მორარჯი დესაი

მორარჯი დესაი मोरारजी देसाई
დესაი 1978 წანას
ინდოეთიშ პრემიერ-მინისტრი
პოსტის გერინაშ ბორჯი
24 მელახი, 1977 – 28 კვირკვე, 1979
პრეზიდენტი	ნილამ სანჯივა რედი
წიმოხონი	ინდირა განდი
მონძე	ჩარან სინგჰი
დუნაბადი	29 ფურთუთა, 1896 ბჰადელი, ბრიტანეთიშ ინდოეთი
ნაღურა	პირელი 10, 1995 (99 წანერი) მუმბაი, ინდოეთი
მენოღალობა	ინდოეთი
პოლიტიკური პარტია	ინდოეთიშ ერუანული კონგრესი (1934-1969) ინდოეთიშ ერუანული კონგრესი (ორგანიზაცია) (1969-1977) ჯანატა (1977-1988) ჯანატა დალი (1988-1995)
ალმასქუ	გუჯრაბენ დესაი
სქუალეფი	5
გონათაფა	მუმბაიშ უნივერსიტეტი
საქვარუა	აქტივისტი, პოლიტიკოსი
რელიგია	ინდუიზმი
ჯილდოეფი	ბჰარატ რატნა (1991) პაკისტანიშ ორდენი (1990)
ხეშმოჭარუა

მორარჯი დესაი (ჰინდი. मोरारजी देसाई; დ. 29 ფურთუთა, 1896 — ღ. 10 პირელი, 1995) — ინდოარი აქტივისტი დო პოლიტიკოსი, ინდოეთიშ პრემიერ-მინისტრი 1977-1979 წანეფს. დესასის შხვადოშხვა ბორჯის უკებუდჷ შხვადოშხვა შანულამი პოსტეფი. რდჷ ბომბეიშ შტატიშ თარი მინისტრი, ინდოეთიშ დინახალენი საქვარეფიშ მინისტრი, ფინანსეფიშ მინისტრი დო პრემიერ-მინისტრიშ გამაკოჩი.

ლალ ბაჰადურ შასტრიშ ღურაშ უკულ, დესაი რდჷ პრემიერ-მინისტრობაშ ართ-ართი ნძალიერი პრეტენდენტი, მარა ხეშულობაშო ლჷმას თინა ინდირა განდიქ დამარცხჷ. განდიშ კაბინეტის დესაის უკინებუდჷ ფინანსეფიშ მინისტრიშ დო პრემიერ-მინისტრიშ გამაკოჩიშ პოსტეფი 1969 წანაშახ. 1969 წანას ინდოეთიშ ერუანული კონგრესიქ ჟირო გირთჷ. დესაიქ ქაკათჷ ინდოეთიშ ერუანული კონგრესი (ო)-შ ფრაქციას. 1977 წანაშ გიშაგორუეფს ოპოზიციური პარტიეფქ ჯანატაშ ალიანსიშ თუდუ აკიართიანეს დო დამარცხეს ინდირა განდიშ პარტია იეკ (რ). ჸათე შანულამი გომორძგუაშ შედეგო პრემიერ-მინისტრო გინირთჷ დესაიქ.

მორარჯი დესაი ოთინჩალე პოლიტიკაშ მოხუჯე რდჷ. თიქ გაუჯგუშჷ ურთიართალა პაკისტანიწკჷმა დო დეხოლჷ ჩინეთის. ოთინჩალე პოლიტიკური აქტივიზმიშ გეშა პაკისტანიშ თარობაქ 1990 წანაშ 19 მესის, დესაის გინოჩჷ უმაღალაში ომენოღალე ჯილდო პაკისტანიშ ორდენი.

ქოძირით თაშნეშე

• ინდოეთიშ პრემიერ-მინისტრი