მოსოფელიშ კოორდინირაფილი ბორჯი

მოსოფელიშ კოორდინირაფილი ბორჯი (ინგლ. Universal Coordinated Time — UTC, უნივერსალური კოორდინირაფილი ბორჯი) — მაღალი სიზუსტეშ ატომური ბორჯიშ სტანდარტი, მენმოღალი ბორჯიშ ოსხირი. ატომური ბორჯიშე გიშმერთუ მერქაშ ედომუშამი მუდანობათ, დო UT1-შე წილოფონი მუდანობათ.

UTC მიშაღალირქ იჸუ მოჯვეშაფილი გრინვიჩიშ შქაბანია ბორჯიშ (GMT) მანგიორო. ბორჯიშ ახალი ოზიმალი UTC მიშაღალირქ იჸუ, GMT ოზიმალიშ ვაწორწოობაშ გეშა, მუთ გჷმოჭანაფილი რდჷ დიხაუჩაშ დღა დო სერიშ რთაფათ. UTC ოზიმალი გერსხუ ატომური ბორჯის წორ ოზიმალს (TAI) დო უმოს მოხუჯური რე მენოღალურ გჷმორინაფაშო.

თიშ გეშა, ნამჷ-და UTC-ს დო UT1-ს შქას შხვაობა 0,9 მრ-შე უმოსი ვარენ, შილებე უმოსი ფართო გაგებაშ ტერმინიშ გიმორინაფა - მოსოფელიშ ბორჯი (UT), თუ მუშო ოკო რაგადი მაღალი სიზუსტეშ საჭირება ვაარსებენს-და. ამახანურ რინას, მუჟანსჷთ მერქაშ წილოფონიშ მუდანობა ვარე შანულამინ, გრინვიჩიშ შქაბანია ბორჯი (GMT) შილებე მიბრჩქინათ UTC-იშ ვარდა UT1-იშ ექვივალენტო. შხვა შვანს, მუჟამსჷთ UTC-ს დო UT1-ს შქას შხვაობა არსებითი რენ, გრინვიჩიშ შქაბანია ბორჯიშ (GMT) გჷმორინაფას ურიდანა. ეიოშინალი რე, ნამჷ-და UTC ბორჯი ვეთირუ ზოთონჯ-ზარხულობათ.

რესურსეფი ინტერნეტის

• Current Time Now ზუსტი საათი არძო ბორჯიშ ორტყაფუშო
• BIPM UTC/TAI ბორჯიშ სერვერი
• thetimeNOW — მიმალი ბორჯი არძო სასაათო ორტყაფშო
• თარიღიშ დო ბორჯიშ ფორმატეფი. W3C.
• G. Klyne, C. Newman. RFC 3339. Date and Time on the Internet: Timestamps. IETF.

თე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.