მოჰამედ სიად ბარე

	მოჰამედ სიად ბარე
	; ოფიციალური პორტრეტი, 1970 წ.
სომალიშ მა-3 პრეზიდენტი
პოსტის გერინაშ ბორჯი
	21 გჷმათუთა, 1969 – 26 ღურთუთა, 1991
წიმოხონი	აბდირაშიდ ალი შერმარკი
მონძე	ალი მაჰდი მუჰამადი
ნაღურა	2 ღურთუთა, 1995 (75 წანერი); ლაგოსი, ნიგერია
ნთხორუ აბანი	გარბაჰარეი, გედო, სომალი
მენოღალობა	სომალი
პოლიტიკური პარტია	უჟინაში რევოლუციური სხუნუ (1969-1976); სომალიშ რევოლუციური სოციალისტური პარტია (1976-1991); სომალიშ ნაციონალური ფრონტი (1991-1992)
გონათაფა	მოდენაშ ოურდუმე აკადემია
საქვარუა	ოურდუმე მოღალე, პოლიტიკოსი
რელიგია	ისლამი

მოჰამედ სიად ბარე (სომ. Maxamed Siyaad Barre, არაბ. محمد زياد بري, დ. 6 გჷმათუთა, 1919 — ღ. 2 ღურთუთა, 1995) — სომალარი ოურდუმე მოღალე, რევოლუციონერი დო პოლიტიკოსი, სომალიშ რანწკით მა-3 პრეზიდენტი 1969-1991 წანეფს.

ბიოგრაფია

1941 წანაშე ნინალენდჷ სომალიშ პოლიციას, ინსპექტორო.^[1] 1950 წანას იტალიაშა გოუტეს, სოდეთ გურაფულენდჷ მოდენაშ ოურდუმე აკადემიას.^[2] 1960-იან წანეფიშე მოღალენდჷ სომალიშ აკოანჯარაფილი ნძალეფს.^[3] 1965 წანაშო გინირთჷ ოურდუმე ნძალეფიშ თარსარდალო.^[4] 1966 წანას მიოჭირინუ გენერალ-მაიორობას.^[5] 1969 წანას, მოჰამედ სიად ბარექ მანწყუ უზისხირე სახენწჷფო გინორთა დო ხეშულობა მუქ ქაშეჸოთჷ ხეშა.^[6] თე წანას, სიად ბარეშ მანჯღვერალათ გიჭყჷ სომალიშ მამართალი უჟინაში რევოლუციური სხუნუქ - ოურდუმე ხუნტაქ, ნამუქჷთ სომალი გინაშქუ ართ-პარტიული, მარქსისტ-ლენინისტური კომუნისტური სახენწჷფოთ.^[7] ბარეშ მართუალა იხასიათებუდჷ მოდერნიზაციათ, ინდუსტრიაშ დო ბანკეფიშ ნაციონალიზაციათ, კოოპერატივეფიშ გოჭყაფათ დო ანტი-ტრაიბალიზმით.^[8] ბარექ გემშიღჷ ლათინური ალფაბეტი.^[9] სომალიქ დეხოლჷ სხუნუეთის დო შხვა კომუნისტური სახენწჷფოეფს.^[10] სომალიშ რევოლუციური სოციალისტური პარტიაქ გინირთჷ ქიანაშ ავანგარდული პარტიათ.^[11]

სიად ბარექ, 1977 წანაშ კვირკვეს წიმიჭყჷ ოურდუმე კონფლიქტი მეზობელი ეთიოპიაშ მეხჷ (ოგადენიშ ლჷმა).^[12] თიში ღანკი რდჷ ოგადენიშ რეგიონიშ კონტროლი, სოდეთ უმენტაშო სომალარეფი ოხორანა.^[13] მარა ეთიოპარეფქ, სხუნუეთიშ დო კუბაშ ელარინათ წჷმოძინეფი მიპალეს დო სომალიშ არმია ოგადენიშე გეგშარაჸეს.^[14] შედეგო, სომალქ მეჭყვიდჷ ურთიართალა სხუნუეთიწკჷმა დო დეხოლჷ ამერიკას დო ბჟადალიშ შხვა ქიანეფს.^[15]

1980-იან წანეფიშე გენძალიერჷ ოპოზიციური ჸარაფიქ სიად ბარეშ დიქტატორული ხეშულობაშ მეხჷ.^[16] 1991 წანას, ოპოზიციური ნძალეფქ სიად ბარეშ მართუალა ქუდახუეს (სომალიშ ომენოღალე ლჷმა).^[17] უკულ, ბარექ ნიგერიაშა გეგნიხორჷ, სოდეთ დოღურჷ 1995 წანაშ 2 ღურთუთას.^[18]

ურცხოული ჯილდოეფი

ერუანული შილაშ ორდენი, მაართა კლასი, ოორუე კორეა, 1972
იუგოსლავიაშ მურიცხიშ ორდენი, იუგოსლავია, 1976

ლიტერატურა

ენციკლოპედია ბრიტანიკა

სქოლიო

[1] ttps://www.britannica.com/biography/Mohamed-Siad-Barre

[2] ttps://www.britannica.com/biography/Mohamed-Siad-Barre

[3] ttps://www.britannica.com/biography/Mohamed-Siad-Barre

[4] ttps://www.britannica.com/biography/Mohamed-Siad-Barre

[5] ttps://www.britannica.com/biography/Mohamed-Siad-Barre

[6] ttps://www.britannica.com/event/Somali-coup-of-1969

[7] ttps://www.britannica.com/biography/Mohamed-Siad-Barre

[8] ttps://www.britannica.com/biography/Mohamed-Siad-Barre

[9] ttps://www.britannica.com/topic/Somali-language

[10] ttps://www.britannica.com/place/Somalia/Government-and-society

[11] ttps://www.britannica.com/topic/Somali-Revolutionary-Socialist-Party

[12] ttps://www.britannica.com/event/Ogaden-War

[13] ttps://www.britannica.com/place/Ogaden

[14] ttps://www.britannica.com/event/Ogaden-War

[15] ttps://www.britannica.com/place/Somalia/Siad-Barre

[16] ttps://www.britannica.com/place/Somalia/Civil-war

[17] ttps://www.britannica.com/event/Somali-Civil-War

[18] ttps://www.britannica.com/biography/Mohamed-Siad-Barre

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]