷ მუჭოთ დე ფაქტო ოურდუმე დიქტატორი 1966-1976 წანეფს.[1] მიჩომბერო რდჷ ბურუნდიშ ომაფეშ ეკონია პრემიერ-მინისტრი 1966 წანაშ კვირკვეშე გერგობათუთაშახ დო ბურუნდიშ მაართა პრეზიდენტი 1966 წანაშ გერგობათუთაშე გითორაგვაფაშახ (1976 წანაშ 1 გერგობათუთა).
მიჩომბერო ეთნიკურო ტუტსი რდჷ.[2] 1960-იან წანეფშე ნინალენდჷ ბურუნდიშ აკოანჯარაფილი ნძალეფს. გურაფულენდჷ ურცხოეთის დო ოდაბადეშა დორთაშ უკულ უკინებუდჷ შხვადოშხვა შამულამ პოსტეფი. მიჩომბეროქ ჟირშა მანწყუ ოურდუმე გინორთა ბურუნდიშ მონარქიული მართუალაშ მეხჷ. 1966 წანაშ კვირკვეშ გინორთაშ შედეგო ქუდახუეს ბურუნდიშ თიხანური მაფაშ მვამბუტსა IV-შ ლოიალური თარობა.[3] ხვისტაშა გეშართჷ მვამბუტსა IV-შ სქუაქ ნტარე V-ქ, ნამუქჷთ პრემიერ-მინისტრო მიჩომბერო ქჷმწარინუ. 1966 წანაშ გერგობათუთაშ გინორთათ, მიჩომბეროქ მონარქია ქუდახუ, ხვისტაშე გეგთარაგუ ნტარე V დო ხეშულობა მუქ ქაშეჸოთჷ ხეშა. ბურუნდიქ რესპუბლიკათ გეგმიცხადჷ დო თიშ მაართა პრეზიდენტო გინირთჷ მიჩომბეროქ.[4]
მიჩომბეროშ მართუალაშ გოძვენას, ბურუნდი რდჷ ართ-პარტიული, ცენტრალიზაფილი სახენწჷფო, სოდეთ კონწარი მეთოდეფიშ გჷმორინაფათ თხოზუდეს ოპოზიციას.[5] 1972 წანაშ პირელი-მარაშინათუთაშ პერიოდის არდგილი უღუდჷ გენოციდის ჰუტუეფიშ მეხჷ, ნამუეფ წჷმარინუანდეს ქიანაშ ელიტას. ჰუტუეფი ოპონირენდეს მიჩომბეროშ მართუალას. გენოციდიშ შედეგო გოჭყვიდეს დოხოლაფირო 100-150 ათასი ადამიერი.[6] გალენურ პოლიტიკას, მიჩომბერო მეთხოზუდჷ ნეიტრალიტეტიშ პოლიტიკას, რგილი ლჷმაშ მიმალობას.
1976 წანაშ 1 გერგობათუთას, მინწყუ გინორთაქ მიჩომბეროშ მართუალაშ მეხჷ, ჟან-ბატისტ ბაგაზაშ მანჯღვერალათ.[7] მიჩომბეროქ ქიანა ქიდიტუ დო გეგნიხორჷ სომალიშა, სოდეთ დოღურჷ 1983 წანაშ 16 კვირკვეს.[8]
სქოლიო
[რედაქტირაფა | წყუშ რედაქტირაფა]- ↑ Michel Micombero, 43, Dies; Former President of Burundi (1983-07-18).
- ↑ Michel Micombero, 43, Dies; Former President of Burundi (1983-07-18).
- ↑ Michel Micombero, 43, Dies; Former President of Burundi (1983-07-18).
- ↑ Michel Micombero, 43, Dies; Former President of Burundi (1983-07-18).
- ↑ Michel Micombero, 43, Dies; Former President of Burundi (1983-07-18).
- ↑ Michel Micombero, 43, Dies; Former President of Burundi (1983-07-18).
- ↑ Michel Micombero, 43, Dies; Former President of Burundi (1983-07-18).
- ↑ Michel Micombero, 43, Dies; Former President of Burundi (1983-07-18).